ହୀରାକୁଦ ଜଳଭଣ୍ତାର ୧୬ ଟି ଗେଟରେ ଜଳ ନିଷ୍କାସନ ଜାରି ରହିଛି । ବାମ ପଟେ ୧୧ ଟି ଓ ଡାହାଣ ପଟେ ୫ ଟି ଗେଟ ଖୋଲିଛି । ବତ୍ତମାନ ଜଳସ୍ତର ୬୨୯.୨୧ ଫୁଟ ରହିଛି । ସେକେଣ୍ତ ପ୍ରତି ୧ ଲକ୍ଷ ୪୬ ହଜାର ୯୧୩ କ୍ୟୁସେକ ଜଳ ପ୍ରବେଶ କରୁଛି। ସେହିପରି ମୋଟ ୧୬ ଟିରେ ଗେଟରେ ୨ ଲକ୍ଷ ୯୭ ହଜାର ୯୭ ହଜାର ୭୩୭ କ୍ୟୁସେକ ଜଳ ନିଷ୍କାସିତ ହେଉଛି । ଉପର ମୁଣ୍ତରୁ ବର୍ଷା ଗତ କାଲି ସଂଧ୍ୟା ଠୁ ବନ୍ଦ ହୋଇଛି । ଛତିଶଗଡ ବର୍ଷା ପାଣି ଆଜି ସଂଧ୍ୟା ହୀରାକୁଦ ଡ୍ୟାମକୁ ପହଁଞ୍ଚି । ଜଳ ପ୍ରଵେଶ ନେଇ ସ୍ଥିତି ଅନୁଧ୍ୟାନ କରି ହୀରାକୁଦ ଗେଟ ଖୋଲାଯିବ କି ନାହିଁ ନିଷ୍ପତ୍ତି ହେବ ।

ରାଜ୍ୟରେ ଜାରି ରହିଛି ଲଘୁଚାପ ଜନିତ ବର୍ଷା । ଫଳରେ ବଢୁଛି ହୀରାକୁଦ ଜଳସ୍ତର । ହୀରାକୁଦ ଜଳଭଣ୍ଡାରରୁ ଖୋଲିଛି ୧୬ଟି ଗେଟ୍ ଦେଇ ବନ୍ୟାଜଳ ନିଷ୍କାସିତ ହେଉଛି । ଉପର ମୁଣ୍ଡରେ ପ୍ରବଳ ବର୍ଷା ଯୋଗୁଁ ହୀରାକୁଦ ଜଳଭଣ୍ଡାରରେ ଜଳସ୍ତର ବୃଦ୍ଧି ପାଉଛି। ଜଳଧାରଣ କ୍ଷମତାକୁ ଦୃଷ୍ଟିରେ ରଖି ଖୋଲା ଯାଇଛି ଗେଟ୍ ।

ଏପଟେ ଗେଟ ଖୋଲାଯାଇଥିବାରୁ ତଳମୁଣ୍ଡକୁ ସତର୍କ ସୂଚନା ଜାରି କରିଛନ୍ତି ହୀରାକୁଦ ଜଳଭଣ୍ଡାର କର୍ତ୍ତୃପକ୍ଷ । ସେପଟେ, ୨୫ ତାରିଖରେ ବଙ୍ଗୋପସାଗର ଉପରେ ଆଉ ଏକ ଲଘୁଚାପ ସୃଷ୍ଟି ସମ୍ଭାବନା । ୨୭ରେ ଅବପାତରେ ପରିଣତ ହୋଇ ଦକ୍ଷିଣ ଓଡ଼ିଶା ଓ ଆ‌ନ୍ଧ୍ରପ୍ରଦେଶ ଅତିକ୍ରମ କରିପାରେ । ପ୍ରଭାବରେ ଓଡ଼ିଶାର ବିଭିନ୍ନ ଜିଲାରେ ପ୍ରବଳରୁ ଅତି ପ୍ରବଳ ବର୍ଷା ହେବା ଆଶଙ୍କା ରହିଛି । ଫଳରେ ଆସନ୍ତା ୨୮ ତାରିଖ ପର୍ଯ୍ୟନ୍ତ ରାଜ୍ୟରେ ପ୍ରବଳ ବର୍ଷା ସମ୍ଭାବନା ରହିଛି । ଯାହାର ପ୍ରଭାବରେ ପ୍ରବଳରୁ ଅତି ପ୍ରବଳ ବର୍ଷା ହେବ ଏହାସହ ଏଥର ଦଶହରା ଭିଜିବ।

ଅଧିକ ପଢ଼ନ୍ତୁ ଓଡ଼ିଶା ଖବର:

Argus News | argus news | Odisha Latest News, Breaking News, Trending News, Live TV