କମିଛି ପାଣି କିନ୍ତୁ ବଢିଛି ଲୋକଙ୍କ ଦୁର୍ଦ୍ଦଶା
Key Points
କେନ୍ଦ୍ରାପଡ଼ାରେ କମିଛି ପାଣି କିନ୍ତୁ ବଢିଛି ଲୋକଙ୍କ ଦୁର୍ଦ୍ଦଶା
୬ ଦିନ ହେଲା ଚାଷ ଜମିରେ ପାଣି ଜମି ରହିଥିବାରୁ ତଳି ନଷ୍ଟ
ରାସ୍ତାରେ ଆଣ୍ଠୁଏ ଉଚ୍ଚର ପାଣି, ଜଳମଗ୍ନ ଶତାଧିକ ପରିବାର
ବୁଡି ରହିଛି ନଳକୂପ, ବନ୍ୟା ପାଣି ଫୁଟାଇ ପିଉଛନ୍ତି ଲୋକେ
ବ୍ରାହ୍ମଣୀ ନଦୀରେ ଜଳସ୍ତର କମିଛି । ହେଲେ ଏବେ ବି ପାଣି ଘେରରେ କେନ୍ଦ୍ରାପଡ଼ା ଜିଲ୍ଲାର ବିଭିନ୍ନ ଅଞ୍ଚଳ । କେଉଁଠି ଘର ଚାରିପାଖେ ପାଣି ଜମି ରହିଥିବାରୁ ଲୋକେ ଘରୁ ବାହାରି ପାରୁନାହାନ୍ତି ।. ଆଉ କେଉଁଠି ବନ୍ୟା ପାଣିରେ ଘର ଦବି ଯାଇଛି ତ କାନ୍ଥ ଭାଙ୍ଗି ଯାଇଛି । କାଦୁଅକୁ ସାଉଁଣ୍ଟି ସାଉଁଣ୍ଟି ଉଜୁଡି ଯାଇଥିବା ଘରକୁ ସଜାଡୁଛନ୍ତି ଗ୍ରାମବାସୀ ।ଏକର ଏକର ଚାଷ ଜମି, ବିଲ ବାଡି ପାଣିରେ ବୁଡି ରହିଛି । ଖାଲି ସେତିକି ନୁହେଁ ଗାଁ ମୁହଁ ରାସ୍ତାରେ ଲହଡ଼ି ଭାଙ୍ଗୁଛି ପାଣି ।
ବନ୍ୟା ଯୋଗୁଁ ଜିଲ୍ଲାରେ ପଟ୍ଟାମୁଣ୍ଡାଇ, ଆଳି, ରାଜକନିକା ବ୍ଲକର ଅନେକ ପଞ୍ଚାୟତ ପ୍ରଭାବିତ ହୋଇଛି । ଲୋକେ ବନ୍ୟା ପାଣି ଫୁଟାଇ ପିଉଥିବାବେଳେ ଅନେକଙ୍କ ଚୁଲି ଜଳିନି l ସେପଟେ ପଟ୍ଟାମୁଣ୍ଡାଇ ବିଡିଓ କହିଛନ୍ତି- ଗୋମାତାଙ୍କ ପାଇଁ ଗୋଖାଦ୍ୟ ଯୋଗାଇ ଦିଆଯାଉଛି । କ୍ଷୟକ୍ଷତି ସମ୍ପର୍କରେ ସରକାରଙ୍କୁ ଜଣାଇ ଦିଆଯାଇଛି । ବନ୍ୟା ସିନା ଛାଡିଗଲା ହେଲେ ଲୋକଙ୍କ ଅସୁବିଧା ବଢିଗଲା l ସରକାରୀ ସହାୟତା ଅପେକ୍ଷାରେ ବନ୍ୟା ପ୍ରପୀଡ଼ିତ ।
