ଡାହାଣୀ ସନ୍ଦେହରେ ଗୋଡରେ ବେଡି ପକାଇଲେ ଗାଁ ଲୋକେ । ନିର୍ଧୁମ ମାଡ ମାରିବା ସହ ଗୋଟେ ଘରେ ଗୋଡରେ ବେଡି ପକାଇ ବାନ୍ଧି ରଖି ଦେଇଛନ୍ତି ଗାଁ ର ଲୋକେ ।

ଯୁଗ ବଦଳୁଛି, ହେଲେ ବଦଳିପାରୁନି କିଛି ଗାଁ ଲୋକଙ୍କର ଅନ୍ଧବିଶ୍ଵାସ । ଏବେ ବି ଗାଁରେ ଗୁଣିଗାରେଡି କରାଯାଉଥିବା ଦାବି କରୁଛନ୍ତି କିଛି ଗାଁର ଲୋକେ । ଏବେ ଏପରି ଏକ ଅଭିଯୋଗ ଆସିଛି ବାଲେଶ୍ଵର ଜିଲ୍ଲା ମହୁମୁହାଣ ପଞ୍ଚାୟତ ମଲିଚୁଆ ଗାଁରେ । ଗାଁର ଚଇତା ସିଂ ଗୁଣି କରି ଅନେକ ଛୋଟ ପିଲାଙ୍କୁ ମାରି ଦେଉଥିବା ଅଭିଯୋଗ କରିଛନ୍ତି ଗାଁ ଲୋକେ ।

ଅଧିକ ପଢନ୍ତୁ : ସୋର ପୋଲିସକୁ ଖୋଲା ଚାଲେଞ୍ଜ, ହାତଗୋଡ଼ ବାନ୍ଧି ଲୁଟିନେଲେ ସୁନାଗହଣା

ଗାଁ ଲୋକଙ୍କ ଅଭିଯୋଗ ମୁତାବକ ଚଇତା, ତାଙ୍କ ସ୍ତ୍ରୀ ଏବଂ ତାଙ୍କ ପିଲାଛୁଆ ମଧ୍ୟ ସମସ୍ତେ ଗୁଣିଗାରେଡି ଶିଖିଛନ୍ତି । ପୂର୍ବରୁ ତାଙ୍କ ଭାଇକୁ ମଧ୍ୟ ସେମାନେ ମାରି ଦେଇଥିଲ । ଏବେ ଗାଁରେ ଅନେକ ଲୋକଙ୍କର ଅସୁବିଧା କରୁଛନ୍ତି ସେହି ପରିବାର । କାହା ଛୁଆକୁ ମାରି ଦେଉଛନ୍ତି ତ, କାହାକୁ ପାଗଳ କରେଇ ଦେଉଛନ୍ତି ।

ଯାହାକି ନେଇ ଗାଁ ଲୋକେ ଉତ୍‌କ୍ଷିପ୍ତ ହେବାସହ ସେହି ଯୁବକ ଗୋଡରେ ବେଡି ପକାଇ ତାଙ୍କୁ ଗୋଟେ ଘରେ ବନ୍ଦ କରି ଦେଇଥିଲେ । ଘଟଣାରେ ପୋଲିସ ପହଞ୍ଚି ଉଦ୍ଧାର କରିବାକୁ ଆସିଥିବା ବେଳେ ପୋଲିସକୁ ଗଡ ପକାଇ ଅଟକ ରଖିଥିଲେ ଗାଁଲୋକେ । ପରେ ଗାଁ ଲୋକଙ୍କୁ ବୁଝାସୁଝା କରିବା ସହ ସୋରର IIC ଘଟଣାସ୍ଥଳରେ ପହଞ୍ଚି ଗୁରୁତର ଚଇତାଙ୍କୁ ଉଦ୍ଧାର କରିବା ସହ ତାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ ।

Argus News | argus news | Odisha Latest News, Breaking News, Trending News, Live TV