ଅର୍ଗସ ବ୍ୟୁରୋ: ରାଜ୍ୟରେ ଏବେ ଚାଲିଛି ପ୍ରକ୍ସି ସରକାର । ଯେମିତି ମୁଖ୍ୟମନ୍ତ୍ରୀଙ୍କ ବଦଳରେ ଏବେ ସର୍ବେସର୍ବା ହୋଇଛନ୍ତି ପାଣ୍ଡିଆନ । ଠିକ୍‌ ସେମିତି ମହିଳା ସରପଂଚଙ୍କ ବଦଳରେ ଯୋଗ ଦେଉଛନ୍ତି ତାଙ୍କ ସ୍ଵାମୀ । ସିଏ ପୁଣି ରାଜ୍ୟପାଳଙ୍କ କାର୍ଯ୍ୟକ୍ରମରେ । ପୂର୍ବରୁ ପଂଚାୟତରାଜ ବିଭାଗକୁ ହାଇକୋର୍ଟଙ୍କ ଛାଟ ବାଜିବା ପରେ ସୁଧୁରୁନାହାନ୍ତି ରାଜ୍ୟ ସରକାର କି ପ୍ରଶାସନିକ ବାବୁ ।

ସଭାରେ ସରପଂଚ କିଏ ବୋଲି ପଚାରୁଛନ୍ତି ରାଜ୍ୟପାଳ ରଘୁବର ଦାସ । ରାଜ୍ୟପାଳ ସିଧାସିଧା ସଭାରେ ସରପଂଚ ମିଟିଂ କରୁଛନ୍ତି କି ନାହିଁ ? କାମ ହେଉଛି କି ନାହିଁ ? ପଚାରୁଛନ୍ତି । ହେଲେ ସରପଂଚଙ୍କର ଦେଖାନାହିଁ । ହେଲେ ସରପଂଚ କିଏ ବାରମ୍ବାର ପଚାରିବାରୁ ମହିଳା ସରପଂଚଙ୍କର ସ୍ଵାମୀ ଆସି ଆଲୋଚନା କରୁଛନ୍ତି । ହେଲେ ସେ ପର୍ଯ୍ୟନ୍ତ ସିଏ ସରପଂଚ ନୁହନ୍ତି ବୋଲି କହୁନାହାନ୍ତି । ଆଉ ପରେ ଯେତେବେଳେ ରାଜ୍ୟପାଳ ଜାଣିଲେ କି ମହିଳା ସରପଂଚଙ୍କ ବଦଳରେ ସ୍ଵାମୀ ସଭାରେ ଅଛନ୍ତି , ତାଗିଦ କରି କହିଲେ, ସରପଂଚ ଆସିବା ଦରକାର । ସିଏ ନିର୍ବାଚିତ ଜନପ୍ରତିନିଧୀ...

ସାରା ରାଜ୍ୟର ଶାସନ ଏବେ ପ୍ରକ୍ସି ବ୍ୟବସ୍ଥାରେ ଚାଲିଛି । ଆଉ ନୁହେଁ ତ କଣ ? ରାଜ୍ୟର ମୁଖ୍ୟମନ୍ତ୍ରୀ ଶାସନ ଗାଦିରେ ସିନା ବସିଛନ୍ତି ହେଲେ ସ଼ବୁ କଥା ବୁଝୁଛନ୍ତି ପାଣ୍ଡିଆନ । ଏମିତିକି ମୁଖ୍ୟ ଶାସନ ସଚିବ ଯାହା କରିପାରୁନାହାନ୍ତି ତାହା ପାଣ୍ଡିଆନ କରୁଛନ୍ତି । ଯାହାକୁ ନେଇ ବିରୋଧୀଙ୍କଠାରୁ ଆରମ୍ଭ କରି ପ୍ରତିଟି ଓଡ଼ିଆ ପ୍ରଶ୍ନ କରିଛନ୍ତି । ହେଲେ ସ୍ଥିତି ଯଥା ପୂର୍ବଂ ତଥା ପରଂ ଅବସ୍ଥାରେ ରହିଛି । ଏମିତିକି ହାଇକୋର୍ଟ ନିର୍ଦ୍ଦେଶ ଦେଇ କହିଥିଲେ, ଏମିତି ମାମଲା ଆସିଲେ ତୁରନ୍ତ ପଦକ୍ଷେପ ନିଅ । କୋର୍ଟଙ୍କ ନିର୍ଦ୍ଦେଶ ପରେ ପଂଚାୟତରାଜ ବିଭାଗ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇ କହିଥିଲା, ମାମଲା ଆସିଲେ କାର୍ଯ୍ୟାନୁଷ୍ଠାନ ନିଅ । ହେଲେ ଏବେ ଖୋଦ ରାଜ୍ୟପାଳଙ୍କ ସଭାରେ ପ୍ରକ୍ସି ଘଟଣା ସାମ୍ନାକୁ ଆସିଥିବାରୁ କେଉଁ କାର୍ଯ୍ୟାନୁଷ୍ଠାନ ଦଳ ଗ୍ରହଣ କରୁଛି ଦେଖିବାକୁ ବାକି ରହିଲା ।

Argus News | argus news | Odisha Latest News, Breaking News, Trending News, Live TV