ଭୁବନେଶ୍ୱର:  ଦାମୀ ଗାଡି ରେଂଜରୋଭରରେ ବେପରୁଆ ଗାଡି ଚାଳନା ଯୋଗୁ ଦୁର୍ଘଟଣାରେ ମୃତ୍ୟୁ ସହ ସଂଗ୍ରାମ କରୁଛନ୍ତି 2 ବାଇକ ଆରୋହୀ । ଚିକିତ୍ସା ପାଇଁ ରହିଛି ଅର୍ଥର ଅଭାବ । ଦୁଇ ଦିନ ତଳେ ଭୁବନେଶ୍ବର ପାୱାର ହାଉସ ଛକରେ ହୋଇଥିଲା ଏହି ଦୁର୍ଘଟଣା । 

ଯୁଆଡେ ଚାହିଁବେ କେବଳ ପଥର, ରାସ୍ତା ସାଜିଛି ମରଣଯନ୍ତା

ବାଇକକୁ ଦାମୀ କାର ଏଭଳି ଭାବେ ଧକ୍କା ଦେଇଛି ଯେ ଦୁଇଜଣ ଗୁରୁତର ହୋଇପଡିଛନ୍ତି । ଆହତଙ୍କ ମଧ୍ୟରେ ଅଛନ୍ତି ଜଣେ ପୁରୁଷ ଓ ମହିଳା । ପୁରୁଷ ଜଣଙ୍କ କଳିଙ୍ଗ ବିହାର ଅଞ୍ଚଳର କିଶନ ପଟ୍ଟନାୟକ ବୋଲି ଜଣାପଡିଛି । କିଶନଙ୍କ ଗୋଡ ଭାଙ୍ଗିଯାଇଥିବାବେଳେ ମୁଣ୍ଡରେ ଜୋରରେ ଆଘାତ ଲାଗିଛି । ମହିଳାଙ୍କ ଅବସ୍ଥା ବି ଶୋଚନୀୟ ହୋଇପଡିଛି । 

ତେବେ ଏହି ରେଂଜରୋଭର ଗାଡିର ରେଜିଷ୍ଟ୍ରେସନ ଝାରସୁଗୁଡାରେ ରହିଛି । ଆରଟିଓ ଅନୁସାରେ ଏହି ଗାଡି ରହିଛି ଆରମର୍ ରେ ଭେଞ୍ଚର୍ସ ପ୍ରାଇଭେଟ୍ ଲିମିଟେଡ୍ ନାଁରେ ।  ଯେଉଁ କମ୍ପାନୀ ପୂର୍ବତନ ମନ୍ତ୍ରୀ ନବ ଦାସଙ୍କ ପୁଅ ବିଶାଳ ଦାସଙ୍କର ବୋଲି ଚର୍ଚ୍ଚା ହେଉଛି । ତେବେ ଏବେ ସୁଦ୍ଧା ଗାଡିର ଦାବିଦାର କେହି ଆଗକୁ ଆସିନାହାଁନ୍ତି ।