ଭୁବନେଶ୍ଵର: ନିଲମ୍ବନ ନୁହେଁ ସଠିକ୍ ନିଷ୍ପତ୍ତି । ଦଳରେ ହେଉ ଆଲୋଚନା । ବରିଷ୍ଠ ନେତା ପ୍ରଫୁଲ୍ଲ ମଲ୍ଲିକଙ୍କୁ ବିଜେଡି ନିଲମ୍ବିତ କରିବାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି ପଦ୍ମନାଭ ବେହେରା । ସେ କହିଛନ୍ତି, 'ପ୍ରଫୁଲ୍ଲ ମିଡିଆରେ କିଛି ମନ୍ତବ୍ୟ ଦେଇଥିବାରୁ ନିଲମ୍ବିତ ହୋଇଛନ୍ତି । ଏଭଳି କାର୍ଯ୍ୟାନୁଷ୍ଠାନ ଠିକ୍ ନୁହେଁ । ମୁଁ ବିଲକୁଲ୍ ବି ଏ କାର୍ଯ୍ୟାନୁଷ୍ଠାନ ସପକ୍ଷରେ ନାହିଁ ।'

ବରିଷ୍ଠ ବିଜେଡି ନେତା ପ୍ରଫୁଲ୍ଲ ମଲ୍ଲିକ କହିଛନ୍ତି, 'ଦଳରେ ଯେଉଁମାନେ ବି ଅସନ୍ତୁଷ୍ଟ ଅଛନ୍ତି ସେମାନଙ୍କୁ ବୁଝାସୁଝା କରିବା କଥା । ସରକାରରେ ରହି ଦଳ ଚଳାଇବା ଓ ବିରୋଧୀରେ ବସି ଦଳ ଚଳାଇବା ଭିତରେ ଫରକ ଅଛି । ମୁଁ ଶଙ୍ଖ ଭବନ ଯାଇଥିଲି, ନେତୃତ୍ୱମାନଙ୍କ ସହ ଆଲୋଚନା କରିଛି । ସଭାପତିଙ୍କ ସହ ଆଲୋଚନା କରି ପାରିନି । ଦିଲ୍ଲୀରୁ ଆସିଲେ ସଭାପତିଙ୍କୁ ଭେଟି ଆଲୋଚନା କରିବି ।

ଏଥିସହ ପଢ଼ନ୍ତୁ: BJDକୁ ଧୋଇଲେ ପ୍ରଫୁଲ୍ଲ ମଲ୍ଲିକ, ପଚାରିଲେ 'ଇସ୍ତଫା ଦେବା ପରେ କେମିତି ହୁଏ ନିଲମ୍ବନ'

ସଭାପତିଙ୍କ ସହ ଆଲୋଚନା କରିବୁ, ଛୋଟିଆ ଛୋଟିଆ ଘଟଣାରେ ଏମିତି କାର୍ଯ୍ୟାନୁଷ୍ଠାନ ନେବା ଠିକ୍ ନୁହେଁ । କାର୍ଯ୍ୟାନୁଷ୍ଠାନ, ଉଚିତ ମନେ ହେଉ ନାହିଁ । ତାଙ୍କୁ ବୁଝା ସୁଝା କରି ଦଳ ଭିତରେ ରଖା ଯିବା ଦରକାର । ଶୃଙ୍ଖଳା କମିଟି ଦ୍ୱାରା ଆଲୋଚନା କରାଇ ସେମାନଙ୍କୁ ରଖି ପାରିଲେ ଦଳ ପାଇଁ ତାହା ଭଲ ହେବ । ଯେଉଁମାନେ ବି କହୁଛନ୍ତି, ସେମାନେ ବାହାରେ ନ କହିକି ସଭାପତିଙ୍କ ସହ ଆଲୋଚନା କରିବା ଦରକାର ।

'ସମସ୍ତେ ଦଳୀୟ ଶୃଙ୍ଖଳା ଭିତରେ ରହିବା ଉଚିତ । ଯାହାର ମନ ଉଣା ଅଛି ସେମାନେ ସଭାପତିଙ୍କ ସହ ଆଲୋଚନା କରନ୍ତୁ । ଆଉ ସଭାପତି ଯାହାଙ୍କର ମନ ଉଣା ଥିବା ଦେଖୁଛନ୍ତି ସେମାନଙ୍କୁ ଡାକି କି ନିଜ ଆଡ଼ୁ ଆଲୋଚନା କରିବାର ଆବଶ୍ୟକତା ରହିଛି ।' ଏଭଳି ମନ୍ତବ୍ୟ ଦେଇ ବିଜେଡିର ଭିତିରି ଗୁମରକୁ ପଦାରେ ପକାଇ ଦେଇଛନ୍ତି ପଦ୍ମନାଭ ।

ଅର୍ଥାତ୍ ବିଜେଡିରେ ଏବେ ଯାହା ଚାଲିଛି, ଯାହା ହେଉଛି । ସେ ସବୁ ସଭାପତିଙ୍କ ଅଜାଣତରେ ହେଉଥିବା ପରୋକ୍ଷରେ ସୂଚାଇ ଦେଇଛନ୍ତି ପଦ୍ମନାଭ ବେହେରା । କାର୍ଯ୍ୟାନୁଷ୍ଠାନକୁ ନାପସନ୍ଦ କରିବା ସହ ପଦ୍ମନାଭ ଆଲୋଚନା ମାଧ୍ଯମରେ ସମାଧାନ ହେବା ଉଚିତ ବୋଲି କହିଛନ୍ତି । କିନ୍ତୁ ଶୁକ୍ରବାର ଦଳରୁ ନିଲମ୍ବନ ପରେ ପ୍ରଫୁଲ୍ଲ ମଲ୍ଲିକ କହିଥିଲେ, 'ମୋତେ କୌଣସି କାରଣ ଦର୍ଶାଅ ନୋଟିସ୍ ଦିଆଯାଇ ନାହିଁ । ହଠାତ୍ ନିଲମ୍ବନ କରାଯାଇଛି ତା'ବି ମୁଁ ଇସ୍ତଫା ପତ୍ର ଦେବା ପରେ ।'

ପ୍ରଫୁଲ୍ଲ ସାମଲ ଶୁକ୍ରବାର ଦେଇଥିବା ମନ୍ତବ୍ୟ ଓ ଶନିବାର ପଦ୍ମନାଭ କହିଥିବା କଥା ଗୋଟିଏ ଦିଗକୁ ହିଁ ସୂଚାଉଛି । ବିଜେଡିରେ ସବୁ କିଛି ଠିକ୍ ନାହିଁ ।

Argus News | argus news | Odisha Latest News, Breaking News, Trending News, Live TV