ଝାରସୁଗୁଡ଼ାରେ ଅଟକ ସନ୍ଦିଗ୍ଧ ବାଂଲାଦେଶୀଙ୍କୁ ନେଇ ଖଡ଼ଗହସ୍ତ ପଶ୍ଚିମବଙ୍ଗର TMC ସାଂସଦ ତଥା ପିନାକୀ ମିଶ୍ରଙ୍କ ପତ୍ନୀ ମହୁଆ ମୈତ୍ର । ଭିଡିଓ ବାର୍ତ୍ତାରେ କହିଲେ, ଅଟକଙ୍କ ଭିତରେ ଅଛନ୍ତି ବେଙ୍ଗଲି । ବାଂଲାଦେଶୀଙ୍କୁ ବେଙ୍ଗଲି କହି ସୁରକ୍ଷା ଦେବାକୁ ଷଡ଼ଯନ୍ତ୍ର ରଚିଛନ୍ତି କି ମହୁଆ । ବିଜେପି କହିଲା, ବିଜେଡିର କୌଣସି ନେତା ଏହା କହିନପାରି ନୂଆ ବୋହୂ ଦ୍ୱାରା କୁହାଉଛନ୍ତି । ସ୍ପଷ୍ଟୀକରଣ ରଖିଲେ ଉତ୍ତରାଞ୍ଚଳ IG ।

ଏହି ଘଟଣାକୁ ନେଇ ଖଡଗହସ୍ତ ପଶ୍ଚିମବଙ୍ଗର ଟିଏମସି ସାଂସଦ ତଥା ପିନାକୀଙ୍କ ପତ୍ନୀ ମହୁଆ ମୈତ୍ର । ମହୁଆ ସିଧା ସିଧା ରାଜ୍ୟ ସରକାରଙ୍କୁ ଧମକ ଦେଇଛନ୍ତି । ମହୁଆ ଏକ ଭିଡିଓ ବାର୍ତ୍ତାରେ କହିଛନ୍ତି, ଝାରସୁଗୁଡ଼ା ଅଟକ 444 ଶ୍ରମିକଙ୍କ ଭିତରେ ମୋ ନିର୍ବାଚନ ମଣ୍ଡଳୀର 23 ଶ୍ରମିକ ଅଛନ୍ତି । ଏମାନଙ୍କ ଭିତରେ 440 ବଙ୍ଗାଳୀ ଅଟକ ଅଛନ୍ତି । ବେଆଇନ ଭାବେ ଝାରସୁଗୁଡ଼ା ଓରିଏଣ୍ଟ ପୋଲିସ ଷ୍ଟେସନ ଅଟକ ରଖିଛି । ମୋ ନିର୍ବାଚନ ମଣ୍ଡଳୀର 23 ଶ୍ରମିକଙ୍କ ପାଖରେ ସବୁ ବୈଧ ପ୍ରମାଣ ପତ୍ର ରହିଛି । ଭାବନ୍ତୁନି ଏହି ଅଟକ ଶ୍ରମିକମାନଙ୍କ ପାଇଁ ଲଢ଼ିବାକୁ କେହି ନାହାନ୍ତି ।

ସେମାନଙ୍କୁ ଅଟକ ରଖିବାର କୌଣସି ଯଥାର୍ଥ ପ୍ରମାଣ ନାହିଁ । ସେମାନଙ୍କୁ ତୁରନ୍ତ ଛଡ଼ା ନଗଲେ ଆମେ ଆଇନର ଆଶ୍ରୟ ନେବୁ । ଓଡ଼ିଶାକୁ 50 ପ୍ରତିଶତ ପର୍ଯ୍ୟଟନ ରାଜସ୍ବ ପଶ୍ଚିମବଙ୍ଗରୁ ଆସୁଛି । ଯଦି ବେଙ୍ଗଲି ଶ୍ରମଜୀବୀଙ୍କୁ ହଇରାଣ ହେବ , ଓଡ଼ିଶା ଯିବା ବନ୍ଦ କରିବେ ବେଙ୍ଗଲି । ଭିଡିଓ ଜରିଆରେ ମୁଖ୍ୟମନ୍ତ୍ରୀ, ମୁଖ୍ୟ ସଚିବ ଓ ଡିଜିପିଙ୍କୁ ଚେତାବନୀ ଦେଇଛନ୍ତି ମହୁଆ ।

ବାଂଲାଦେଶୀଙ୍କୁ ବେଙ୍ଗଲି କହି ସୁରକ୍ଷା ଦେବାକୁ ଷଡଯନ୍ତ୍ର ରଚିଛନ୍ତି କି ମହୁଆ । ପୂର୍ବରୁ ମମତା ବି ନେଇଥିଲେ ସମାନ ଆଭିମୁଖ୍ୟ । ଏହାର କଡା ଜବାବ ରଖିଛି ବିଜେପି । ବିଜେପି ବିଧାୟକ ଟଙ୍କଧରଲ ତ୍ରିପାଠୀ କହିଛନ୍ତି, ମହୁଆ ଯାହା କହୁଛନ୍ତି ତାହା ବୋଧେ ବିଜେଡିର ଭାଷା । ବିଜେଡିର କୌଣସି ନେତା ଏହା କହି ନପାରି ତାଙ୍କ ନୂଆ ବୋହୂ ଦ୍ୱାରା କୁହାଉଛନ୍ତି ।

ଭାରତ ବର୍ଷ ହେଉଛି ଭାରତୀୟଙ୍କର । ଏହା କେଉଁ ଧର୍ମଶାଳା ନୁହଁ ଯେ ଅନ୍ୟ ଦେଶର ଲୋକେ ବିନା କାଗଜ ପତ୍ରରେ ଆସି ଦୀର୍ଘ ଦିନ ରହି ଅନୈତିକ କାର୍ଯ୍ୟ କରିବେ । ନିୟମ ଅନୁସାରେ କାଗଜପତ୍ର ଯାଞ୍ଚ କରାଯାଉଛି । ନିୟମ ଅନୁସାରେ ଯାହାର କାଗଜପତ୍ର ଅଛି ତାଙ୍କୁ ଛାଡି ଦିଆଯାଇଛି । ଯାହାର କାଗଜପତ୍ର ନାହିଁ ସେମାନଙ୍କ ଉପରେ ଆଇନ ଅନୁସାରେ କାର୍ଯ୍ୟାନୁଷ୍ଠାନ ହେବ । ବାଂଲାଦେଶୀ ଅନୁପ୍ରବେଶକାରୀଙ୍କୁ ଦେଶରୁ ତଡିବାକୁ ଦେଶର ସଂକଳ୍ପ । ସାରା ରାଜ୍ୟରେ ଏବେ ବାଂଲାଦେଶୀ ଅନୁପ୍ରବେଶକାରୀଙ୍କୁ ନେଇ ଜାରି ରହିଛି ତନାଘନା । ଗୃହ ବିଭାଗ ନିର୍ଦେଶ ଅନୁସାରେ ଝାରସୁଗୁଡା ଜିଲ୍ଲା ପୋଲିସ ସ୍ୱତନ୍ତ୍ର ସ୍କ୍ବାର୍ଡ ଗଠନ କରି ବାଂଲାଦେଶୀଙ୍କୁ ଚିହ୍ନଟ ପ୍ରକ୍ରିୟା ଆରମ୍ଭ କରିଛି । ଆଉ ଏପରି ସମୟରେ ମ ହୁଆଙ୍କ ଧମକ ତିଆରି କରିଛି ନୂଆ ବିତର୍କ । ଏହାର ସ୍ପଷ୍ଟୀକରଣ ଦେବେ କି ପିନାକୀ ମିଶ୍ର । ବାଂଲାଦେଶୀଙ୍କୁ ହଟାଇବାରେ କାହିଁକି ବାଧା ସୃଷ୍ଟି କରୁଛନ୍ତି ମହୁଆ ।