ମୃତ୍ୟୁ କେବେ ବି କେଉଁ ସମୟରେ ବି ଆସିପାରେ...

ଭଦ୍ରକ: ବଡ଼ଭାଇର ଶୁଦ୍ଧିକ୍ରିୟାରେ ସାନଭାଇ ମୃତ । ଭଦ୍ରକ ଜିଲ୍ଲା ଧାମନଗର ଜୟନଗର ୩ ନମ୍ବର ୱାର୍ଡରେ ଦେଖିବାକୁ ମିଳିଛି ଏମିତି ଏକ ଅଭାବନୀୟ ଘଟଣା । ବଡଭାଇର ସୁଦ୍ଧିକ୍ରିୟା ପାଇଁ ସମସ୍ତେ ପୋଖରୀକୁ ଗାଧୋଇବାକୁ ଯାଇଥିବାବେଳେ ବୁଡ଼ି ଯାଇ ସାନଭାଇର ମୃତ୍ୟୁ ହୋଇଛି ।

ମୃତକ ଜଣଙ୍କ ହେଉଛନ୍ତି ଅନିରୁଦ୍ଧ ସ୍ବାଇଁ । ନିଜ ସମ୍ପର୍କୀୟ ମାମୁଁଙ୍କ ବଡ଼ ପୁଅର ଶୁଦ୍ଧିକ୍ରିୟା ପାଇଁ ସେ ପୋଖରୀରେ ଗାଧୋଇବା ବେଳେ ବୁଡି ଯାଇଥିଲେ । ଖୋଜାଖୋଜି ପରେ ତାଙ୍କ ମୃତଦେହକୁ ସମ୍ପର୍କୀୟମାନେ ଉଦ୍ଧାର କରି ଧାମନଗର ମେଡ଼ିକାଲର ଆଣିଥିଲେ । ଧାମନଗର ପୋଲିସ ମେଡିକାଲରେ ପହଞ୍ଚି ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ଭଦ୍ରକ ମେଡିକାଲକୁ ପଠାଇଛି । ଗୋଟିଏ ଦୁଃଖ ନଯାଉଣୁ ପରିବାର ଉପରେ ଆଉ ଗୋଟିଏ ଦୁଃଖ ପୁରା ପରିବାରର ମନୋବଳ ଭାଙ୍ଗିଦେଇଛି ।