ବାଲେଶ୍ୱରରେ ଲଜ୍ଜା । ସିମୁଳିଆ ଥାନା ଅଞ୍ଚଳରେ ଯୁବତୀଙ୍କୁ ଦୁଷ୍କର୍ମ ଅଭିଯୋଗ । ଅଭିଯୁକ୍ତକୁ ଗିରଫ କରିଛି ସିମୁଳିଆ ଥାନା ପୁଲିସ । ସିମୁଳିଆ ଜାମୁଝାଡ଼ି ଅଞ୍ଚଳର ଯୁବତୀ ଜଣକ ଗତକାଲି କମ୍ପ୍ୟୁଟର କ୍ଲାସ ସାରି ଘରକୁ ଫେରୁ ଥିବାବେଳେ ଦୁଷ୍କର୍ମର ଶିକାର ହୋଇଥିବା ଅଭିଯୋଗ ହୋଇଛି । ଯୁବତୀଙ୍କୁ ଅଚେତ ଅବସ୍ଥାରେ ସୋର ଅଞ୍ଚଳର ଏକ ଘରୁ ଉଦ୍ଧାର କରାଯାଇଥିଲା । ଥାନାରେ ଅଭିଯୋଗ କରିବା ପରେ ଗୁରୁତର ପୀଡିତାଙ୍କୁ ସିମୁଳିଆ ଡାକ୍ତରଖାନାରେ ଭର୍ତ୍ତି କରାଯାଇଛି । 

ସିମୁଳିଆ ବିଧାୟକ ପଦ୍ମଲୋଚନ ପଣ୍ଡା ପୀଡିତାଙ୍କୁ ହସ୍ପିଟାଲରେ ଦେଖା କରିବା ସହ ନ୍ୟାୟ ମିଳିବ ବୋଲି ପ୍ରତିଶ୍ରୁତି ଦେଇଛନ୍ତି । ସିମୁଳିଆ ପୋଲିସ ଅଭିଯୁକ୍ତ ଅବିନାଶ ପାତ୍ରକୁ ଜାମୁଝାଡି ପଞ୍ଚାୟତ କାର୍ଯ୍ୟାଳୟ ନିକଟରୁ ଧରିବା ସହ ଥାନାରେ ଅଟକ ରଖି ତଦନ୍ତ କରୁଛି । ଦିନକୁ ଦିନ ଏହିପରି ଘଟଣା ସାମ୍ନାକୁ ଆସୁଥିବାବେଳେ ଏନେଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଆବଶ୍ୟକ।