ଅର୍ଗସ ବ୍ୟୁରୋ : ବିଜେଡି ସରକାରରେ ଜନତାଙ୍କୁ ମିଳୁନି ନ୍ୟାୟ । ଗରିବ ଲୋକଙ୍କ ଦଳ ବିଜୁ ଜନତା ଦଳ କେବଳ ଗୋଟିଏ ନାରା । ବାସ୍ତବରେ ଚିତ୍ର କିନ୍ତୁ ପୂରା ଭିନ୍ନ । କାରଣ ଏବେ ଅଧିକାଂଶ ମେଡିକାଲରେ ଡାକ୍ତର ନାହାନ୍ତି କି ଉନ୍ନତ ଚିକିତ୍ସା ସେବା ମିଳୁନି । ସ୍ଥିତି ଏମିତି ହେଲାଣି ଯେ ରାଜ୍ୟରେ ଏବେ ଜନ୍ମ ହେଉଥିବା ୧୦୦ ପିଲାଙ୍କ ମଧ୍ୟରୁ ୩୦ରୁ ଅଧିକ ପିଲା ଅପପୁଷ୍ଟିରେ ଶିକାର ହେଉଛନ୍ତି । ପିଲାଙ୍କ ସ୍ଵାସ୍ଥ୍ୟକୁ ନେଇ ନବୀନ ବାବୁ କେତେ ଚିନ୍ତିତ ତାହା ଆମେ ନଗଡାରୁ ଜାଣନ୍ତି । କେମିତି ସ୍ଵାସ୍ଥ୍ୟସେବାରେ ସୁଧାର ଆସିବ ସେନେଇ କେନ୍ଦ୍ର ସରକାର ଆୟୁଷ୍ମାନ ଭାରତ ଯୋଜନା କଲେ । କିନ୍ତୁ ନିଜ ଭଲ କହି ରାଜ୍ୟରେ ତାହାକୁ ଲାଗୁ କଲେ ନାହିଁ ନବୀନ ବାବୁ । କିନ୍ତୁ ଏବେ ସ୍ଵାସ୍ଥ୍ୟ କେତେ ଉନ୍ନତ ତାହା ଜଳଜଳ ହୋଇ ଦିଶୁଛି ବୋଲି କହିଛନ୍ତି ଧର୍ମେନ୍ଦ୍ର ।

ନବୀନ ସରକାରରେ ବିପର୍ଯ୍ୟସ୍ତ ସ୍ଵାସ୍ଥ୍ୟସେବା , ବିପର୍ଯ୍ୟସ୍ତ ଗର୍ଭବତୀଙ୍କ ସ୍ଵାସ୍ଥ୍ୟ ।  ସଙ୍ଘୀୟ ବ୍ୟବସ୍ଥା ଅନୁସାରେ ରାଜ୍ୟକୁ ସାହାଯ୍ୟ କରିବାକୁ କେନ୍ଦ୍ର ସବୁବେଳେ ପ୍ରସ୍ତୁତ ରହୁଛି । ପୂର୍ବ ଅପେକ୍ଷା ଏବେ ଅନୁଦାନ ବି ଅଧିକ ଆସୁଛି । ଏମିତିକି ରାଜ୍ୟର ବିକାଶ ପାଇଁ ମୋଦି ସରକାର ୧୮ ଲକ୍ଷ କୋଟି ଟଙ୍କା ଦେଇଛନ୍ତି । କିନ୍ତୁ ତାହାକୁ ଠିକ୍‌ରେ କାର୍ଯ୍ୟକାରୀ କରୁନାହାନ୍ତି ରାଜ୍ୟ ସରକାର । ତେଣୁ ଏଥିରୁ ଗୋଟିଏ କଥା ଜଳଜଳ ହୋଇ ଦିଶୁଛି ସ୍ଵାସ୍ଥ୍ୟ ଯୋଗାଇ ନାଁରେ କେବଳ ଧୋକା ଦେଉଛନ୍ତି ରାଜ୍ୟ ସରକାର ।

ଖାଲି ଏତିକି ନୁହେଁ ବରଂ ସରକାରୀ ବାବୁମାନେ ପ୍ରତିଦିନ ଭିଜିଲାନ୍ସ ହାତରେ ଧରାପଡୁଛନ୍ତି । କୋଟି କୋଟି ଟଙ୍କାର ଦୁର୍ନୀତି ହୋଇଥିବା କଥା ସାମ୍ନାକୁ ବି ଆସୁଛି । ଯଦି ବାବୁମାନେ ସଚ୍ଚୋଟ ନୁହନ୍ତି ତାହାଲେ ବିକାଶ କେମିତି ହେବ ବୋଲି ପ୍ରଶ୍ନ କରିଛନ୍ତି ଧର୍ମେନ୍ଦ୍ର ।  କେବଳ ଏହି ପ୍ରସଙ୍ଗ ନୁହେଁ ବରଂ ଆଜି ବି କେମିତି ମାହାଙ୍ଗା ଡବଲ ମର୍ଡର ହତ୍ୟାକାରୀ ଖୁଲମଖୁଲା ବାହାରେ ବୁଲୁଛନ୍ତି ସେନେଇ ପ୍ରତିକ୍ରିୟା ବି ରଖିଛନ୍ତି । ମୋଟ୍‌ ଉପରେ ରାଜ୍ୟ ସରକାର ଯୋଜନା ନାଁରେ ଭୋଟ ବ୍ୟାଙ୍କ ବଢାଉଛି ସତ କିନ୍ତୁ ଲୋକଙ୍କ ପାଖରେ ଯେ ଯୋଜନା ଆଜି ବି ଅପହଞ୍ଚ ତାହା ସ୍ପଷ୍ଟ ହୋଇଛି ।