ସହକାରୀ ଯନ୍ତ୍ରୀ ରାଜକିଶୋର ଜେନାଙ୍କ ଘରେ ଭିଜିଲାନ୍ସ ରେଡ୍‍

ପୁଣି ଭିଜିଲାନ୍ସ ରେଡ୍ । ଭୁବନେଶ୍ବର ଆର୍‌.ଆଣ୍ଡ. ବି ଡିଭିଜନ-2ର ସହାୟକ ଯନ୍ତ୍ରୀ ରାଜ କିଶୋର ଜେନାଙ୍କ ଘରେ ଭିଜିଲାନ୍ସ ଚଢାଉ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ କରୁଛି ଭିଜିଲାନ୍ସ । ନୀଳାଦ୍ରି ବିହାରରେ ଥିବା ତିନି ମହଲା ଘର, କସମୋପୋଲିସ ଫ୍ଲାଟ, ପାହାଳ ସିମ୍ଫୋନି ମଲ୍‌ରେ ଥିବା ଦୋକାନ, ନୟାଗଡ଼ର ପୈତୃକ ଘର, ଶ୍ବଶୁର ଘର, ଆର ଆଣ୍ଡ ବି ଅଫିସରେ ଚାଲିଛି ଚଢାଉ । ଏକକାଳୀନ ୧୦ଟି ସ୍ଥାନରେ ରେଡ୍‌ କରୁଛି ଭିଜିଲାନ୍ସ । ରେଡ୍‌ରେ ସାମିଲ ଅଛନ୍ତି ୭ ଜଣ dsp, ୫ ଜଣ ଇନ୍ସିପେକ୍ଟର ପ୍ରମୁଖ ।

କିଛିଦିନ ତଳେ ଭିଜିଲାନ୍ସ ଜାଲରେ ଧରା ପଡିଥିଲେ ଭୁବନେଶ୍ବର ମହାନଗର ନିଗମ ବା BMCର ଏକ୍‌ଜିକ୍ୟୁଟିଭ୍ ଇଞ୍ଜିନିୟର ଜଗନ୍ନାଥ ପଟ୍ଟନାୟକ । ୩ ମହଲା କୋଠାରେ ପ୍ରାୟ ୧୦ ଘଣ୍ଟା ଛାନଭିନ୍ କରିଥିଲା ଭିଜିଲାନ୍ସ । କୁବେର ଇଂଜିନିୟରଙ୍କର ୬ଟି ସେଭିଂ ବ୍ୟାଙ୍କ ଆକାଉଣ୍ଟରେ ଥିଲା ପ୍ରଚୁର ଟଙ୍କା । ଆହୁରି ୨୮ ଲକ୍ଷ ୪୪ ହଜାର ଟଙ୍କା ମ୍ୟୁଚୁଆଲ୍ ଫଣ୍ଡରେ ସେ ନିବେଶ କରିଥିଲେ ।

ଏହାପୂର୍ବରୁ ଭିଜିଲାନ୍ସ ଜାଲରେ ଗିରଫ ହୋଇଥିଲେ 115 ପ୍ଲଟର ମାଲିକ କେନ୍ଦୁପତ୍ର DFO । ଗତ ଏକ ବର୍ଷ ଭିତରେ ଅନେକ ଦୁର୍ନୀତିଖୋର ବାବୁଙ୍କ ପର୍ଦ୍ଦାଫାଶ କରିଛନ୍ତି ବିଜେପି ସରକାର ।