ରାତା ରାତି ଫେମସ ହେବାକୁ କିଛି ବି କରିବାକୁ ପଛାଉନାହାନ୍ତି ୟୁଟ୍ୟବୁର୍ । ଯାହା ମନକୁ ଆସୁଛି ପୋଷ୍ଟ କରୁଛନ୍ତି । ନିଜ ଜୀବନକୁ ତ ବାଜିରେ ଲଗାଉଛନ୍ତି କିଛି କିଛି ସମୟରେ ମାନବିକତା ବି ଭୂଲିଯାଉଛନ୍ତି । ସେମିତି ଜଣେ ୟୁଟ୍ୟୁବର୍ ଗୋଧି ମାଂସ ରାନ୍ଧି ଖାଇଥିଲେ । ଯାହାର ପୁରା ଭିଡିଓ ନିଜ ୟୁଟ୍ୟୁବ୍ ଚ୍ୟାନେଲ୍ ରେ ଅପଲୋଡ୍ କରିଥିଲେ । ଶେଷରେ ୟୁଟ୍ୟୁବର୍ ଙ୍କୁ ବାନ୍ଧିଛି ପୋଲିସ ।
ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ଅଞ୍ଚଳର ରୁପା ନାୟକ । ଶ୍ୱଶୁର ଘରକୁ ଯାଇଥିଲେ । ସେଠାରୁ ଫେରିବା ସମୟରେ ବାଟରେ ଏକ ଗୋଧି ମରି ପଡିଥିବାର ଦେଖିବାକୁ ପାଇଥିଲେ । ଫେରିବା ସମୟରେ ସାଙ୍ଗରେ ସେହି ମଲା ଗୋଧିକୁ ଆଣି ତାକୁ କାଟି ରୋଷେଇ କରିଥିଲେ । ଯାହାର ଭିଡିଓ ନିଜ ୟୁଟ୍ୟୁବ୍ ଚ୍ୟାନେଲ୍ ରେ ଅପଲୋଡ୍ କରିଥିଲେ । ଯେଉଁ ଭିଡିଓ ଅପଲୋଡ୍ ହେବା ମାତ୍ରେ ଖୁବ ଭାଇରାଲ୍ ହୋଇଥିଲା ।

ଗୋଧି ଏକ ସରିସୃପ ପ୍ରଜାପତିର ବନ୍ୟଜନ୍ତୁ ଯାହା କି ଏବେ ବିଲୁପ୍ତ ପ୍ରଜାପତିର । ଏହି ପ୍ରଜାତିର ବନ୍ୟଜନ୍ତୁର ସୁରକ୍ଷା ଏବଂ ସଂରକ୍ଷଣ ନିହାତି ଆବଶ୍ୟକ । ଏ ପରି ସ୍ଥଳେ ଗୋଧିକୁ କାଟି ଖାଇବା ଧର୍ତ୍ତବ୍ୟ ଅପରାଧ ବୋଲି ଜଣେ ବନ୍ୟପ୍ରାଣୀ ସଂରକ୍ଷକ କହିଛନ୍ତି । ସେପଟେ ସଂପୃକ୍ତ ୟୁଟ୍ୟୁବରଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।

ଗିରଫ ଯୁବକଙ୍କୁ ପଚାରିବାରୁ ତାଙ୍କ କହିବା କଥା ଏହା ଆଦିବାସୀଙ୍କ ଖାଇବା । ଯଦି ସାଧାରଣ ଲୋକଟିଏ ଛେଳି କୁକୁଡା ଖାଇପାରୁଛି ତେବେ ଗୋଧି ଖାଇବାରେ ଅସୁବିଧା କ'ଣ । ବନ୍ୟପ୍ରାଣୀ ସଂରକ୍ଷକ କହିଛନ୍ତି, ୟୁଟ୍ୟୁବର ଜଣଙ୍କ ଏହିପରି ବେଆଇନ କାର୍ଯ୍ୟ କରି ସୋସିଆଲ ମିଡିଆରେ ପୋଷ୍ଟ କରିବା ଅର୍ଥାତ୍ ଏହାକୁ ସେ ପ୍ରୋମୋଟ୍ କରୁଛନ୍ତି । ଏହିପରି ବେଆଇନ କାର୍ଯ୍ୟ କରି ସୋସିଆଲ ମିଡିଆରେ ପୋଷ୍ଟ କରିବା ଅର୍ଥାତ୍ ଏହାକୁ ସେ ପ୍ରୋମୋଟ୍ କରୁଛନ୍ତି । କୌଣସି ପ୍ରକାରର ବନ୍ୟଜନ୍ତୁ ଶିକାର କରିପାରିବ ନାହିଁ ବୋଲି ସରକାରଙ୍କର କଡା ନିୟମ ମଧ୍ୟ ରହିଛି । ବନ୍ୟ ଜନ୍ତୁ ଶିକାର ନକରିବା ପାଇଁ ଲୋକଙ୍କୁ ସଚେତନତା କରାଯିବା ଆବଶ୍ୟକ ।