ଭିଜିଲାନ୍ସ ଜାଲରେ ରେଞ୍ଜର । କାଶୀପୁରର ରେଞ୍ଜର ଅନ୍ତର୍ଯାମୀ ସାହୁଙ୍କ ଘରେ ରେଡ୍ । ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ରାୟଗଡ଼ା କାଶୀପୁର ଫରେଷ୍ଟ ରେଞ୍ଜର ଅନ୍ତର୍ଯାମୀ ସାହୁଙ୍କ ୯ଟି ଠିକଣାରେ ଚଢ଼ାଉ କରିଛି ଭିଜିଲାନ୍ସ । ରେଞ୍ଜର ଦୁର୍ନୀତି କରିବା ଏବଂ ଆୟ ବର୍ହିଭୁତ ସମ୍ପତ୍ତି ଠୁଳ କରିଥିବା ନେଇ ଅଭିଯୋଗରେ ବହୁ ଦିନରୁ ଭିଜିଲାନ୍ସ ସ୍କାନରରେ ଥିଲେ ।

କାଶୀପୁର ସରକାରୀ କାର୍ଯ୍ୟାଳୟ, ବାସଭବନ, ପୈତୃକ ବାସଭବନ ଦାରିଙ୍ଗବାଡି, କନ୍ଧମାଳ ଜିଲ୍ଲାର ବାଲିଗୁଡା ବାସଭବନ, ଗଞ୍ଜାମ ଜିଲ୍ଲାର ଭଞ୍ଜନଗର, ବ୍ରହ୍ମପୁର, ନୟାଗଡ଼ ସମେତ ୯ଟି ସ୍ଥାନରେ ଭିଜିଲାନ୍ସ ଚଢ଼ାଉ ଜାରି ରଖିଥିବା ଜଣାପଡିଛି । ଏହି ବାବଦରେ ପ୍ରଶ୍ନ କରିବାରୁ ବୁମ ଏଡାଇ ଚାଲିଗଲେ ଅଭିଯୁକ୍ତ ରେଞ୍ଜର। ଅଭିଯୁକ୍ତ ରେଞ୍ଜରଙ୍କୁ ଭିଜିଲାନ୍ସ ଦ୍ୱାରା ଅଟକ କରିବା ସହ ରାୟଗଡା ସ୍ଥାନାନ୍ତର କରାଯାଇଛି । ଜୟପୁର ଭିଜିଲାନ୍ସ ଡିଏସପିଙ୍କ ନେତୃତ୍ବରେ ୭ DSP, ୭ ଇନ୍ସପେକ୍ଟର୍ ଓ ୯ ଜଣ ASI ଚଢାଉରେ ସାମିଲ ଥିଲେ ।

କନ୍ଧମାଳ ବାଲିଗୁଡାରେ ସ୍ତ୍ରୀଙ୍କ ନାମରେ ଥିବା ଘର, ନୟାଗଡ଼ କରଡାପଡା ସ୍ଥିତ ଶ୍ୱଶୁର ଘର, ଡାରିଙ୍ଗବାଡ଼ି ସ୍ରାଣିକେତାରେ ଘର ହୋଇଛି ଚଢାଉ । ସେହିପରି ଗଞ୍ଜାମ କୁକୁଡାଖଣ୍ଡି ତହସିଲ ଯୋଗିଆପଲ୍ଲୀରେ ଥିବା ଘର, ଡୋମୁହାଣି ଗାଁରେ ଥିବା ଘର,ଯଶିପୁର ଫରେଷ୍ଟ ରେଞ୍ଜ କାର୍ଯ୍ୟାଳୟ ଓ ସରକାରୀ କ୍ୱାର୍ଟରରେ ଚଢାଉ ।