ଖୋର୍ଦ୍ଧା ରେଳ ଡିଭିଜନ କୁହୁଡି ରେଳ ଷ୍ଟେସନରେ ଘଟିଛି ଅଘଟଣ । ଟ୍ରେନରୁ ଖସି ମହିଳାଙ୍କ ମୃତ୍ୟୁ ହୋଇଛି । ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା କୁହୁଡିହାଟ ନୂଆସାହିର ନବ କିଶୋର ମହାରଣା (କାଳିଆ)ଙ୍କ ସପରିବାର ସମ୍ପର୍କୀୟଙ୍କ ଘର ଧଉଳିମୁହଁ ଯାଇଥିଲେ । ସପରିବାର ରାତିରେ ଧଉଳିମୁହଁ ରେଳ ଷ୍ଟେସନରୁ DMU ଟ୍ରେନରେ ନିଜ ଘର କୁହୁଡି ଫେରୁଥିଲେ ।

କୁହୁଡି ଫେରୁଥିବା ବେଳେ କୁହୁଡି ରେଳ ଷ୍ଟେସନ ନିକଟରେ ଅସାବଧାନତା ବଶତଃ ଚଳନ୍ତା ଟ୍ରେନରୁ ଖସି ପଡ଼ିଥିଲେ ପୁଷ୍ପାଞ୍ଜଳି ମହାରଣା । ରେଳ ଧାରଣାରୁ ତାଙ୍କର ଖଣ୍ଡ ବିଖଣ୍ଡିତ ମୃତଦେହ ଉଦ୍ଧାର କରାଯାଇଛି ।

ମୃତକଙ୍କ ଚାରି ବର୍ଷର ପୁଅ ଓ ଦଶ ବର୍ଷର ଝିଅଟିଏ ଥିବାବେଳେ ସ୍ୱାମୀ କାଳିଆ ମହାରଣା ଜଣେ ଦିନ ମଜୁରିଆ । ଖବର ପାଇ ନିରାକାରପୁର GRP ଘଟଣାସ୍ଥଳରେ ପହଂଚି ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିବା ସହିତ ଶବ ବ୍ୟବଚ୍ଛେଦ ପାଇଁ ମେଡ଼ିକାଲକୁ ପଠାଇଛନ୍ତି ।