ରାଇରଙ୍ଗପୁର ଥାନା ଏକଡାଳି ଗାଁରେ ବନ୍ୟା ଜଳ ଅଧିକ ପ୍ରବାହିତ କ୍ୟାନାଲରେ ଭାସି ଯାଇ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣକ ହେଲେ ପରେଶ ମୁର୍ମୁଙ୍କ ପୁତ୍ର ଭୋଗଲା ମୁର୍ମୁ । ତାଙ୍କ ବୟସ 25 ବର୍ଷ । ମୃତ ଶବକୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ଶବ ଵେବଚ୍ଛେଦ ପାଇଁ ଅଣାଯାଇଛି ।

ବିପଦ ସଙ୍କେତ ଉପରେ ସୁବର୍ଣ୍ଣରେଖା, ଜଳକା ନଦୀ ଜଳସ୍ତର । ଉତ୍ତର ବାଲେଶ୍ୱରରେ ବନ୍ୟା ଭୟ ଦେଖାଦେଇଛି । ରାଜଘାଟରେ ସୁବର୍ଣ୍ଣରେଖା ବିପଦ ସଙ୍କେତ ୧୦. ୩୬ ଥିବାବେଳେ ସକାଳ ୬ଟା ସୁଦ୍ଧା ୧୧.୩୨ ମିଟରରେ ଜଳ ପ୍ରବାହିତ ହେଉଛି । ଗାଲୁଡ଼ିହିରେ ୮ଟି ଗେଟ୍ ଦେଇ ୧ ଲକ୍ଷ ୨୦ କ୍ୟୁସେକ ଜଳ ସେକେଣ୍ଡ ପ୍ରତି ନିଷ୍କାସିତ । ଘଣ୍ଟା ପ୍ରତି ଜଳସ୍ତର ପ୍ରାୟ ୫୦ ସେମିମିଟର ବୃଦ୍ଧି ଘଟୁଛି । ସେହିପରି ଜଳକା ନଦୀର ଉପରମୁଣ୍ଡା ପ୍ରବଳ ବର୍ଷା କରଣରୁ ମଥାନୀଠାରେ ବିପଦ ସଙ୍କେତ ୬,୫୦ ମିଟର ଥିବାବେଳେ ସକାଳ ୬ଟା ସୁଦ୍ଧା ୬,୯୦ ମିଟର ଜଳ ପ୍ରବାହିତ ହେଉଛି ।

ଜଳେଶ୍ଵର, ବସ୍ତା, ବାଲିଆପାଳ, ଭୋଗରାଇ ବ୍ଳକର ଶତାଧିକ ଗାଁରେ ପାଣି ପଶିବା ସହ ବାହ୍ୟ ଜଗତରୁ ବିଚ୍ଛିନ୍ନ ହୋଇଛି । ଜିଲ୍ଲା ପ୍ରଶାସନ ହେଲ୍ପଲାଇନ ନମ୍ବର ଜାରି କରିଛି । ସେପଟେ ବୁଢାବଳଙ୍ଗ ନଦୀରେ ଜଳସ୍ତର କମିଛି, ମୟୂରଭଞ୍ଜରେ ବନ୍ୟାସ୍ଥିତିରେ ଆସିଛି ସୁଧାର । ସୁନଗଡିଆ, ଲାଲବଜାର, ମାଇନିଙ୍ଗ କଲୋନୀ, କବରଖାନା, କାଳିକାପୁର୍, ଦେଉଳସାହି, ମଧୁବନର ତଳି ଅଞ୍ଚଳରେ ପାଣି ପଶିଛି ।

ମୟୂରଭଞ୍ଜ ଜିଲ୍ଲାରେ ପ୍ରବଳ ବର୍ଷା ଆଶଙ୍କାରେ ଆଜି ଦିନକ ପାଇଁ ସମସ୍ତ ସରକାରୀ ଓ ବେସରକାରୀ ସ୍କୁଲ ଛୁଟି ଘୋଷଣା କରାଯାଇଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more