ଏଇ କିଛି ଦିନ ଧରି ବିଜେଡିରେ ଚାଲିଥିବା ଘନ ଘନ ମେଳି ...ବରିଷ୍ଠ , ଯୁବ ନେତାଙ୍କ ଆଲୋଚନା ପର୍ଯ୍ୟାଲୋଚନା ମଧ୍ୟରେ ମୁହଁ ଖୋଲିଛନ୍ତି ବିଜେପି ସୁପ୍ରିମୋ ନବୀନ ପଟ୍ଟନାୟକ । ବାରମ୍ବାର ନେତା, କର୍ମୀ ବିଜେଡିର ପରାଜୟ...ଓ ବିଜେଡି ମଧ୍ୟରେ ସୃଷ୍ଟି ହେଉଥିବା ଅନ୍ତଃକନ୍ଦଳ ପାଇଁ ପାଣ୍ଡିଆନଙ୍କୁ ଦାୟୀ କରୁଥିବାବେଳେ ପାଣ୍ଡିଆନଙ୍କୁ କ୍ଲିନ୍ ଚିଟ୍ ଦେଇଛନ୍ତି ନବୀନ ପଟ୍ଟନାୟକ । ଆଉ କହିଛନ୍ତି ପାଣ୍ଡିଆନ୍ 10 ମାସ ହେଲା ରାଜନୀତିରୁ ସନ୍ୟାସ ନେଇଛନ୍ତି । ସେ ରାଜ୍ୟ ଓ ଦଳ ପାଇଁ ଭଲ କାମ କରିଛନ୍ତି । ତାଙ୍କୁ ଦାୟୀ କରିବା ନିରାଧାର । ପ୍ରଭାତ ତ୍ରିପାଠୀ ଆମ ଦଳରେ ନାହାନ୍ତି । ସେ 10 ମାସ ତଳେ ପାର୍ଟି ଛାଡିଛନ୍ତି ।

ହୋଟେଲ୍‌ରେ ନେତା କରୁଥିବା ବୈଠକକୁ ନାପସନ୍ଦ କଲେ ନବୀନ । ପାର୍ଟି ଅଫିସ୍‌ ‘ଶଙ୍ଖ ଭବନ’ରେ ବୈଠକ ପାଇଁ ପରାମର୍ଶ ଦେଲେ । ବହୁତ ବଡ଼ ବିଲ୍ଡିଂ ରହିଛି, ସେଠାରେ ବୈଠକ କରିପାରିବେ ବୋଲି କହିଛନ୍ତି ନବୀନ ପଟ୍ଟନାୟକ । ନବୀନଙ୍କ ଏହି ମନ୍ତବ୍ୟ ପରେ ରାଜ୍ୟ ରାଜନୀତି ଆହୁରି ସରଗରମ ହୋଇପଡିଛି ।

ତେବେ ପୂର୍ବରୁ ମଧ୍ୟ ଏହି ସମାନ ଘଟଣା ଦେଖିବାକୁ ମିଳିଥିଲା । ବିଜେଡିର ପରାଜୟ ପାଇଁ ପାଣ୍ଡିଆନଙ୍କୁ ଦାୟୀ କରାଯାଉଥିବାବେଳେ ପାଣ୍ଡିଆନଙ୍କ ସପକ୍ଷରେ ବାହାରିଥିଲେ ନବୀନ ପଟ୍ଟନାୟକ । ମିଷ୍ଟର ପାଣ୍ଡିଆନ ରାଜ୍ୟ ଓ ଦଳର ସେବା କରିଛନ୍ତି, ସଂପୂର୍ଣ୍ଣ ସମର୍ପଣ ମନୋଭାବ, ଦକ୍ଷତା ଓ ନିଷ୍ଠାର ସହ ସେବା କରିଛନ୍ତି। ତାଙ୍କର ଏହି ଦକ୍ଷତା ଓ ନିଷ୍ଠା ପାଇଁ ସେ ଜଣା ବୋଲି କହିଥିଲେ ନବୀନ।

ୱାକଫ୍ ଘମାସାନ୍ ଭିତରେ ବିଜେଡିରେ ଗୃହ ଯୁଦ୍ଧ ଚାଲିଛି । ପାଣ୍ଡିଆନଙ୍କୁ ନେଇ ଦୁଇ ଭାଗରେ ବିଭକ୍ତ ହୋଇଛି ବିଜେଡି । ପାଣ୍ଡିଆନ ସପକ୍ଷବାଦୀ ଓ ବିପକ୍ଷବାଦୀଙ୍କ ଭିତରେ ଚାଲିଛି ଜୋରଦାର ଲଢେଇ । ରାଜ୍ୟସଭା ଘଟଣାରେ ଜବାବ ମାଗି ୫ ଦିନ ହେବ ମେଳି ବାନ୍ଧି ଶକ୍ତି ପ୍ରଦର୍ଶନ କରୁଥିବା ଆଣ୍ଟି ପାଣ୍ଡିଆନ ଗୋଷ୍ଠୀଙ୍କୁ ସମାନ ଶୈଳିରେ ଆଜି କାଉଣ୍ଟର କରିଛନ୍ତି ପ୍ରୋ-ପାଣ୍ଡିଆନ ନେତା । ପ୍ରଥମେ ପଟିଆ ସ୍ଥିତ ଏକ ହୋଟେଲରେ ଆଜି ଏକାଠି ହୋଇଥିଲେ ପାଣ୍ଡିଆନ ବିପକ୍ଷବାଦୀ କୁହାଯାଉଥିବା ଦଳର କିଛି ହେଭିୱେଟ ନେତା ।

Argus News | argus news | -Argusnews Home: Odisha Latest News, Breaking News, Trending News, Live TV and more