ୱାକଫ୍କୁ ନେଇ ସସ୍ମିତଙ୍କୁ ବଦ୍ରିଙ୍କ ଟାର୍ଗେଟ
ୱାକଫ୍ ବିଲକୁ ନେଇ ରାଜ୍ୟସଭାରେ ବିଜେଡି ଦୁଇ ଭାଗ ହେବା ପରେ ବିଜେଡି ବରିଷ୍ଠ ବିଧାୟକ ବଦ୍ରି ପାତ୍ର ବଡ଼ ବୟାନ ଦେଇଛନ୍ତି । ସସ୍ମିତ ପାତ୍ର ଏତେ ବଡ଼ ସାହସ କଲେ କେମିତି ? ଦଳ ସମଦୂରତା ନୀତି ରଖି ଚାଲୁଥିଲା । କିନ୍ତୁ ଏହି ନିଷ୍ପତ୍ତି ଅନୁରୂପ ହେଲାନି । କିଏ ଗୋଟେ ଖେଳ କଲା । କେଉଁଠି ଖେଳ ହୋଇଛି ତାହା ଜାଣିବା ଆବଶ୍ୟକ ବୋଲି ସେ କହିଛନ୍ତି ।
ନବୀନ ବାବୁ ନିର୍ଦ୍ଦେଶ ଦେଇଥିଲେ, କିନ୍ତୁ ଶେଷ ମୁହୂର୍ତ୍ତରେ ନିଷ୍ପତ୍ତି ପରିବର୍ତ୍ତନ ହେଲା କେମିତି ? ସନ୍ଦେହ ରହୁଛି । ପ୍ରଫୁଲ୍ଲ ସାମଲ ଆକ୍ସନ୍ ଦାବି କରିଛନ୍ତି । ଗଣେଶ୍ୱର ବେହେରା ବି ଆକ୍ସନ ପାଇଁ କହିଛନ୍ତି । ଦଳ ଏବେ ଧର୍ମ ସଙ୍କଟରେ । ସସ୍ମିତଙ୍କ ସେ କ୍ଷମତା ନାହିଁ ଦଳୀୟ ନିଷ୍ପତ୍ତି ପରିବର୍ତ୍ତନ କରିପାରିବେ । ଦଳର ମର୍ଯ୍ୟାଦା ଉପରେ ଆଞ୍ଚ୍ ଆସିଛି । ଦଳ ତା ଆଦର୍ଶରେ ଅଛି । କିନ୍ତୁ ଏବାବଦରେ ନବୀନ ବାବୁ ଜାଣିବା ପରେ ସତ୍ୟା ସତ୍ୟ ସଂଗ୍ରହ କରୁଛନ୍ତି । ତଦନ୍ତ ହେଲେ ଜଣାପଡିବ କାହାର ନିର୍ଦ୍ଦେଶରେ ଏଭଳି ହେଲା ।
📱 Get Argus News App
✨ବିଜେଡି ରାଜ୍ୟସଭା ସାଂସଦଙ୍କ ମଧ୍ୟରେ ମତଭେଦ ଜଳ ଜଳ ହୋଇ ଦିଶୁଛି । ନିର୍ଭର ସୂତ୍ରରୁ ଖବର, ବିଲ୍ ସପକ୍ଷରେ ଭୋଟ୍ ଦେଇଛନ୍ତି ବିଜେଡିର 5 ଜଣ ସାଂସଦ...କେବଳ ମୁନ୍ନା ଖାଁ ବିପକ୍ଷରେ ଦେଇଛନ୍ତି ଭୋଟ୍, ଦେବାଶିଷ ସାମନ୍ତରାୟ କରିଛନ୍ତି ଭୋଟ୍ ବର୍ଜନ...ରାଜ୍ୟସଭା ସୂତ୍ରରୁ ମିଳିଥିବା ତଥ୍ୟ ଅନୁସାରେ, ଡକ୍ଟର ସସ୍ମିତ ପାତ୍ର, ସୁଲତା ଦେଓ, ମାନସ ମଙ୍ଗରାଜ, ନିରଞ୍ଜନ ବିଶି, ଶୁଭାଶିଷ ଖୁଣ୍ଟିଆ ବିଲ୍ ସପକ୍ଷରେ ଭୋଟ ଦେଇଛନ୍ତି । କେବଳ ମୁନା ଖାଁ ବିଲ୍କୁ ବିରୋଧ କରି ଭୋଟ ଦେଇଛନ୍ତି । ଆଉ ସାଂସଦ ଦେବାଶଷ ସାମନ୍ତାରାୟ ଗୃହରେ ଅନୁପସ୍ଥିତ ଥିଲେ ।