Baleswar flood / ପୋଷ୍ଟ ଅଫିସରେ ପଶିଲା ପାଣି, ଭାସିଲା 500 ଟଙ୍କିଆ ନୋଟ୍

ଲଘୁଚାପ ବର୍ଷା ପ୍ରଭାବରେ ଉବୁଟୁବୁ ବାଲେଶ୍ୱର । ଦ୍ୱିତୀୟ ଦିନରେ ବି ନୂଆସାହି ରାସ୍ତାରେ ୧ ଫୁଟ ଉପରେ ପାଣି ପ୍ରବାହିତ ହେଉଛି । ଏବେ ବି ନୂଆସାହି ରାସ୍ତା ରେ ୧ ଫୁଟ ଉପରେ ପାଣି ପ୍ରଭାବିତ ହେଉଛି। ତଳିଆ ଅଞ୍ଚଳରେ ଲୋକଙ୍କ ଘରେ ପାଣି ପଶି ଯାଇଥିବା ବେଳେ ଏବେ ଧୀରେ ଧୀରେ ତାହା ନିଷ୍କାସିତ ହେଉଛି। କିନ୍ତୁ ଦୁର୍ଦ୍ଦଶା କମି ନାହିଁ।

ସେହିପରି ନୂଆସାହି ଉପ ଡାକଘର ମଧ୍ୟରେ ଗତ କାଲି ୩ ଫୁଟରୁ ଅଧିକ ପାଣି ପଶି ଯାଇଥିଲା। ଫଳରେ ଡାକଘରରେ ଥିବା ବହୁ ଗୁରୁତ୍ୱପୁର୍ଣ୍ଣ ଦସ୍ତାବିଜ୍ ପାଣିରେ ଓଦା ହୋଇ ନଷ୍ଟ ହୋଇଯାଇଛି । ସବୁଠୁ ବଡ଼ କଥା ହେଉଛି ପୋଷ୍ଟ ଅଫିସରେ ଗଚ୍ଛିତ ଥିବା ଲୋକଙ୍କ ଟଙ୍କା ମଧ୍ୟ ପାଣିରେ ଭିଜି ଯାଇଛି । ଫଳରେ ଆଜି ପାଣି କମିବା ପରେ ପୋଷ୍ଟ ଅଫିସ ଭିତରେ ଓଦା ଟଙ୍କା ଓ ଦସ୍ତାବିଜ୍ ଗୁଡ଼ିକୁ ଶୁଖା ଯାଇ ପୁଣି ବ୍ୟବହାର ପାଇଁ ପ୍ରସ୍ତୁତ କରାଯାଇଛି ।

ମିଳିଥିବା ସୂଚନା ଅନୁସାରେ ପୋଷ୍ଟ ଅଫିସ ମଧ୍ୟରେ ପ୍ରାୟ ୧ ଲକ୍ଷ ୮ ହଜାର ଟଙ୍କା ଗଚ୍ଛିତ ଥିଲା । ସେଥିମଧ୍ୟରୁ ୧ ଲକ୍ଷ ଟଙ୍କା ଜନୈକ ଜମାକାରୀ ନେଇ ଥିବାବେଳେ ବାକି ଟଙ୍କା ପୋଷ୍ଟ ଅଫିସ ସାରା ମେଲାଇ ଶୁଖାଯାଇଥିବା ଦୃଶ୍ୟ ଦେଖିବାକୁ ମିଳିଛି । ସେପଟେ ଗତକାଲି ବାଲେଶ୍ବରର ତେଲେଙ୍ଗାସାହି, ଭାସ୍କରଗଞ୍ଜ,ନୂଆସାହି, ଓଟି ରୋଡ ଭଳି ବିଭିନ୍ନ ସ୍ଥାନରେ ଲୋକେ ଜଳବନ୍ଦୀ ଅବସ୍ଥାରେ ଅଛନ୍ତି ।