ଆଜିଠୁ ଆସାମରେ ପୁଣି ହିମନ୍ତ ସରକାର । କ୍ରମାଗତ ଦ୍ୱିତୀୟ ଥର ପାଇଁ ଆସାମ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ହିମନ୍ତ ବିଶ୍ୱ ଶର୍ମା । ଗୁଆହାଟୀଠାରେ ଭବ୍ୟ ଶପଥ ଗ୍ରହଣ ସମାରୋହ । ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଅର୍ଥମନ୍ତ୍ରୀ ନିର୍ମଳା ସୀତାରମଣ, କେନ୍ଦ୍ର ମନ୍ତ୍ରୀ ସର୍ବାନନ୍ଦ ସୋନୋୱାଲ ଏବଂ ବିଜେପିର ରାଷ୍ଟ୍ରୀୟ ସଭାପତି ନିତିନ ନବୀନଙ୍କ ସମେତ NDA ର ୪୦ରୁ ଅଧିକ ମୁଖ୍ୟମନ୍ତ୍ରୀ ଓ ଉପ-ମୁଖ୍ୟମନ୍ତ୍ରୀ ସାମିଲ ହୋଇଛନ୍ତି ।

ଗୁଆହାଟୀର ଖାନାପାରା ପ୍ରାଣୀ ଚିକିତ୍ସା ମହାବିଦ୍ୟାଳୟ ପଡ଼ିଆରେ ଉତ୍ସବ ଅନୁଷ୍ଠିତ । ଆସାମରେ ଏହା NDAର ତୃତୀୟ ସରକାର । ହିମନ୍ତଙ୍କ ସହ ଆଉ ଚାରି ଜଣ କ୍ୟାବିନେଟ୍ ମନ୍ତ୍ରୀ ଭାବେ ଶପଥ ନେଇଛନ୍ତି। ସେମାନେ ହେଲେ ରାମେଶ୍ୱର ତେଲି, ଅଜନ୍ତା ନେଓଗ, ଅତୁଲ ବୋରା, ଚରଣ ବୋରୋ ।

୧୨୬ ଆସନ ବିଶିଷ୍ଟ ଆସାମ ବିଧାନସଭାରେ NDA ୧୦୨ଟି ଆସନ ଜିତି ବହୁମତ ପାଇଛି । ଏଥିମଧ୍ୟରୁ ବିଜେପି ଏକାକୀ ୮୨ଟି ଆସନ ହାସଲ କରି ରାଜ୍ୟରେ ପ୍ରଥମ ଥର ପାଇଁ ପୂର୍ଣ୍ଣ ସଂଖ୍ୟାଗରିଷ୍ଠତା ପାଇଛି । ଯେଉଁଠି AGP ଏବଂ BPF ପ୍ରତ୍ୟେକ ୧୦ଟି ଲେଖାଏଁ ଆସନ ଜିତିଛନ୍ତି ।