ନିଆରା ପରମ୍ପରା । ରଥଯାତ୍ରା ଦିନ ନୁହେଁ ଦିନକ ପରେ ହୁଏ ରଥଟଣା । ବିସ୍ୱର ସବୁ ସ୍ଥାନରେ ରଥଯାତ୍ରା ଦିନ ରଥ ଟଣା ହେଉଥିବାବେଳେ ଏଠାରେ କିନ୍ତୁ ଦିନକ ପରେ ହୁଏ । ଯାହା ଖାଲି ଏଇ ବର୍ଷେ ଦୁଇ ବର୍ଷ କଥା ନୁହେଁ 400 ବର୍ଷ ତଳର କଥା । ଆମେ କହୁଛୁ ଜୟପୁର ରଥଯାତ୍ରା କଥା । ପୁରରୁ ପଲ୍ଲୀ ସବୁଠି ଗତକାଲି ମହପ୍ରଭୁ ଜଗନ୍ନାଥଙ୍କ ପବିତ୍ର ରଥଯାତ୍ରା ଆଉ ରଥ ଟଣା ହୋଇଥିବାବେଳେ ଏଠି କିନ୍ତୁ ଆଜି ରଥଟଣା ହୁଏ । ଗତକାଲିଠୁ ଶ୍ରୀଜୀଉମାନେ ରଥାରୂଢ ହୋଇଥିବାବେଳେ ଆଜି ରଥଟଣା ହୋଇଛି ।

ଅପରାହ୍ନ ୪ ଟାରେ ରଥ ଟଣା ଆରମ୍ଭ ହୋଇଥିଲା । ଏହି ପରମ୍ପରା ପଛରେ କିଛି କିମ୍ବଦନ୍ତୀ ରହିଛି । କିଏ କହେ ପୂର୍ବରୁ ଦୂରଦୂରାନ୍ତରୁ ଆଦିବାସୀମାନେ ରଥ ଯାତ୍ରାରେ ସାମିଲ ହୋଇପାରୁ ନଥିଲେ,ସେମାନଙ୍କର ସୁବିଧା ଦୃଷ୍ଟି କୋଣରୁ ତତକାଳୀନ ରାଜା ଏଭଳି ପ୍ରଥା ପ୍ରଚଳନ କରିଥିଲେ ।

ଆଉ କିଏ କହେ ଜୟପୁରର ରାଜା ରଥଯାତ୍ରା ଦିନ ଛେରା ପହଁରା କଲା ବେଳେ ରାଜ ପରିବାରର କେହି ଜଣେ ମୃତ୍ୟୁ ବରଣ କରିଥିଲେ । ସେଇଥିପାଇଁ ୪୦୦ ବର୍ଷ ତଳୁ ଏହି ପରମ୍ପରା ଚାଲି ଆସିଛି । ସେ ଯାହାବି ହେଉ ରଥ ଟଣା ନିକଟରେ ଜୟପୁର ବିଧାୟକ,ତହସିଲ ଦାର, ଜୟପୁର SDPO ସମସ୍ତେ ପହଞ୍ଚି ଜଗାଙ୍କ ରଥଙ୍କୁ ପୂଜାର୍ଚ୍ଚନା ପରେ ରଥ ଟଣା ହୋଇଛି । ବଡ ରଥ ପୁରୁଷ ମାନେ ଟାଣନ୍ତି । ୧୨ବର୍ଷ ହେବ ଅନ୍ୟ ଏକ ନିଆରା ପରମ୍ପରା ମହିଳା ମାନେ ଏକ ରଥ ଟାଣୁଛନ୍ତି । ସେଇଠି କେବଳ ମହିକା ମାନେ ବେଶ ଖୁସିର ସହ ରଥ ଟାଣନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more