ଅର୍ଗସ ବ୍ୟୁରୋ: ନିର୍ବାଚନରେ ପୁଳା ପୁଳା ଟଙ୍କା ବାଣ୍ଟିଛନ୍ତି ନେତା । ନିର୍ବାଚନ କମିଶନଙ୍କ ସାମ୍ବାଦିକ ସମ୍ମିଳନୀରୁ ଆସିଲା ଆଖି ତରାଟି ଦେଲା ଭଳି ତଥ୍ୟ । ଦେଶରେ 10 ହଜାର କୋଟିର ବେଆଇନ ସାମଗ୍ରୀ ଜବତ ହୋଇଥିବା ବେଳେ ରାଜ୍ୟରେ ବି 280 କୋଟିର କଳା ଟଙ୍କାର ସାମଗ୍ରୀ ଜବତ ହୋଇଛି । ଯେଉଁଥିରେ ନଗଦ କ୍ୟାସ 20 କୋଟି 52 ଲକ୍ଷ ଜବତ ହୋଇଥିବା ବେଳେ 42 କୋଟି 33 ଲକ୍ଷର ମଦ ଜବତ ହୋଇଛି । ସେହିପରି ବ୍ରାଉନସୁଗାର, ଗଞ୍ଜେଇ 78 କୋଟି 82 କୋଟି ଟଙ୍କାର ଜବତ ହୋଇଥିବା ବେଳେ 14 କୋଟି 74 ଲକ୍ଷ ଟଙ୍କାର ସୁନା ଗହଣା ଜବତ ହୋଇଛି । 122 କୋଟି ଅନ୍ୟାନ୍ୟ ସାମଗ୍ରୀ ଜବତ ହୋଇଥିବା ବେଳେ ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ବଣ୍ଟାହେବାକୁ ଥିବା 70 ଲକ୍ଷ ଟଙ୍କାର ଶା଼ଢୀ ଧୋତି ମଧ୍ୟ ଜବତ କରାଯାଇଛି ।

ସେପଟେ ଦେଶରେ 10 ହଜାର କୋଟିର କଳା ଟଙ୍କା ଜବତ ହୋଇଥିବା ସାମ୍ବାଦିକ ସମ୍ମିଳନୀରେ କହିଛନ୍ତି ନିର୍ବାଚନ ଆୟୋଗ । ଯାହାକି 2019 ତୁଳନାରେ ତିନି ଗୁଣା ଅଧିକ ବୋଲି କହିଛନ୍ତି ରାଜୀବ କୁମାର । ବାଲିକୁଦାରେ ଏସଏଚଜି ଗ୍ରୁପର ସିଆରପିଙ୍କ ଟଙ୍କା ନେଣ ଦେଣ ନେଇ ଅଡିଓ କଲ ଭାଇରାଲ ପରେ ଖୋଲିଛି ବିଜେଡିର ନୋଟ ଫର ଭୋଟ ରାଜନୀତିର କଳୁଷିତ ଚେହେରା।

ଏ ଅଡିଓ ଭାଇରାଲ ପରେ ତାତିଛନ୍ତି ଟଙ୍କା ପାଇ ନ ଥିବା ଗ୍ରୁପର ମହିଳା। 20ରୁ ଅଧିକ ଗ୍ରୁପକୁ ଟଙ୍କା ନ ଦେଇ ହରଡଘଣାରେ ଶାସକ ଦଳ । ଭୋଟ ସରିଥିଲେ ବି ଟଙ୍କା ନ ମିଳିଥିବାରୁ ବିକ୍ଷୋଭ କରିଛନ୍ତି ମିଶନ ଶକ୍ତିର ମହିଳା ମାନେ । ନିର୍ବାଚନ ବେଳେ ଯଦି ଏତେ ମାତ୍ରାରେ କଳା ଧନ ଜବତ ହୋଇଛି ତେବେ ଜବତ ନ ହୋଇ ପାରିଥିବା କଳା ଟଙ୍କାର ମାତ୍ର କେତେ ହୋଇଥିବା ତାହା ଅନୁମେୟ।

ଅଧିକ ପଢ଼ନ୍ତୁ ନିର୍ବାଚନ ଖବର

Argus News | argus news | Odisha Latest News, Breaking News, Trending News, Live TV