ଟ୍ରେନରେ ସନ୍ତାନ ପ୍ରସବ କଲେ ମହିଳା ... ସହାୟତା ଯୋଗାଇଲା ରେଲୱେ ପୋଲିସ । ରାଉରକେଲା ଗୁଣୁପୁର ରାଜ୍ୟରାଣୀ ଏକ୍ସପ୍ରେସ ଟ୍ରେନର ଜେନେରାଲ ବଗିରେ କଲେ ପ୍ରସବ । କଟକ ରେଳ ଷ୍ଟେସନର ଘଟଣା । ମହିଳାଙ୍କୁ ଡାକ୍ତର ଖାନାରେ ଭର୍ତ୍ତି କଲା ପୋଲିସ । ମେଡିକାଲରେ ଦ୍ଵିତୀୟ ସନ୍ତାନକୁ ଜନ୍ମ ଦେଲେ ମହିଳା ।

ସୂଚନାଥାଉ କି କଟକ ରେଲୱେ ଷ୍ଟେସନରେ ଚଳନ୍ତା ଟ୍ରେନରେ ସନ୍ତାନ ପ୍ରସବ କଲେ ମହିଳା । ରାଉରକେଲା ଗୁଣୁପୁର ରାଜାରାଣୀ ଏକ୍ସପ୍ରେସ ଟ୍ରେନ କଟକ ରେଲୱେ ଷ୍ଟେସନରେ ଆଜି ସକାଳେ ଛିଡ଼ା ହୋଇଥିବା ବେଳେ ଟ୍ରେନର ଜେନେରାଲ ବଗିରେ ମହିଳାଙ୍କ ପ୍ରସବ କଷ୍ଟ ଅନୁଭବ କରିଥିଲେ ।

ଖବର ପାଇ ରେଳବାଇ ସୁରକ୍ଷା ପୋଲିସ ଓ ରେଲୱେ କର୍ମଚାରୀ ସେଠାରେ ପହଞ୍ଚି ଥିଲେ । ସେତେବେଳେ ଟ୍ରେନ୍ ବଗିରେ ମହିଳା ଜଣକ ପ୍ରଥମ ସନ୍ତାନ ଜନ୍ମ ଦେଇସାରିଥିଲେ । ଏହା ପରେ ପୁଣି ପ୍ରସବ କଷ୍ଟ ହେବାରୁ ମହିଳା କର୍ମଚାରୀଙ୍କ ସହାୟତାରେ ତାଙ୍କୁ ଏସସିବି ମେଡିକାଲରେ ଭର୍ତ୍ତି କରାଯାଇଥିଲା । ଯେଉଁଠି ମହିଳା ଜଣକ ଦ୍ୱିତୀୟ ସନ୍ତାନକୁ ଜନ୍ମ ଦେଇଥିଲେ । କଟକ ରେଳବାଇ ସୁରକ୍ଷା ପୋଲିସର ସହାୟତାରେ ଗର୍ଭବତୀ ମହିଳା ସୁରକ୍ଷିତ ଭାବେ ନିଜର ଯାଆଁଳା ସନ୍ତାନଙ୍କୁ ଜନ୍ମ ଦେଇଛନ୍ତି । କିନ୍ତୁ ପ୍ରଥମ ସନ୍ତାନର ମୃତ୍ୟୁ ହୋଇଥିବା ବେଳେ ଦ୍ଵିତୀୟ ସନ୍ତାନ ଅସୁସ୍ଥ ଥିବା ସୂଚନା ମିଳିଛି ।