ସମ୍ବଲପୁର: ସମ୍ବଲପୁରର ଅଧିଷ୍ଠାତ୍ରୀ ଦେବୀ ମାଁ ସମଲେଶ୍ବରୀଙ୍କ ଦର୍ଶନ କଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମନ୍ଦ୍ର ପ୍ରଧାନ । ଏହାସହ ମନ୍ଦିରରେ ନୂତନ ଭୋଗ ମଣ୍ଡପର କରିଛନ୍ତି ଉଦଘାଟନ । ବିଭିନ୍ନ କାରଣ ଯୋଗୁଁ ବନ୍ଦ ରହିଥିଲା 2020 ମସିହାରୁ ମନ୍ଦିରରେ ପ୍ରସାଦ ସେବନ । ଆଜିଠାରୁ ପୁଣି ଏହାର ଶୁଭାରମ୍ଭ ହୋଇଛି । କେନ୍ଦ୍ରମନ୍ତ୍ରୀ ନିଜେ ଅନ୍ୟ ଅତିଥିଙ୍କ ସହ ବସି ପ୍ରସାଦ ସେବନ କରିଥିଲେ । ଧର୍ମେନ୍ଦ୍ର କହିଛନ୍ତି, ସମ୍ବଲପୁରର ପୁରୁଣା ଅଯୋଧ୍ୟା ସାଗର ବନ୍ଧକୁ 'ରିଭରଫ୍ରଣ୍ଟ ଡେଭଲପମେଣ୍ଟ ପ୍ରୋଜେକ୍ଟ' ଅଧୀନରେ ବିକଶିତ କରିବାର କଳ୍ପନା କରାଯାଇଛି । ହୀରାକୁଦ ବନ୍ଧର ନବୀକରଣ ପାଇଁ ସରକାର କାମ କରୁଛନ୍ତି । ମା’ ସମଲେଶ୍ୱରୀଙ୍କ ମନ୍ଦିର ପ୍ରକଳ୍ପକୁ କେନ୍ଦ୍ରରେ ରଖି ସମ୍ବଲପୁରର ସର୍ବାଙ୍ଗୀନ ବିକାଶ ପାଇଁ ଯୋଜନା ହେଉଛି । ସମ୍ବଲପୁର ଭଳି ପ୍ରାଚୀନ ଓ ଐତିହ୍ୟ ସମ୍ପନ୍ନ ଅଞ୍ଚଳକୁ ଆଧୁନିକ ବ୍ୟବସ୍ଥା ସହ ଯୋଡିବା ପାଇଁ ଡବଲ ଇଞ୍ଜିନ ସରକାର କାମ କରୁଛି।

ବୁର୍ଲାରେ ଏକ ମହିଳା ଫୁଟବଲ ମ୍ୟାଚରେ ଅତିଥି ଭାବେ ଯୋଗ ଦେଇଥିଲେ ଧର୍ମେନ୍ଦ୍ର । ନୀତା ଅମ୍ବାନୀ କଟକ ମହିଳା ଫୁଟବଲ କ୍ଲବ ଓ ତାରିଣୀ କ୍ଲବ କେନ୍ଦୁଝର ଫୁଟବଲ କ୍ଲବ ମଧ୍ୟରେ ମ୍ୟାଚ୍ ହୋଇଥିଲା। ନୀତା ଅମ୍ବାନୀ କଟକ ମହିଳା ଫୁଟବଲ କ୍ଲବ ୩-୦ରେ ବିଜୟୀ ହୋଇଥିଲା । ଖେଳାଳିଙ୍କୁ ଶୁଭେଚ୍ଛା ଜଣାଇବା ସହ ବୁର୍ଲା ଷ୍ଟାଡିୟମକୁ ଖୁବଶୀଘ୍ର ନୂତନ ଭାବରେ ତିଆରି କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି କେନ୍ଦ୍ରମନ୍ତ୍ରୀ । ସମ୍ବଲପୁର ଅଇଁଠାପାଲି ଜାଲାନ ଟାୱାରରେ ଏକ ଇ-ବାଇକ୍‌ ସୋ-ରୁମ୍‌ର ଉଦଘାଟନ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ।