ବାକ୍ୟ ବାଣରେ ବିଜେଡିର ମଙ୍ଗୁଆଳ ଙ୍କୁ ଘାଇଲା କରିବାରେ ଲାଗିଛନ୍ତି ବରିଷ୍ଠ । କରୁଛନ୍ତି ବିସ୍ଫୋରଣ ଓ ବିଶୋଦଗାର । ଋଷି, ରାଜା, ବଦ୍ରି ଙ୍କ ପରେ ମୁହଁ ଖୋଲିଲେ ଅଶୋକ ପଣ୍ଡା । ପରୋକ୍ଷରେ କଲେ ପାଣ୍ଡିଆନ୍ ଙ୍କୁ ଟାର୍ଗେଟ। ଶୁଣେଇଲେ ଲକ୍ଷ୍ମଣ ରେଖା ଉପାଖ୍ୟାନ। କହିଲେ ନବୀନ କୌଣସି ବ୍ୟକ୍ତିଙ୍କର ସମ୍ପତ୍ତି ନୁହେଁ । ଆଇ ଆମ୍ ଡାଉନ୍ ବଟ ନଟ୍ ଆଉଟ୍ ପ୍ରସଙ୍ଗରେ କହିଲେ ଆମେ ଆଉଟ୍ ହୋଇନୁ । ଆଜି କିଛି ଏଭଳି କଡା ଭାଷାରେ ବୁଲେଇ ବଙ୍କେଇ ପାଣ୍ଡିଆନ୍ ଙ୍କୁ ବାଣ ମାରିଛନ୍ତି ଭୁବନେଶ୍ବର ଜିଲ୍ଲା ସଭାପତି ଅଶୋକ ଚନ୍ଦ୍ର ପଣ୍ଡା ।

ସେ କହିଛନ୍ତି ଦଳକୁ ଅଧିକ ସଂଗଠିତ ହେବାକୁ ହେଲେ ସବୁ ବର୍ଗକୁ ସାଙ୍ଗରେ ନେଇ ଚାଲିବାକୁ ହେବ । କୌଣସି ନିର୍ଦ୍ଦିଷ୍ଟ ବର୍ଗଙ୍କୁ ନେଇ ଦଳ ଚାଲିପାରିବ ନାହିଁ । ଲକ୍ଷ୍ମଣ ରେଖା କେହି ଡେଇଁବା ଉଚିତ ନୁହେଁ । ନବୀନ ପଟ୍ଟନାୟକ ଏକଥା ଆମକୁ ଶିଖେଇଛନ୍ତି । ତାର ପାଳନ ହେବା ଉଚିତ। ଅନ୍ୟପଟେ ଅଶୋକଙ୍କ ଏହି ବୟାନକୁ କଡ଼ା କାଉଣ୍ଟର ଦଳର ବରିଷ୍ଠ ବିଧାୟିକା ପ୍ରମିଳା ମଲ୍ଲିକ ।

ସେପଟେ ଏଭଳି ସ୍ଥିତି କୁ ନେଇ ରାଜନୈତିକ ସମୀକ୍ଷକ କହିଛନ୍ତି ବିଜେଡିରେ ରୂପାନ୍ତରଣ ଚାଲିଛି । ଆଗକୁ ପାଣ୍ଡିଆନ ଦମ୍ପତି ଙ୍କ ଅନୁଗତ କୁ ନେଇ ହିଁ ବିଜେଡି ଚାଲିବ । ଯେଉଁମାନେ ପାଣ୍ଡିଆନ ଙ୍କୁ ବିରୋଧ କରୁଛନ୍ତି ସେମାନଙ୍କୁ ଆଗକୁ ଦଳ ଛାଡି ହେବାକୁ ହେବ ନ ହେଲେ ଛାଡ଼ିବା ପାଇଁ ବାଧ୍ୟ କରାଯିବ।

ଚାରିମାସ ତଳେ ଏମିତି ଉଭୟ ବରିଷ୍ଠ ଓ କନିଷ୍ଠ ମେଳି ବାନ୍ଧି ଆରମ୍ଭ କରିଥିଲେ ବୟାନବାଜି । କିନ୍ତୁ ସହି ସମୟ ରେ ନବୀନଙ୍କୁ ସାମ୍ନା କୁ ଆଣି ବିଦ୍ରୋହ କରୁଥିବା ବରିଷ୍ଠ କନିଷ୍ଠ ଙ୍କ ମୁହଁ ବନ୍ଦ କରି ଦେଇଥିଲେ ପାଣ୍ଡିଆନ । ଏବେ ପୁଣି ଥରେ କହୁଳୁ ଥିବା ଅସନ୍ତୋଷ ର ନିଆଁ କେଉଁ ରୂପ ନେଉଛି ତାହା ଉପରେ ସମସ୍ତଙ୍କ ନଜର ।