ଆଜି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଜନ୍ମଦିନ । ଏହି ଅବସରରେ ବିଭିନ୍ନ ମହଲରୁ କେନ୍ଦ୍ରମନ୍ତ୍ରୀଙ୍କୁ ଝୁଟୁଛି ଶୁଭେଚ୍ଛାର ସୁଅ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଧର୍ମେନ୍ଦ୍ର ପ୍ରଧାନଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଭାରତର ଶିକ୍ଷା କ୍ଷେତ୍ରକୁ ଉନ୍ନତ କରିବା ପାଇଁ ତାଙ୍କର ପ୍ରୟାସ, ଗବେଷଣା ଏବଂ ନବସୃଜନ ଉପରେ ଧ୍ୟାନ ଦେବା କାର୍ଯ୍ୟ ପ୍ରଶଂସନୀୟ ବୋଲି କହିଛନ୍ତି ପ୍ରଧାନମନ୍ତ୍ରୀ ।

Birthday wishes to Union Minister Shri Dharmendra Pradhan Ji. His efforts towards improving India’s education sector, focusing on research and innovation, are commendable and greatly benefitting India’s Yuva Shakti. May he lead a long and healthy life.@dpradhanbjp
— Narendra Modi (@narendramodi) June 26, 2025

ଏହି ଅବସରରେ ରୀ ସାକ୍ଷୀଗୋପାଳ ବୀର ଗୋବିନ୍ଦପୁର ସ୍ଥିତ ମା’ ଦକ୍ଷିଣକାଳୀ ମନ୍ଦିର ଯାଇ ଦର୍ଶନ କରିଛନ୍ତି କେନ୍ଦ୍ରମନ୍ତ୍ରୀ । ମା'ଙ୍କ ଆଶୀର୍ବାଦ ନେବା ସହ ସମସ୍ତଙ୍କ ସୁଖ ସମୃଦ୍ଧି କାମନା କରିଛନ୍ତି ।

ଜୟ ମା’ ଦକ୍ଷିଣକାଳୀ 🙏

ଆଜି ଭଳି ପବିତ୍ର ଦିନରେ ପୁରୀ ସାକ୍ଷୀଗୋପାଳ ବୀର ଗୋବିନ୍ଦପୁର ସ୍ଥିତ ମା’ ଦକ୍ଷିଣକାଳୀ ମନ୍ଦିରରେ ଦର୍ଶନ କରିବା ମୋର ସୌଭାଗ୍ୟ । ମା’ଙ୍କ ପାଖରେ ସମସ୍ତଙ୍କ ସୁଖ, ଶାନ୍ତି ଓ ମଙ୍ଗଳ କାମନା କରୁଛି । pic.twitter.com/RA09M35p0b
— Dharmendra Pradhan (@dpradhanbjp) June 26, 2025

ସେହିପରି ରାଜ୍ୟର ବିଭିନ୍ନ ସ୍ଥାନରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଜନ୍ମଦିନ ପାଳନ । ସମ୍ବଲପୁରର ମାଆ ସମଲେଶ୍ଵରୀ ମନ୍ଦିରରେ ସ୍ବତନ୍ତ୍ର ପୂଜାର୍ଚ୍ଚନା ସହ ଦୀପ ପ୍ରଜ୍ଜଳନ କଲା ସମ୍ବଲପୁର ଜାଗରଣ ସ୍ଵେଚ୍ଛାସେବୀ ଅନୁଷ୍ଠାନ । ସେହିପରି ଧର୍ମେନ୍ଦ୍ର ପ୍ରଧାନଙ୍କ ଫ୍ୟାନ୍ କ୍ଲବ ପକ୍ଷରୁ ମଧ୍ୟ ମା' ସମଲେଶ୍ଵରୀଙ୍କଠାରେ ସମୂହ ଦୀପ ଦାନ ସହ କେନ୍ଦ୍ରମନ୍ତ୍ରୀଙ୍କ ଦୀର୍ଘାୟୁ କାମନା କରିଛନ୍ତି।

ସେପଟେ ତାଳଚେରରେ ହନୁମାନ ମନ୍ଦିରରେ ଦୀପଦାନ କରିବା ସହ ଅସହାୟ ଗରିବଲୋକଙ୍କୁ ବସ୍ତ୍ର ବଣ୍ଟନ କରାଯାଇଛି । ଢେଙ୍କାନାଳରେ ବି କେନ୍ଦ୍ର ଶିକ୍ଷାମନ୍ତ୍ରୀଙ୍କ ୫୬ତମ ଜନ୍ମଦିନ ପାଳନ ହୋଇଯାଇଛି । କାମାକ୍ଷାନଗର ବିଧାୟକ ଶତୃଘ୍ନ ଜେନା ବାବା ବୁଦ୍ଧେଶ୍ବରଙ୍କ ମନ୍ଦିରରେ ପୂଜାର୍ଚ୍ଚନା କରି ଦୀର୍ଘାୟୁ କାମନା କରିଥିଲେ । ଭୁବନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ରୋଗୀମାନଙ୍କୁ ଫଳ ବଣ୍ଟନ କରାଯାଇଥିଲା ।

Argus News | argus news | Odisha Latest News, Breaking News, Trending News, Live TV