ମଦ ପିଇବାକୁ ମନା କରିବା ହେଲା କାଳ । ମଦୁଆ ଙ୍କ ଗୋଇଠା ମାଡରେ ଯୌନାଙ୍ଗ ଫାଟି ବୃଦ୍ଧଙ୍କ ଗଲା ଜୀବନ । ଏଭଳି ଅଭାବନୀୟ ଘଟଣା ବୌଦ୍ଧ ଜିଲ୍ଲା ଘଣ୍ଟାପଡ଼ା ଥାନା ଅନ୍ତର୍ଗତ ଉମା ଗାଁରେ ଦେଖିବା ପାଇଁ ମିଳିଛି । ମୃତକ ଜଣକ ହେଲେ ଉମା ଗାଁର ଉମାକାନ୍ତ ଭୋଇ । ମଦୁଆ ଅଭିଯୁକ୍ତ ଜଣକ ହେଲେ ବଂନଶୀ ଭୋଇ । ବଂନଶୀକୁ ପୋଲିସ ଗିରଫ କରିଥିବା ବେଳେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି । ସୂଚନାମୁତାବକ ଘଣ୍ଟାପଡ଼ା ଥାନା ଅନ୍ତର୍ଗତ ଉମା ଗାଁର ବଂନଶୀ ଭୋଇ ଅତ୍ୟଧିକ ମଦ ପିଇ ଗାଁ ଦାଣ୍ଡ ରେ ପାଟି ତୁଣ୍ଡ କରି ଅସଭ୍ୟ ଭାଷାରେ ଗାଳି ଗୁଲଜ କରୁଥିଲେ ।

ଏହା ଦେଖି ସେହି ଗାଁ ର ପଡ଼ୋଶୀ ଉମାକାନ୍ତ ଭୋଇ ଆସି ତାଙ୍କୁ ବାରଣ କରିବା ସହ ମଦ ପିଇବା ପାଇଁ ମନା କରିଥିଲେ । ପରେ ଘରକୁ ନେଇ ଛାଡିବା ପାଇଁ ଉଦ୍ୟମ କରୁଥିଲେ । ଠିକ୍ ସେହି ସମୟରେ ମଦ୍ୟପ ଯୁବକ ବଂନଶୀ ଭୋଇ ଉତ୍‌କ୍ଷିପ୍ତ ହୋଇ ଉମାକାନ୍ତଙ୍କୁ ଏକ ଗୋଇଠା ମାରିଥିଲେ । ଗୋଇଠା ଉମାକାନ୍ତଙ୍କ ଯୌନାଙ୍ଗରେ ବାଜିବା ଫଳରେ ସେ ଘଟଣା ସ୍ଥଳରେ ସେ ଚେତା ହରାଇଥଲେ । ପରେ ତାଙ୍କୁ କଣ୍ଟାମାଳ ଚିକିତ୍ସାକେନ୍ଦ୍ରରେ ଭର୍ତ୍ତି କରିଥିଲେ ପରିବାର ଲୋକ । କିନ୍ତୁ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଏପଟେ ଘଟଣା ସ୍ଥଳରେ ପୋଲିସ ପହଞ୍ଚି ଅଭିଯୁକ୍ତ ବଂଶୀକୁ ଗିରଫ କରିବା ସହ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଜଣାପଡ଼ିଛି ।