କଟକଣାକୁ ବେଖାତିର କରୁଛି ବେଦାନ୍ତ । ଝାରସୁଗୁଡା ବେଦାନ୍ତ କମ୍ପାନୀ ନିଜ ଇଚ୍ଛାରେ ବେଆଇନ ପାଉଁଶ କାରାବାର ଚଲାଇଛି । ବେଆଇନ ପାଉଁଶ ଚାଲାଣରେ ସମ୍ବଲପୁର ପୋଲିସ ୨୩ ଟି ହାଇଓ୍ଵା ଜବତ କରିବା ପରେ ଏବେ ଏକ ଆଉ ଏକ ନିର୍ଦ୍ଦେଶ ମାନି ନଥିବା ତଥ୍ୟା ସାମ୍ନାକୁ ଆସିଛି ।

ପୂର୍ବରୁ ଝାରସୁଗୁଡା ଜିଲ୍ଲାରେ ବେଦାନ୍ତ କମ୍ପାନୀ ବେଆଇନ ପାଉଁଶ ପକାଇବା ନେଇେ ୨୦୨୪ ଅକ୍ଟୋବର ୧୨ରେ ବରଗଡ ସାଂସଦ ପ୍ରଦୀପ ପୁରୋହିତ କେନ୍ଦ୍ର ଜଙ୍ଗଳ ପରିବେଶ ଓ ଜଳବାୟୁ ପରିବତ୍ତନ ମନ୍ତ୍ରୀ ଭୁପେନ୍ଦ୍ର ଯାଦବଙ୍କ ନିକଟରେ ଅଭିଯୋଗ କରିଥିଲେ । ଅଭିଯୋଗ ପରେ କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଓ ଓଡ଼ିଶା ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀଙ୍କୁ ନେଇ କମିଟି ଗଠନ କରି ତଦନ୍ତ କରିବାକୁ ନିର୍ଦ୍ଦେଶ ଦେଇଥିଲେ ।

ତେଵେ କମିଟି ତଦନ୍ତ କରି ରିପୋର୍ଟ ଦାଖଲ ପରେ ଜିଲ୍ଲାରେ ବେଆଇନ ଭାବେ ପଡୁଥିବା ପାଉଁଶ ତୁରନ୍ତ କାଢ଼ିବାକୁ ନିର୍ଦ୍ଦେଶ ଥିଲା । ପାଉଁଶ ଡ଼ମ୍ପିଂ ହୋଇଥିବା ସ୍ଥାନଗୁଡ଼ିକୁ ସଫା କରିବା ପାଇଁ ଆବଶ୍ୟକୀୟ ପଦକ୍ଷେପ ନେବାକୁ କେନ୍ଦ୍ର ମନ୍ତ୍ରୀ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଭୁପେନ୍ଦ୍ର ଯାଦବ ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଥିଲେ ମଧ୍ୟ ବେଦାନ୍ତ କମ୍ପାନୀ ଏହାକୁ ଖାତିର କରିନାହିଁ ।

ପୂର୍ବରୁ ଵେଦାନ୍ତ କମ୍ପାନୀ ବିଜେଡି ଲିଙ୍କ୍‌ରେ କରୁଥିଲା ବେଆଇନ କାମ । ପୂର୍ବ ବିଜେଡି ସରକାରରେ ଆଇନକୁ ଫୁ କରିଥିଲା ବେଦାନ୍ତ । ସେତେବେଳେ ପ୍ରଶାସନ ବି କିଛି ଶୁଣୁନଥିଲା । ବିଜେପି ସରକାରଙ୍କ ନୀତି ପୁରା ସ୍ପଷ୍ଟ । ଏବେ ସମ୍ବଲପୁର ଏସ୍‌ପି କହିଛନ୍ତି, 23 ଗାଡି ଜବତ ମାମଲାରେ ତୁରନ୍ତ ହେବ କାର୍ଯ୍ୟାନୁଷ୍ଠାନ । ଅନ୍ୟପଟେ ବେଆଇନ ପାଉଁଶ ପକାଇବା ନେଇ ପ୍ରଦ୍ୟୁଷଣ ବିଭାଗ କେବଳ ଫାଇନରେ ସୀମିତ ରହିଛି । ଯାହା ଫଳରେ ଵେଦାନ୍ତ କମ୍ପାନୀ ମନ ଇଚ୍ଛା ବେଆଇନ ପାଉଁଶ କାରବାର ଚଲାଇଛି ।

ସମ୍ବଲପୁରରେ ୨୩ ଟି ହାଇଓ୍ବା ଜବତ ଘଟଣାରେ ଖୁବଶୀଘ୍ଲ ପୋଲିସ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ । ଏକଥା ଏସପି ସ୍ପଷ୍ଟ କରିବା ପରେ ଅପେକ୍ଷା କେବେ ହେଉଛି କାର୍ଯ୍ୟାନୁଷ୍ଠାନ ।

Argus News | argus news | Odisha Latest News, Breaking News, Trending News, Live TV