କେନ୍ଦ୍ରାପଡା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ କୁପୁଣି ଗାଁରେ ତରଭୁଜ ଖାଇ ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଗୁରୁତର ଅଛନ୍ତି । କଟକରେ ଚିକିତ୍ସାଧୀନ ଅବସ୍ଥାରେ ୧୩ ବର୍ଷିଆ ସ୍ୱାଧୀନ ସେନାପତିଙ୍କର ମୃତ୍ୟୁ ହୋଇଥିବା ସୂଚନା ।

କୁପୁଣି ଗାଁର ମଳୟ ସେନାପତି ଗଣ୍ଡାଖିଆରୁ ୪ କିଲୋ ତରଭୁଜ ଘରକୁ କିଣି ନେଇଥିଲେ। ପରିବାର ଲୋକେ ତରଭୁଜ ଖାଇବା ପରେ ପେଟରେ ଯନ୍ତ୍ରଣା ଅନୁଭବ କରିଥିଲେ । ପରେ ସେମାନଙ୍କର ବାନ୍ତି ଓ ପତଳା ଝାଡ଼ା ହୋଇଥିଲା ।

ପରିବାରର ୫ ଜଣ ଅସୁସ୍ଥ ହୋଇ ପଡିଥିଲେ । ସେମାନଙ୍କ ମଧ୍ୟରୁ ବବୃବାହାନ ସେନାପତି ଓ ସ୍ୱାଧୀନ ସେନାପତିଙ୍କୁ କଟକ ସ୍ଥାନାନ୍ତର କରାଯାଇଥିଲା । କଟକରେ ସ୍ବାଧୀନଙ୍କ ମୃତ୍ୟୁ ଘଟିଛି ।

ଏଥିସହ ପଢ଼ନ୍ତୁ: ବିରିୟାନି ପରେ, ତରଭୁଜ ଖାଇ ଗୋଟିଏ ପରିବାରର ୪ ଜଣଙ୍କର ଚାଲିଗଲା ଜୀବନ

କିଛି ଦିନ ପୂର୍ବରୁ ମଧ୍ୟ ଏପରି ଏକ ଘଟଣା ମୁମ୍ବାଇର ପାଇଧୁନି ଅଞ୍ଚଳରେ । ୨୫ ଏପ୍ରିଲ ରାତି ପ୍ରାୟ ୧୦.୩୦ ସମୟରେ ପରିବାର ପାଞ୍ଚ ଜଣ ସମ୍ପର୍କୀୟଙ୍କ ସହିତ ରାତ୍ରୀଭୋଜନ କରିଥିଲେ । ପରିବେଶ ସ୍ୱାଭାବିକ ଥିଲା, କୌଣସି ଅପ୍ରୀତିକର ଘଟଣା ଘଟିନଥିଲା । ରାତ୍ରୀଭୋଜନ ପରେ, ସମ୍ପର୍କୀୟମାନେ ନିଜ ଘରକୁ ଫେରି ଆସିଲେ । କିନ୍ତୁ ରାତି ବଢ଼ିବା ସହିତ ଏକ ଦୁଃଖଦ ଘଟଣା ଘଟିଗଲା।

ପାଖାପାଖି ୧ ଟାରୁ ୧:୩୦ ମଧ୍ୟରେ, ପରିବାରର ଚାରିଜଣ ସଦସ୍ୟ ତରଭୁଜ ଖାଇଲେ । ଏହା ଏକ ସାଧାରଣ କଥା ଥିଲା, କିନ୍ତୁ କିଛି ଘଣ୍ଟା ମଧ୍ୟରେ ସବୁ କିଛି ସରିଯାଇଥିଲା । ସକାଳ ସୁଦ୍ଧା, ଚାରିଜଣ ହଠାତ୍ ଅସୁସ୍ଥ ଅନୁଭବ କରିବାକୁ ଲାଗିଲେ - ଗୁରୁତର ବାନ୍ତି, ଝାଡ଼ା ହେବାରେ ଲାଗିଲା ।

ପରିବାର ଲୋକ ତୁରନ୍ତ ସେମାନଙ୍କୁ ସ୍ଥାନୀୟ ଡାକ୍ତରଙ୍କ ପାଖକୁ ନେଇଗଲେ, କିନ୍ତୁ ସେମାନଙ୍କ ଅବସ୍ଥା ଖରାପ ହେବାରୁ ସମସ୍ତଙ୍କୁ ଜେଜେ ହସ୍ପିଟାଲକୁ ରେଫର କରାଯାଇଥିଲା । ଡାକ୍ତରଙ୍କ ଅନେକ ଚେଷ୍ଟା ସତ୍ତ୍ୱେ, ଚାରି ଜଣଙ୍କୁ ବଞ୍ଚାଇ ପାରିଲେ ନାହିଁ । ମୃତ୍ୟୁ ପୂର୍ବରୁ, ପରିବାରର ଜଣେ ସଦସ୍ୟ ପୋଲିସକୁ ଏକ ବୟାନରେ କହିଥିଲେ ଯେ ସେମାନେ ପ୍ରଥମେ ବିରିୟାନି ଖାଇଥିଲେ, ତା'ପରେ ତରଭୁଜ ଖାଇଥିଲେ ।

ଏହାକୁ ଆଧାର କରି, ଖାଦ୍ୟ ବିଷାକ୍ତ ହେବାର ସମ୍ଭାବନା ସନ୍ଦେହ କରାଯାଉଛି । ତଥାପି, ପୋଲିସ କହିଛି ଯେ ପୋଷ୍ଟମର୍ଟମ ଏବଂ ହିଷ୍ଟୋପାଥୋଲୋଜି ରିପୋର୍ଟ ଆସିବା ପରେ ହିଁ ସମ୍ପୂର୍ଣ୍ଣ କଥା ସ୍ପଷ୍ଟ ହେବ ।