ଶୁଆକାଟି ଗନ୍ଧମାର୍ଦ୍ଦନ ଲୋଡିଂ ଏଜେନ୍ସି ଟଙ୍କା ହେରଫେର୍ ମାମଲା
ରାଜା ଚକ୍ରଙ୍କ କେନ୍ଦୁଝର ଶିଶୁଭବନରୋଡ଼ସ୍ଥିତ ଅଫିସରେ EOW ଚଢ଼ାଉ
୧୦୦ କୋଟିରୁ ଅଧିକ ଠକେଇ, ବିଜେଡି ନେତାଙ୍କ ପକେଟକୁ ଯାଇଛି ୫୦ କୋଟି ଟଙ୍କା !
ରାଜାଙ୍କ ଆକାଉଣ୍ଟକୁ ଆସୁଥିଲା ଟଙ୍କା, ଚେକ୍ ମାଧ୍ୟମରେ ଉଠାଉଥିଲେ ବିଜେଡି ନେତା
ସମ୍ପୃକ୍ତ ବ୍ୟାଙ୍କରେ କ୍ରାଇମବ୍ରାଞ୍ଚର ଛାନଭିନ୍
ଜେଲ୍ ଯିବେ ରାଜା, ସାମ୍ନାକୁ ଆସିବେ ବିଜେଡିର ବଡ଼ପଣ୍ଡା

ଖୋଲୁଛି ରାଜା ଚକ୍ର ଓ ସହଯୋଗୀଙ୍କ ଗୋଟିଏ ପରେ ଗୋଟେ କଳା ଚିଠା । ଗନ୍ଧମାର୍ଦ୍ଧନ କୋପରେଟିଭ୍ ସୋସାଇଟି ଦୁର୍ନୀତି ମାମଲାରେ ତନାଘନା ଚାଲିଥିବାବେଳେ ଆଜି ରାଜାଙ୍କ କେନ୍ଦୁଝର ଶିଶୁଭବନ ରୋଡ଼ସ୍ଥିତ ଅଫିସରେ ଚଢ଼ାଉ କରିଛି EOW । ଭଡ଼ାରେ ଘର ରାଜା ଚଳାଇଥିଲେ ଅଫିସ୍। ତାଲା ପଡ଼ିଥିଲା, ଘର ମାଲିକଙ୍କୁ ଡାକି ମାଜିଷ୍ଟ୍ରେଟଙ୍କ ଉପସ୍ଥିତିରେ EOW ତାଲା ଭାଙ୍ଗି ଭିତରେ ପଶିଥିଲେ ।

ଗତକାଲି ରାଜାଙ୍କ କେନ୍ଦୁଝର ଜଗନ୍ନାଥପୁରସ୍ଥିତ ବାସଭବନରେ EOW ଚଢ଼ାଉ କରିଥିବା ବେଳେ ଆଉ ଏକ ଟିମ୍ ଯୋଡ଼ା ଖଣି ଅଞ୍ଚଳରେ ଛାନଭିନ୍ କରିଥିଲା । ରାଜାଙ୍କ ବେଆଇନ୍ ଅର୍ଥନୈତିକ କାରବାରର କ୍ରାଇମବ୍ରାଞ୍ଚ ବି ଖୋଳତାଡ଼ କରୁଛି । କ୍ରାଇମବ୍ରାଞ୍ଚ ହାତରେ ଲାଗିଛି ବଡ଼ ପ୍ରମାଣ। ୧୦୦ କୋଟିରୁ ଅଧିକ ଟଙ୍କାର ଠକେଇ ହୋଇଥିବା ସ୍ପଷ୍ଟ ହେଉଥିବାବେଳେ ବିଶ୍ବସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ରାଜାଙ୍କଠାରୁ ବିଜେଡି ନେତାଙ୍କ ପକେଟକୁ ଯାଇଛି ପ୍ରାୟ ୫୦ କୋଟି ଟଙ୍କା । ରାଜା ଚକ୍ରଙ୍କ ଆକାଉଣ୍ଟକୁ ପଇସା ଆସୁଥିଲା। ବିଜେଡିର ବହୁ ନେତା ଚେକ୍ ନେଇ ବ୍ୟାଙ୍କରୁ ଟଙ୍କା ଉଠାଉଥିଲେ। ଯେଉଁ ବ୍ୟାଙ୍କରେ ଟଙ୍କା ରହୁଥିଲା ସେଠି ତଥ୍ୟ ଯୋଗାଡ଼ କରି ତଦନ୍ତ କରିଛି କ୍ରାଇମବ୍ରାଞ୍ଚ । ସାଂଘାତିକ ବୟାନ ଦେଇଛନ୍ତି ବିଜେପି ସାଂସଦ ମମତା ମହାନ୍ତ ।

ପାଣ୍ଡିଆନ, ବବିଙ୍କ ଯୋଗୁଁ ପାୱାରଫୁଲ ଥିଲେ ରାଜା ଚକ୍ର । ରାଜାଙ୍କର ଆଲିସାନ୍ ଫାର୍ମ ହାଉସ୍ ନିର୍ମାଣ ସମ୍ପର୍କରେ ଜଙ୍ଗଲ ମନ୍ତ୍ରୀ କହିଛନ୍ତି, ନିଜେ ଖୋଳିଥିବା ଗାତରେ ପଡ଼ିବେ ରାଜା । ସମ୍ପୃକ୍ତ ସରକାରୀ ଅଧିକାରୀଙ୍କ ବିରୋଧରେ ନିଆଯିବ ଦୃଢ କାର୍ଯ୍ୟାନୁଷ୍ଠାନ । ୟା ଭିତରେ ରାଜା ଚକ୍ରର ସହଯୋଗୀ ସମୀର ଜେନା, ସୁଶାନ୍ତ ସାମଲ, ପ୍ରଭାତ ପଟ୍ଟନାୟକ ଓ କଣ୍ଟ୍ରାକ୍ଟର ସୁଧାଂଶୁ ନାୟକଙ୍କୁ ଜେରା କରିଛି EOW। ଯାହା ତଥ୍ୟ ପ୍ରମାଣ ଅଛି, ରାଜା ଚକ୍ର ଜେଲ୍ ଯିବା ନିଶ୍ଚିତ । ଆଉ ରାଜା ଜେଲ୍‌ ଯିବା ପରେ ସାମ୍ନାକୁ ଆସିବେ ବିଜେଡିର ବଡ଼ପଣ୍ଡା।