ସମ୍ବଲପୁରରେ ହନୁମାନ ଜୟନ୍ତୀ ପାଇଁ ଜୋରଦାର ପ୍ରସ୍ତୁତି । ୨୦୨୩ ଭଳି ହିଂସାକାଣ୍ତ ଏଥର ହେବନି ବୋଲି ପୋଲିସ ଦୃଢୋକ୍ତି ପ୍ରକାଶ କରିଛି । ଏଥିପାଇ ଗୁରୁବାର ପୋଲିସ ଡିଜି ସମ୍ବଲପୁର ଗସ୍ତ କରି ରାମନବମୀ ଓ ହନୁମାନ ଜୟନ୍ତୀ ସୁରକ୍ଷା ବ୍ୟବସ୍ଥା ସମୀକ୍ଷା କରିଛନ୍ତି । କିଭଳି ଶାନ୍ତି ଶୃଙ୍ଖଳାର ସହ ମହୋତ୍ସବ ପାଳନ କରାଯିବ ସେନେଇ ଦିର୍ଘ ଘଣ୍ଟା ଧରି ତର୍ଜମା କରିଥିଲେ । ସହରରେ ୨ କମ୍ପାନୀ BSF, ଗୋଟିଏ କମ୍ପାନୀ ରାପିଡ ଆକ୍ସନ ଫୋର୍ସ ଓ ୧୨ ପ୍ଲାଟୁନ ପୋଲିସ ଫୋର୍ସ ଗତ ୩୦ ତାରିଖ ରୁ ମୁତୟନ ରହିଛନ୍ତି । CCTV ଓ ଡ୍ରୋନ କ୍ୟାମେରା ସାହାଯ୍ୟରେ ମଧ୍ୟ ସମ୍ବେଦନଶୀଳ ଅଂଚଳରେ ତୀକ୍ଷଣ ନଜର ରଖିଛି ପୋଲିସ । କିଛି ଦିର୍ନ ପୂର୍ବରୁ ପ୍ରଶାସନ ଉଭୟ ଧର୍ମର ଲୋକ ଙ୍କୁ ନେଇ ଶାନ୍ତି ବୈଠକ କରିଛି ।

ସେପଟେ ହନୁମାନ ଜୟନ୍ତୀ ସମନ୍ବୟ ସମିତି ରାଷ୍ଟ୍ରୀୟ ହିନ୍ଦୁ ନବ ବର୍ଷ ଦିନଠୁ ସହରର ପ୍ରତିପଡାରେ ଝଣ୍ତା ଯାତ୍ରା କରିବା ସହ ଝଣ୍ତା ସ୍ଥାପନ କରୁଛି । ଅପ୍ରେଲ ୬ ତାରିଖ ରାମନବମୀରେ ବାଇକ ଶୋଭାଯାତ୍ରା ଥିବା ବେଳେ ଏଥିରେ ୧୦ ରୁ ୧୫ ହଜାର ଲୋକ ସାମିଲ କରିବା ନେଇ ଯୋଜନା ଚାଲିିଛି । ଅପ୍ରେଲ ୧୪ରେ ହନୁମାନ ଜୟନ୍ତୀ ଶୋଭାଯାତ୍ରା ନେଇ ମଧ୍ୟ ସହରର ପ୍ରତି ପଡାରୁ ପାଖାପାଖୀ ୪୮ ଟି କମିଟି ଶୋଭାଯାତ୍ରାରେ ସାମିଲ ପାଇ ଯୋଜନା ରଖିଛି । ଏଥିପାଇ ପସ୍ତୁତି ବୈଠକ ଚଲାଇଛି ସମନ୍ବୟ ସମିତି ।

୨୦୨୩ ହନୁମାନ ଜୟନ୍ତୀ ହିଂସା କାଣ୍ତ ଯୋଗୁ ତତ୍କାଳୀନ ସରକାର ୨୦୨୪ରେ କଟକଣା ଲଗାଇଥିଲେ । ଚଳିତ ବର୍ଷ ରାଜ୍ୟରେ ସରକାର ବଦଳିଥିବା ବେଳେ ଭବ୍ୟ ଓ ଐତିହାସିକ ହନୁମାନ ଜୟନ୍ତୀ ଉତ୍ସବ କରିବା ପାଇ ଲକ୍ଷ୍ୟ ରଖିଛନ୍ତି ।