ଆଜି ବିଶ୍ଵପ୍ରସିଦ୍ଧ ଘୋଷଯାତ୍ରା... ଭକ୍ତିମୟ ଶ୍ରୀକ୍ଷେତ୍ର, ଜୟ ଜଗନ୍ନାଥ ଧ୍ଵନିରେ ପ୍ରକମ୍ପିତ ଚତୁର୍ଦ୍ଦିଗ... ଭାଇ, ଉଭଣୀଙ୍କୁ ସାଙ୍ଗରେ ଘେନି ରତ୍ନବେଦୀ ଛାଡି ଓହ୍ଲାଇ ଆସିବେ କାଳିଆ ସାଆନ୍ତ... ସକାଳ ୯ଟା ୩୦ରେ ଆରମ୍ଭ ହେବ ପହଣ୍ଡି... ଅପରାହ୍ନ ୪ଟାରେ ହେବ ରଥଟଣା ।

ରଥଯାତ୍ରା ପୁରୀ ଠାରୁ ଓଡ଼ିଶାର ପଲ୍ଲୀ ପର୍ଯ୍ୟନ୍ତ ବିସ୍ତୃତ । ଭାରତର ପ୍ରମୁଖ ସହର ସହିତ ବିଦେଶରେ ମଧ୍ୟ ଏହା ପାଳନ କରାଯାଉଛି । ମହାପ୍ରଭୁ ଜଗନ୍ନାଥଙ୍କ ସହ ସମ୍ବନ୍ଧିତ ଏକ ହିନ୍ଦୁ ପର୍ବ । ପୁରୀର ରଥଯାତ୍ରା ବିଶ୍ଵ ପ୍ରସିଦ୍ଧ । ଜଗନ୍ନାଥ ମନ୍ଦିରରେ ପାଳିତ ଦ୍ୱାଦଶ ଯାତ୍ରାର ମଧ୍ୟରେ ରଥଯାତ୍ରା ହେଉଛି ମୁଖ୍ୟ ଉତ୍ସବ । ଆଷାଢ଼ ଶୁକ୍ଳ ଦ୍ୱିତୀୟା ତିଥି ଦିନ ପାଳିତ ହେଉଥିବା ମହାପ୍ରଭୁଙ୍କର ଏହି ଯାତ୍ରା ୯ଦିନ ପାଇଁ ହୋଇଥାଏ । ଏହି ଯାତ୍ରା ଘୋଷ ଯାତ୍ରା, ପତିତପାବନ ଯାତ୍ରା, ଉତ୍ତରାଭିମୁଖୀ ଯାତ୍ରା, ନବଦିନାତ୍ମିକା ଯାତ୍ରା, ଦଶାବତାର ଯାତ୍ରା, ଗୁଣ୍ଡିଚା ମହୋତ୍ସବ ଓ ଆଡ଼ପ ଯାତ୍ରା ନାମରେ ବିଭିନ୍ନ ଶାସ୍ତ୍ର, ପୁରାଣ ଓ ଲୋକ କଥାରେ ବର୍ଣ୍ଣିତ ।

ରଥଯାତ୍ରା ନୀତିକାନ୍ତି
ସକାଳ ୬ଟା: ମଳଙ୍ଗ ଆଳତି
୬ଟା ୧୦ରୁ ୬ଟା ୩୦: ମଇଲମ ଓ ତଡ଼ପଲାଗି
୬ଟା ୩୦: ରୋଷହୋମ
ସକାଳ ୭ଟା: ଅବକାଶ
୭ଟା ୧୦: ସୂର୍ଯ୍ୟପୂଜା
୭ଟା ୩୦: ଦ୍ବାରପାଳ ପୂଜା
୭ଟା ୩୦: ବେଶ ଶେଷ
୮ଟାରୁ ୯ଟା: ଗୋପାଳବଲ୍ଲଭ ଓ ସକାଳ ଧୂପ (ଖେଚୁଡ଼ି ଭୋଗ)
ପୂର୍ବାହ୍‌ଣ ୯ଟା: ରଥ ପ୍ରତିଷ୍ଠା
୯ଟା ୧୫: ମଙ୍ଗଳାର୍ପଣ
୯ଟା ୩୦: ପହଣ୍ଡି ଆରମ୍ଭ
୧୨ଟା ୩୦: ପହଣ୍ଡି ‌ଶେଷ
୧୨ଟା ୩୦ରୁ ୧ଟା: ମଦନମୋହନ ବିଜେ
୧ଟା ୩୦ରୁ ୨ଟା: ଚିତାଲାଗି
୧ଟା ୩୦ରୁ ୨ଟା ୩୦: ବେଶ ଶେଷ
ଅପରାହ୍ଣ ୨ଟାରୁ ୩ଟା: ଛେରାପହଁରା
୩ଟାରୁ ୪ଟା: ଚାରଫିଟା ଓ ଘୋଡ଼ା ସାରଥୀ ଲାଗିବା
ଅପରାହ୍‌ଣ ୪ଟାରୁ ରଥ ଟଣା ଆରମ୍ଭ