ମହଙ୍ଗା ପଡ଼ିଲା ଘରେ ବାଘଛାଲ ପୂଜା କରିବା
Key Points
ମହଙ୍ଗା ପଡ଼ିଲା ଘରେ ବାଘଛାଲ ପୂଜା କରିବା
ବନ୍ଧାହେଲେ ୭ ଅଭିଯୁକ୍ତ, ୩ଟି ବାଘଛାଲ ଜବତ
ଅଭିଯୁକ୍ତଙ୍କ ମଧ୍ୟରେ ଜଣେ ସରକାରୀ ଶିକ୍ଷକ ଅଛନ୍ତି
ଅନ୍ଧବିଶ୍ବାସର ବଶବର୍ତ୍ତୀ ହୋଇ ପୂଜା କରୁଥିଲେ ବାଘଛାଲ
ମହଙ୍ଗା ପଡ଼ିଲା ଘରେ ବାଘଛାଲ ପୂଜା କରିବା । ବନ୍ଧାହେଲେ ୭ ଅଭିଯୁକ୍ତ, ୩ଟି ବାଘଛାଲ ଜବତ ହୋଇଛି । ଆଉ ସବୁଠୁ ବଡ଼ କଥା ହେଉଛି, ଅଭିଯୁକ୍ତଙ୍କ ମଧ୍ୟରେ ଜଣେ ସରକାରୀ ଶିକ୍ଷକ ଓ ତନ୍ତ୍ର ସାଧକ ସାମିଲ ଅଛନ୍ତି । ବାଘଛାଲକୁ ଘରେ ରଖି ପୂଜା କଲେ ମିଳିବ ଅଜସ୍ର ଟଙ୍କା । ଏଭଳି ଅନ୍ଧବିଶ୍ବସ କାରଣରୁ ଘରେ ରଖିଥିଲେ ବାଘଛାଲ । ଶିମିଳିପାଳର ସ୍ବତନ୍ତ୍ର ଗୋଇନ୍ଦା ଟିମ୍ ଠାରୁ ଖବର ପାଇ ବନ ବିଭାଗ ସହିତ ଶିମିଳିପାଳ ଟାଇଗର ରିଜର୍ଭ (STR) ର ମିଳିତ ଭାବରେ କପ୍ତିପଦା, ବଡ଼ସାହି, ଡୁକୁରା ଓ ଖୁଣ୍ଟା ରେଞ୍ଜ ର ବିଭିନ୍ନ ଅଞ୍ଚଳରେ ରେଡ୍ କରିଥିଲେ ।
ବଡ଼ସାହିର ଜଣେ ବ୍ୟକ୍ତି ପୂଜା କରିବା ପାଇଁ ଘରେ ରଖିଥିବା ବାଘଛାଲ ଜବତ କରିବା ପରେ ତାଙ୍କୁ ପଚରା ଉଚରା କରି ଉଦଳା ଓ ଖୁଣ୍ଟା ରେ ଆଉ ଦୁଇଟି ବାଘଛାଲ ଥିବାର ଜାଣିଥିଲା ବନ ବିଭାଗ । ସେହି ସ୍ଥାନରେ ଚଢାଉ କରି ଆଉ ଦୁଇଟି କଲରା ପତରିଆ ବାଘ ଛାଲ ଜବତ କରିବା ସହିତ ଅନ୍ୟ ୬ ଜଣ ଚୋରା ବେପାରୀଙ୍କୁ ଗିରଫ କରିଛି ବିଭାଗ । ଗିରଫ ଅଭିଯୁକ୍ତଙ୍କ ମଧ୍ୟରେ ବଡ଼ସାହିର ଜଣେ ସରକାରୀ ସ୍କୁଲ ଶିକ୍ଷକଙ୍କ ସହିତ ଜଣେ ବେପାରୀ, ବାଲେଶ୍ବର ଜିଲ୍ଲାର ୨ ଜଣ ବେପାରୀ ଏବଂ ଉଦଳା ରେଞ୍ଜ ଅଞ୍ଚଳର ୩ ଜଣ ରହିଛନ୍ତି ।
