ମଣିଷ ନା ରାକ୍ଷସ । ପ୍ରଥମେ ସ୍ତ୍ରୀ ତା ପରେ ନିଜ ଶାଶୁଙ୍କୁ କଲା ହତ୍ୟା । ମୃତକ ହେଲେ ସ୍ତ୍ରୀ ସୋନାଲି ଦଳାଇ ଓ ଶାଶୁ ସୁମତା ଦଳାଇ । ଏହି ଘଟଣାରେ ଅଭିଯୁକ୍ତ ସ୍ଵାମୀ ଦେବାଶିଷ ପାତ୍ର ଗିରଫ ।

ମୟୂରଭଞ୍ଜ ବାଙ୍ଗିରିପୋଷି କୁଳିଅଣା ଥାନା ସରପଙ୍ଖା ନୂଆଁ ଗାଁରେ ଡବଲ ମର୍ଡର । କୁଳିଅଣା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହ ଅଭିଯୁକ୍ତକୁ ଗିରଫ କରିଛି । ଉଭୟ ସ୍ତ୍ରୀ ଓ ଶାଶୁକୁ ହତ୍ୟା କରି ମାଟିରେ ପୋତି ଦେଇଥିଲା ଅଭିଯୁକ୍ତ ।

ଗତ ୧୨ ତାରିଖରେ ବାପ ଘରୁ ସ୍ବାମୀ ଘରକୁ ଆସିଥିଲା ମୃତକ ସୋନାଲି ଓ ତାର ମାଆ। ପୂର୍ବରୁ ପାରିବାରିକ କଳହ ପାଇଁ ବାପ ଘରେ ରହୁଥିଲା ସୋନାଲି । ସେପଟେ ବାପ ଘରୁ ଆସିବା ପରେ ଗତ ୧୭ଦିନ ଧରି ମାଆ ଓ ଝିଅ ନିଖୋଜ ଥିବାର ଅଭିଯୋଗ ହୋଇଥିଲେ ମୃତକ ସୋନାଲିର ପରିବାର ଲୋକ । ଦୀର୍ଘ ଦିନ ଧରି କୌଣସି ଖବର ନମିଳିବାରୁ ଆଜି କୁଳିଅଣା ପୋଲିସ ସାହାଯ୍ୟରେ ଅଭିଯୁକ୍ତ ଦେବାଶିଷ ଘରକୁ ଆସି ତନାଘନା ପରେ ଖୋଲିଛି ଗୁମର । ଉଭୟ ଝିଅ ଓ ଶାଶୁ ମାଆକୁ ଗତ ୧୫ ତାରିଖରୁ ହତ୍ୟା କରି ମାଟି ତଳେ ପୋତି ଦେଇଥିବା ସ୍ୱୀକାର କରିଛି ଅଭିଯୁକ୍ତ ପିଶାଚ ସ୍ବାମୀ । ଏହି ଘଟଣାକୁ ନେଇ ପୁରା ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।