ମହାନଦୀକୁ ଡେଇଁଲେ ଯୁବକ । ଉଦ୍ଧାର କଲା ଓଡ୍ରାଫ ଟିମ । ପାଖାପାଖି ୧ ଘଣ୍ଟା ହାଇଡ୍ରାମା କରୁଥିଲେ ଯୁବକ । କେତେବେଳେ ମହାନଦୀର ବ୍ୟାରେଜରେ ଚଢୁଥିଲେ ତ କେତେବେଳେ ମହାନଦୀର ଚେକ ଗେଟ ଆଡକୁ ଯାଉଥିଲେ । ନଦୀକୁ ଡେଇଁବା ପରେ ଉଦ୍ଧାର କଲେ ଅଗ୍ନିଶମ ବାହିନୀ ଓ ଓଡ୍ରାଫ୍ ଟିମ୍ । ଟ୍ରାଫିକ ପୋଲିସ ବେଶରେ ଆସିଥିଲେ ଯୁବକ ।

ତେବେ ଯୁବକ ଜଣକ ପାଗଳ ବୋଲି କୁହାଯାଉଛି । ପୋଲିସ ଡ୍ରେସ୍ କିଣି ନାଟକ ରଚିଥିଲେ ।ତାଙ୍କୁ ରୋକିବା ପାଇଁ ଅଗ୍ନିଶମ ଵାହାନୀ ମଧ୍ୟ ପୋଲିସ କର୍ମଚାରୀ ଙ୍କ ପଛେ ପଛେ ଗୋଡାଉଥିଲେ । ସେପଟେ ମହାନଦୀରେ ଓଡ୍ରାଫ ଟିମ ମଧ୍ୟ ସଜାଗ ରହିଥିଲେ ତାଙ୍କୁ ଉଦ୍ଧାର କରିବା ପାଇଁ । ଯୁବକ ଜଣକ ମହାନଦୀକୁ ଡେଇଁବା ପରେ ତାଙ୍କୁ ଉଦ୍ଧାର କରି ଆଣିଥିଲା ଓଡ୍ରାଫ ଟିମ । ତେବେ ଯୁବକ ଜଣକ ଅଣଓଡିଆ ହୋଇଥିବା ସୂଚନା ରହିଛି ।