ବରିଷ୍ଠଙ୍କ ରାସ୍ତାରେ ବିଜେଡିର ଯୁବ ଛାତ୍ର ନେତା । ମତ ମନ୍ତବ୍ୟ ଦେଇ ଅସନ୍ତୋଷ ଝାଡୁଥିଲେ ବରିଷ୍ଠ । ମେଳି ବାନ୍ଧି ମଙ୍ଗୁଆଳଙ୍କୁ ଚ୍ୟାଲେଞ୍ଜ ଦେଲେ ଯୁବ ଛାତ୍ର ଗୋଷ୍ଠୀ । ସଭାପତି ଚୟନ ପରେ ଦୁଇ ଫାଳ ହୋଇ ଯାଇଛି ବିଜୁ ଯୁବ, ଛାତ୍ର ଜନତା ଦଳ । ଜଳ ଜଳ ହୋଇ ଦିଶୁଛି କନ୍ଦଳ । ପାଣ୍ଡିଆନ ଗୋଷ୍ଠୀଙ୍କୁ ମିଳୁଥିବା ପ୍ରାଧାନ୍ୟତା କୁ ନେଇ ଦଳ ଭିତରେ ଉଗ୍ର ରୂପ ଧାରଣ କରିଛି ଅସନ୍ତୋଷର ନିଆଁ । ଯାହାକୁ ନେଇ ଛାତ୍ର ଜନତା ଦଳର ୫୦ ରୁ ଅଧିକ ନେତା ମେଳି ବାନ୍ଧି ନିଷ୍ପତ୍ତି ବିରୁଦ୍ଧରେ ଦେଇଛନ୍ତି ଯୁଦ୍ଧଂ ଦେଇ ଡାକରା । ବୈଠକ ପରେ ଏକଜୁଟ ହୋଇ ପିଏସି କମିଟି ସଦସ୍ୟଙ୍କୁ ଭେଟିଛନ୍ତି ସମସ୍ତ ଛାତ୍ର ନେତା । ଅସନ୍ତୋଷ ଜଣାଇବା ସଭାପତି ଚୟନ ନିଷ୍ପତ୍ତି କୁ ବିରୋଧୀ ଦେଇଛନ୍ତି ଅଲଟିମେଟମ ।

ତେବେ ଏହାକୁ ଛାତ୍ର ନେତା ଅସିତ ଦାସ କହିଛନ୍ତି 40 ରୁ 50 ବିଜେଡ଼ି ଛାତ୍ର ନେତା ଏକାଠି ହୋଇଥିଲୁ। ପାର୍ଟି କଥା ଆଲୋଚନା ହୋଇଛି । ଏବାବଦରେ ସିନିୟର ଲିଡର ଙ୍କ ସହିତ ଆଲୋଚନା କରିବୁ। ସମସ୍ତ ଙ୍କୁ ସାଙ୍ଗରେ ନେଇ ଚାଲିବାର ଆବଶ୍ୟକତା ଅଛି। ଆଗକୁ କଣ ହେବ ତାହା ସମୟ କହିବ । ସେହିପରି ଇସ୍ପିତା ସହ ରହିବେ ନା ନାହିଁ ପ୍ରଶ୍ନରେ ରାଜେଶ ରାଜ ସ୍ୱାଇଁ କହିଛନ୍ତି ଦଳ ସହ ରହିବୁ ।

ସେପଟେ ଅସନ୍ତୋଷର ଝଡ଼ ଭିତରେ ଉଭୟ ଯୁବ ଓ ଛାତ୍ର ସଂଗଠନକୁ ନେଜ ନବୀନ ନିବାସରେ ବସିଥିଲା ବଡ଼ ବୈଠକ । ସଭାପତି ଓ ପଦାଧିକାରୀମାନଙ୍କୁ ନେଇ ପ୍ରସ୍ତୁତ କରାଯାଇଛି ଯୁବ ଛାତ୍ର ଜନତା ଦଳର ଆଗାମୀ ରଣନୀତି ।

ଅନ୍ୟପଟେ ଦେବାଶିଷ, ରଣେନ୍ଦ୍ର, ବଦ୍ରି ଅଶୋକଙ୍କ ପରେ ମୁହଁ ଖୋଲିଛନ୍ତି ପ୍ରଫୁଲ୍ଲ ମଲ୍ଲିକ। କହିଲେ ଏବେ ନିଜ ବିଚାରଧାରାରୁ ବାହାରି ଯାଇଛି ବିଜେଡି।

ଜିଲ୍ଲା ସଭାପତି, ବିଭିନ୍ନ ଛାମୁଆ ସଂଗଠନ ଓ ରାଜନୈତିକ ବ୍ୟାପାର କମିଟି ସମେତ ଦଳୀୟ କମିଟି ପରେ ଦଳରେ ଦେଖା ଦେଇଥିଲା ଅସନ୍ତୋଷ । ଏବେ ଯୁବ ଛାତ୍ର ସଭାପତି ଚୟନ ପରେ ଦଳରେ ବିସ୍ଫୋରଣ ସ୍ଥିତି ଉପୁଜିଛି । ତେବେ ଏଭଳି ସ୍ଥିତି ରେ ବାକି ଥିବା ୫ ସାଙ୍ଗଠନିକ ଜିଲ୍ଲା ଓ ମହିଳା ସଭାପତି ଚୟନ ନବୀନଙ୍କ ପାଇଁ ବେଶ କାଠିକର ପାଠ ହେବ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।