ଭୁବନେଶ୍ୱର:ନୂଆନୂଆ ବାହାଘର ହୋଇଥିଲା...ବାହାଘରକୁ ମାତ୍ର ୨ ବର୍ଷ ପୂରିଥିଲା । ହସ ଖୁସିରେ ଚାଲୁଥିଲା ସଂସାର । କେତେବେଳେ ମାର୍କେଟ୍‌ ଯାଇ ସପିଂ କରୁଥିଲେ ତ ଆଉ କେତେବେଳେ ସଂଧ୍ୟାରେ ଖାଉଥିଲେ ସ୍ଲାକ୍ସ । ହେଲେ ବିଧିର ବିଧାନ ଯେମିତି ଖେଳ ଖେଳିଲା ଏ ଦମ୍ପତିଙ୍କ ଭାଗ୍ୟରେ ତାହାକୁ ଦେଖିଲେ କଇଁକଇଁ ହୋଇ କାନ୍ଦିବା ଛଡା ଆଉ କିଛି ଉପାୟ ହିଁ ନାହିଁ । ହାଇଟଟେକ୍‌ ମେଡିକାଲରେ କାମ କରୁଥିଲେ ସ୍ଵାମୀ । ଯେତିକି ଯାହା ରୋଜଗାର ହେଉଥିଲା ସେତିକିରେ ଚଳୁଥିଲା ସୁଃଖର ସଂସାର । ହେଲେ ସେହି ସୁଃଖର ସଂସାରରେ ଏମିତି ଦୁଃଖର କଳାବାଦଲ ଘୋଟିଲା ଯେ ଏବେ ସବୁଠି ଚର୍ଚ୍ଚା । ଏ ହେଉଛନ୍ତି ଦିଲ୍ଲୀପ ସାମନ୍ତରାୟ । ହାଇଟେକ୍‌ ମେଡିକାଲରେ କାମ କରୁଥିଲେ । ହେଲେ ସେଦିନ ହଠାତ୍‌ ବିସ୍ଫୋରଣ ହୋଇଥିଲା, ଆଉ ଦିଲ୍ଲୀପ ଚାଲିଯାଇଥିବାର ଖବର ଆସିଥିଲା । ସାତ ଜନ୍ମର ସାଥୀ ହେବାକୁ ଶପଥ ନେଇଥିବା ସ୍ତ୍ରୀ ସ୍ଵାମୀଙ୍କ ଯିବା ପରେ କେମିତି ରହିବ ସେହି ଚିନ୍ତାରେ ପାଗଳି ପ୍ରା।ୟ ହୋଇଥିଲା ।

ଶେଷରେ ନିଷ୍ପତ୍ତି ନେଇଥିଲା, ଏକା ଏକା ବଂଚିବା ଅପେକ୍ଷା ସ୍ଵାମୀଙ୍କ ପାଖକୁ ଚାଲିଯିବି । ଠିକ୍‌ ସେମିତି ହେଲା, ଜୀବନ ହାରିଦେଲେ ସ୍ତ୍ରୀ । ଦର୍ଶକବନ୍ଧୁ କଥାରେ ଅଛି ଦୈବ ଦୌଡି ମଣିଷ ଗାଈ, ଯେଣିକୁ ଭିଡଇ ତେଣିକି ଯାଇ । ଆଉ ନୁହେଁ ତ କଣ ? ସ୍ତ୍ରୀ ପ୍ରାଣ ହାରିବାର ପ୍ରାୟ ୪ ଦିନ ପରେ ଏବେ ଖବର ମିଳୁଛି କି ସ୍ଵାମୀ ବଂଚିଛି ବୋଲି । ଥରେ ଚିନ୍ତା କରନ୍ତୁ ସେ ସ୍ଵାମୀ ଉପରେ କଣ ବିତୁଥିବ ? ସେ ପରିବାର ଉପରେ କଣ ବିତୁଥିବ ? ଏଇଠି କାହାକୁ ଦୋଷ ଦେବା ? ଭାଗ୍ୟକୁ ନା ମେଡିକାଲ କର୍ତ୍ତୃପକ୍ଷଙ୍କୁ ? ସେପଟେ ଦିଲ୍ଲୀପଙ୍କୁ ପୁଅ ଭାବି ଯେଉଁମାନେ ଶବ ସତ୍କାର କରିଦେଲ ସିଏ ପ୍ରକୃତରେ କାହାର ଶବ ? ଏବେ ତାଙ୍କ ପରିବାର କେମିତି କରିବେ ସତ୍କାର ? କିଛି ଅସମାୟିତ ପ୍ରଶ୍ନ ଏବେ ଉଙ୍କି ମାରୁଥିବା ବେଳେ ସମସ୍ତେ ନୀରବ ଆଉ ନିଶ୍ଚଳ । ସେପଟେ ଏନେଇ ହସ୍ପିଟାଲ ତରଫରୁ ପ୍ରେସମିଟ୍ କରାଯାଇଛି । ଯେଉଁଥିରେ କୁହାଯାଇଛି ଯେ, ଭେଣ୍ଟିଲେଟରରୁ ବାହାରିବା ପରେ ଦିଲୀପ ଡାକ୍ତରକୁ କହିଥିଲେ ମୁଁ ଦିଲ୍ଲୀପ ସାମନ୍ତରାୟ । ଏହାପରେ ମାନସିକ ବିଶେଷଜ୍ଞଙ୍କୁ ମଧ୍ୟ ଡାକି ଯାଞ୍ଚ କରାଯାଇଥିଲା। ସେ କେବେ ବାହା ହୋଇଛନ୍ତି । ତାଙ୍କର କେତେ ଭାଇ ଭଉଣୀ ସବୁକିଛି କହିଛନ୍ତି । ତାଙ୍କ କଥାବାର୍ତ୍ତାରୁ ଜଣାପଡିଛି ଯେ ସେ ହିଁ ଦିଲ୍ଲୀପ ସାମନ୍ତରାୟ। 90 ରୁ 95 ପ୍ରତିଶତ ସେ ହିଁ ଦିଲ୍ଲୀପ ସାମନ୍ତରାୟ । କିନ୍ତୁ ଯେହେତୁ ବିବାଦ ଲାଗିଛି ଡିଏନଏ ଟେଷ୍ଟ କରାଯିବ । କିନ୍ତ ସ୍ୱାମୀ ବଞ୍ଚିଥିବା ଖୁସି ଖବର ଶୁଣିବାକୁ ନାହାଁନ୍ତି ସ୍ତ୍ରୀ ସୁନା।

ଅଧିକ ଦେଖନ୍ତୁ :

Argus News | argus news | Odisha Latest News, Breaking News, Trending News, Live TV