ପାହାଡ଼ ଘେରରେ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକର ରେଙ୍ଗସାପାଲି ପଞ୍ଚାୟତ ଅନ୍ତର୍ଗତ ପିତାଗୁଡା ଏବଂ ସଂକ୍ରିପାଲି ଗାଁ । ଗାଁରେ ପ୍ରାୟ ଆଦିମ ଆଦିବାସୀ ବସବାସ କରନ୍ତି । ଏମାନେ ମୁଖ୍ୟତ ଜଙ୍ଗଲ ପାହାଡ଼ ଉପରେ ନିର୍ଭର କରନ୍ତି । ଗାଁକୁ ଘେରି ରହିଛି ଚୋରା ପାହାଡ଼ । ହେଲେ ଧୀରେ ଧୀରେ ଜଙ୍ଗଲ ଉଜୁଡୁଥିବାରୁ ଗାଁ ମୁହାଁ ହେଉଛନ୍ତି ଜଙ୍ଗଲୀ ଜନ୍ତୁ । ଅନ୍ଧାର ଛାଇଲେ ଗାଁରେ ସମସ୍ତଙ୍କ ଘରେ ପଡିଯାଏ ତାଟି କବାଟ ।

ବର୍ତ୍ତମାନ ଚୋରାପାହାଡ଼ରେ ବାଘ ଘୁରି ବୁଲୁଥିବା ବେଳେ ସନ୍ଧ୍ୟା ହେଲେ ଗାଁ ମୁହାଁ ହେଉଛି । ସଂକ୍ରିପାଲି ଗ୍ରାମର ଯଶୋଦା ଶବରଙ୍କ ଗୁହାଳରୁ ରାତିରେ ବାଘ ଆସି ଏକ ଛେଳିକୁ ନେଇଯାଇଥିବା ଅଭିଯୋଗ କରିଛନ୍ତି । ସେହିଭଳି ପିତାଗୁଡା ଗ୍ରାମର ଶତ୍ରୁଘନ ମାଝୀଙ୍କ ଗୁହାଳରେ ଥିବା ଛେଳିକୁ ମଧ୍ୟ ତଣ୍ଟିରେ ବାଘ କାମୁଡି ଦେଇଛି । ବର୍ତ୍ତମାନ ଏହି ଦୁଇ ଗାଁ ସନ୍ଧ୍ୟା ହେଲେ ଗାଁ ଖାଁ ଖାଁ ରହୁଛି । ଜଙ୍ଗଲ ନଷ୍ଟ ହେଉଥିବାରୁ ଜଙ୍ଗଲୀ ଜନ୍ତୁ ଗାଁ ମୁହାଁ ହେଉଥିବା ଅଭିଯୋଗ କରିଛନ୍ତି ଗ୍ରାମବାସୀ ।

ସରକାର ଜଙ୍ଗଲ ସୁରକ୍ଷା, ନୂତନ ଜଙ୍ଗଲ ସୃଷ୍ଟି କରିବା ଏବଂ ବୃକ୍ଷ ରୋପଣ କରିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ହେଲେ ତାହା କେବଳ କାଗଜ କଲମ ରହି ଯାଉଛି କି । କାଠ ମାଫିଆ, ଶିକାରୀଙ୍କ ସହ କିଛି ଲାଭଖୋର ବନ ବିଭାଗ ଅଧିକାରୀଙ୍କ ମଧୁ ଚନ୍ଦ୍ରିକା ଯୋଗୁଁ ଜଙ୍ଗଲ ପାହାଡ଼ ଏବେ ଧ୍ୱଂସ ହେବାକୁ ବସିଛି ।