ମୌଳିକ ସୁବିଧାରୁ ବଞ୍ଚିତ ଅପହଞ୍ଚ ଗାଁ । ଆମେ କହୁଛୁ କେନ୍ଦୁଝର ଆନନ୍ଦପୁର ବ୍ଲକର କେଦାରପୁଟ ଗାଁର କଥା । ଗାଁକୁ ଭଲ ରାସ୍ତା ଖଣ୍ଡିଏ ନଥିବା ବେଳେ ପହଞ୍ଚି ପାରିନାହିଁ କୌଣସି କରକାରୀ ସୁବିଧା । ଗାଁର ଅଧିକାଂଶ ଲୋକ ଦିନ ମଜୁରିଆ । ଏହି ଗାଁକୁ ଯିବାକୁ ହେଲେ ପଡୋଶୀ ମୟୁରଭଂଜ ଜିଲ୍ଲାର ପାହାଡ଼ିଆ ଜଙ୍ଗଲ ରାସ୍ତା ଦେଇ ଯିବାକୁ ପଡ଼େ । ଗାଁରେ ଅଙ୍ଗନବାଡି କି ବିଦ୍ୟାଳୟ ନାହିଁ । ଫଳରେ ପିଲା ମାନେ ପାଠପଢ଼ାରୁ ବଞ୍ଚିତ ହେଉଛନ୍ତି । ଭଲ ରାସ୍ତା ଟିଏ ନଥିବାରୁ ଗାଁକୁ ଯାଇପାରେ ନାହିଁ ଆମ୍ବୁଲାନ୍ସ ।

ରାତି ହେଲେ ଅନ୍ଧାରରେ ହଜିଯାଏ ପୁରା ଗାଁ । କାରଣ କାରଣ ଗାଁରେ ଏପର୍ଯ୍ୟନ୍ତ ପହଞ୍ଚି ପାରିନାହିଁ ବିଦ୍ୟୁତ୍ ସେବା । ଚାରିପଟେ ଜଙ୍ଗଲ ଥିବାରୁ ରାତିରେ ବନ୍ୟଜନ୍ତୁଙ୍କ ଭୟ । ସେପଟେ ଗାଁରେ ପହଞ୍ଚି ପାରିନାହିଁ ବୁଶୁଦ୍ଧ ପାନୀୟ ଜଳ । ଗୋଟିଏ ମାତ୍ର ନଳକୂପ ଥିବା ବେଳେ ସେଥିରୁ ମଧ୍ୟ ଆଇରନ ପାଣି ବାହାରୁଛି । ସମସ୍ୟାର ସମାଧାନ ପାଇଁ ଗ୍ରାମବାସୀମାନେ ଦାବି କରିଛନ୍ତି । ତେବେ ଦେଖିବାକୁ ବାକି କେବେ ଏହି ଆଞ୍ଚଳର ଲୋକଙ୍କ ମୌଳିକ ସମସ୍ୟା ଦୁର ହେଉଛି ।