ରାସ୍ତା ନଥିବାରୁ ଗାଁ ଛାଡ଼ୁଛନ୍ତି ଗ୍ରାମବାସୀ
Key Points
ରାସ୍ତା ନଥିବାରୁ ଗାଁ ଛାଡୁଛନ୍ତି ଲୋକେ । ଗାଁରେ ଦିନେ ୮୦ ରୁ ଅଧିକ ପରିବାର ବସବାସ କରୁଥିଲେ ଏବେ ସେଠି ଅଛନ୍ତି ମାତ୍ର 3 ପରିବାର ।
ଶିଳ୍ପ ସମୃଦ୍ଧ ଅନୁଗୁଳରେ ଅବହେଳିତ ଗାଁ । ଏଭଳି ଏକ ଗାଁ ହେଉଛି ଅନୁଗୁଳ ବ୍ଲକର ମାଣିକ ଯୋଡ଼ି ପଞ୍ଚାୟତର କୁକୁଡୁ ଗାଁ I ଗାଁ ପାଇଁ ଅଭିଶାପ ପାଲଟିଛି ରାସ୍ତା I ରାସ୍ତା ଖଣ୍ଡେ ନଥିବାରୁ ସମସ୍ୟାରେ ସମ୍ମୁଖିନ ହେବା ପରେ ଶେଷରେ ଗାଁ ଛାଡୁଛନ୍ତି ଲୋକେ । ଏପର୍ଯ୍ୟନ୍ତ ୮୦ରୁ ଅଧିକ ପରିବାର ଗାଁ ଛାଡ଼ି ଅନ୍ୟତ୍ର ଚାଲିଯାଇଛନ୍ତି । ଏବେ ଏହି ଗାଁରେ ରହୁଛନ୍ତି ମାତ୍ର ୩ଟି ପରିବାର I ଗାଁକୁ ରାସ୍ତା ନିର୍ମାଣ ପାଇଁ ବ୍ଲକ ଠାରୁ ଆରମ୍ଭ କରି ଜିଲ୍ଲାପାଳଙ୍କ ପାଖରେ ଅଭିଯୋଗ କରିଥିବା ବେଳେ କେହି ସେମାନଙ୍କ କଥା ଶୁଣୁନଥିବା ଅଭିଯୋଗ ହୋଇଛି ।
ରାସ୍ତା ନିର୍ମାଣ ପାଇଁ ୨୦୨୩ ମସିହାରେ ୮ ଲକ୍ଷ ଟଙ୍କା ଆସିଥିଲା । ହେଲେ ଠିକା ସଂସ୍ଥା ବିନା ଫଳକରେ ନିମ୍ନମାନର କାମ କରିଛୁ । ଗୋଟିଏ ବର୍ଷ ରାସ୍ତାର ଅବସ୍ଥା ବେହାଲ । ସେପଟେ ଗାଁକୁ ଯିବା ରାସ୍ତାରେ ଦୁଇଟି ନାଳ ଥିବା ବେଳେ ବର୍ଷା ହେଲେ ପାହାଡରୁ ଆସୁଥିବା ପାଣିରେ ଯୋଗାଯୋଗ ସମ୍ପୂର୍ଣ୍ଣ ବିଚ୍ଛେଦ ହୋଇଯାଏ । ସେପଟେ ଗାଁର ସମସ୍ୟା ସମ୍ପର୍କରେ ଅନୁଗୋଳ ଉପଜିଲ୍ଲାପାଳ କହିଛନ୍ତି, ସମସ୍ୟା ସମାଧାନ ପାଇଁ ସରକାରଙ୍କ ପକ୍ଷରୁ ପଦକ୍ଷେପ ନିଆଯିବ । ତେବେ ଦେଖିବାର କଥା କେବେ ଗାଁକୁ ଭଲ ରାସ୍ତା ହେବ ଆଉ ଗାଁ ପୂର୍ବ ପରି ହସି ଉଠିବ I
