ମିଶନ ଶକ୍ତିର 763 ମହିଳା ଏକ୍ସପୋଜର ଟୁରରେ ଯାଇଥିଲେ ଦୁବାଇ । ଦୁବାଇ ଟୁରରୁ ପାଇଥିବା ଏକ୍ସପୋଜରକୁ କେମିତି ଓ କିପରି କାମରେ ଲଗାଇଲେ ଜାଣିବା ପାଇଁ ଆମ ଟିମ ପହଁଞ୍ଚିଥିଲା ସ୍ହୟଂ ସହାୟକ ଗୋଷ୍ଠୀର କିଛି ମହିଳାଙ୍କ ପାଖରେ । ନୀଳଗିର ବ୍ଲକ ଏସଏଚଜିର ସେକ୍ରେଟାରୀ ଥିବା ବିଳାସୀନ ଖୋଲି କହିଥିଲେ ଦୁବାଇ ଟୁରର କାହାଣୀ । ପ୍ରଥମେ ଭୁବନେଶ୍ବରରେ ବିଜେଡି ପାର୍ଟି ଅଫିସ ତା ପରେ ମିଶନ ଶକ୍ତି କାର୍ଯ୍ୟାଳୟ ସେଇଠୁ ବିମାନ ବନ୍ଦର ଯାଇ ଦୁବାଇ...ହେଲେ ଫେରିବା ପରେ ଦୁବାଇ ଅଭିଜ୍ଞତା କି କାମରେ ଆସିଲା ପ୍ରଶ୍ନରେ ଉତ୍ତର ଶୁଣିଲେ ଆପଣଙ୍କ ହୋସ୍ ଉଡିଯିବ ।

2023 ନଭେମ୍ବରରୁ 15ରୁ , 2024 ଏପ୍ରିଲ 1 ପର୍ଯ୍ୟନ୍ତ 26 ଟି ଗ୍ରୁପ ଯାଇଥିଲେ ଦୁବାଇ । ଏଥିପାଇଁ ରାଜ୍ୟ କୋଷରୁ ସ୍ବାହା ହୋଇଥିଲା 13 କୋଟି 48 ଲକ୍ଷ 30 ହଜାର 13 ଟଙ୍କା । ଆରଟିଆଇ ତଥ୍ୟରୁ ସାମନାକୁ ଆସିଛି ସତ । କେବଳ ମିଶନ ଶକ୍ତି ବିଭାଗ ପଠାଇଥିଲା 763 ମହିଳାଙ୍କୁ । ଜଳ ସଂପଦ ଓ ଏସସି ଏସଟି ବିଭାଗ ବି କିଛି ମହିଳାଙ୍କୁ ପଠାଇଥିଲା । ଏସକଟରେ 49 ଅଫିସର ବି ଯାଇଥିଲେ ଦୁବାଇ । କେବଳ ବିମାନ ଟିକେଟରେ ଖର୍ଚ୍ଚ ହୋଇଥିଲା 3 କୋଟି 6 ଲକ୍ଷ ଟଙ୍କା । 5 ଷ୍ଟାର ହୋଟଲେରେ ରହିବା,ଖାଇବା ଓ ମଉଜରେ ଉଡିଯାଇଥିଲା 7 କୋଟି 92 ଲକ୍ଷ ଟଙ୍କା । ତେବେ ଦୁବାଇ ଯାଇଥିବା ମହିଳା କି ଏକ୍ସପୋଜର ନେଇ ଫେରିଲେ ସେତେବେଳେ ବିମାନ ବନ୍ଦରରେ ଏମାନଙ୍କୁ ପଚାରିଥିଲା ଅର୍ଗସ ଟିମ । ହେଲେ କେହି ମୁହଁ ଖୋଲି ନ ଥିଲେ ।

2024 ନିର୍ବାଚନ ପୂର୍ବରୁ ଆଦର୍ଶ ଆଚରଣ ବିଧି ଲାଗୁ ବେଳେ ସରକାରୀ ଟଙ୍କାରେ ଦୁବାଇ ବୁଲାକୁ ନେଇ ଆପତ୍ତି ଉଠାଇଥିଲା ବିଜେପି । ସେତେବେଳେ ମୁଖ୍ୟ ନିର୍ବାଚନ ଅଧିକାରୀଙ୍କ ପାଖେ ଦଳ ଫେରାଦ ହୋଇଥିଲେ । ଏବେ ସୂଚନା ଅଧିକାରରେ ତଥ୍ୟ ସାମନାକୁ ଆସିବା ପରେ ମୁହାଁମୁହିଁ ହୋଇଛନ୍ତି ବିଜେପି- ବିଜେଡି ।

Argus News | argus news | Odisha Latest News, Breaking News, Trending News, Live TV