ବିହାର ରାଜନୀତିରେ ଏବେ ବେଶ ରୋଚକ ହୋଇଛି। ନୀତିଶ କୁମାର ରାଜ୍ୟସଭାକୁ ଯିବାକୁ ଇଚ୍ଛା ପ୍ରକାଶ କରିବାପରେ ମୁଖ୍ୟମନ୍ତ୍ରୀ ପଦକୁ ନେଇ ଚର୍ଚ୍ଚା ବଢ଼ିବାରେ ଲାଗିଛି। ନୀତିଶ କୁମାର ରାଜ୍ୟ ସଭାରେ ପ୍ରବେଶ କରିବାକୁ ତାଙ୍କର ଇଚ୍ଛା ଘୋଷଣା କରିଛନ୍ତି। ସେ ସୋସିଆଲ ମିଡିଆରେ କହିଛନ୍ତି, "ଦୁଇ ଦଶନ୍ଧିରୁ ଅଧିକ ସମୟ ଧରି ନିରନ୍ତର ଭାବରେ ଲୋକଙ୍କର ବିଶ୍ୱାସ ଏବଂ ସମର୍ଥନ ବଜାୟ ରଖିଛି। ସେହି ଶକ୍ତିରେ, ଆମେ ସମ୍ପୂର୍ଣ୍ଣ ବିଶ୍ୱସ୍ତତାର ସହିତ ବିହାର ଏବଂ ଆପଣମାନଙ୍କ ସେବା କରିଛୁ। ଆପଣଙ୍କ ବିଶ୍ୱାସ ଏବଂ ସମର୍ଥନ ଯୋଗୁ ହିଁ ବିହାର ଆଜି ବିକାଶ ଏବଂ ସମ୍ମାନର ଏକ ନୂତନ ଦିଗ ପ୍ରଦାନ କରୁଛି।"

पिछले दो दशक से भी अधिक समय से आपने अपना विश्वास एवं समर्थन मेरे साथ लगातार बनाए रखा है, तथा उसी के बल पर हमने बिहार की और आप सब लोगों की पूरी निष्ठा से सेवा की है। आपके विश्वास और समर्थन की ही ताकत थी कि बिहार आज विकास और सम्मान का नया आयाम प्रस्तुत कर रहा है। इसके लिए पूर्व में…

— Nitish Kumar (@NitishKumar) March 5, 2026

ମୁଁ ଅତୀତରେ ଅନେକ ଥର ଆପଣଙ୍କ ପ୍ରତି ମୋର କୃତଜ୍ଞତା ପ୍ରକାଶ କରିଛି। ମୋର ସଂସଦୀୟ କ୍ୟାରିଅର ଆରମ୍ଭରୁ, ମୋର ବିହାର ବିଧାନସଭାର ଉଭୟ ଗୃହ ଏବଂ ସଂସଦର ଉଭୟ ଗୃହର ସଦସ୍ୟ ହେବାକୁ ଇଚ୍ଛା ଥିଲା। ଏହି ଅନୁଯାୟୀ, ମୁଁ ଏହି ନିର୍ବାଚନରେ ରାଜ୍ୟ ସଭାର ସଦସ୍ୟ ହେବାକୁ ଚାହୁଁଛି। ମୁଁ ଆପଣଙ୍କୁ ଆନ୍ତରିକତାର ସହିତ ପ୍ରତିଶ୍ରୁତି ଦେଉଛି ଯେ ଆପଣଙ୍କ ସହିତ ଏହି ସମ୍ପର୍କ ଭବିଷ୍ୟତରେ ଜାରି ରହିବ ଏବଂ ଏକ ବିକଶିତ ବିହାର ଗଠନ ପାଇଁ ଆପଣଙ୍କ ସହିତ ମିଶି କାମ କରିବାର ମୋର ସଂକଳ୍ପ ଅଟଳ ରହିବ। ଗଠିତ ହେବାକୁ ଥିବା ନୂତନ ସରକାରକୁ ମୋର ପୂର୍ଣ୍ଣ ସମର୍ଥନ ଏବଂ ମାର୍ଗଦର୍ଶନ ମିଳିବ।

ନୀତିଶ ଯଦି ରାଜ୍ୟ ସଭା ଯିବେ ତାଙ୍କୁ ମୁଖ୍ୟମନ୍ତ୍ରୀ ପଦ ଛାଡିବାକୁ ପଡିବ। ଯଦି ଏହା ହୁଏ, ତେବେ ଏହା ବିହାର ରାଜନୀତିରେ ଏକ ବଡ଼ ସୁଯୋଗ ହେବ। ଏହା ବ୍ୟତୀତ ନୀତୀଶ କୁମାରଙ୍କ ପୁଅ ନିଶାନ୍ତ କୁମାରଙ୍କୁ ନେଇ ମଧ୍ୟ ଗୁରୁତ୍ୱପୂର୍ଣ୍ଣ ଆଲୋଚନା ହେଉଛି। କୁହାଯାଉଛି ଯେ, ନିଶାନ୍ତଙ୍କୁ ଉପମୁଖ୍ୟମନ୍ତ୍ରୀ ନିଯୁକ୍ତ କରାଯିବ। ଅନ୍ୟପକ୍ଷେ ନିଶାନ୍ତ ନିଯୁକ୍ତି ବିଷୟରେ ସିଧା ମନା କରିଛନ୍ତି।

ନୀତିଶ କୁମାର ୨୦୦୫ ମସିହାରୁ ମୁଖ୍ୟମନ୍ତ୍ରୀ ଅଛନ୍ତି। ୨୦୨୫ ନିର୍ବାଚନରେ ବିରୋଧୀ ଦଳ ତାଙ୍କ ସ୍ବାସ୍ଥ୍ୟାବସ୍ଥା ସମ୍ପର୍କରେ ଅନେକ ପ୍ରଶ୍ନ ଉଠାଇଥିଲେ, କିନ୍ତୁ ଜନସାଧାରଣ ତାଙ୍କ ଉପରେ ବିଶ୍ୱାସ ପ୍ରକାଶ କରି ତାଙ୍କୁ ୨୦୨୦ ଅପେକ୍ଷା ଆହୁରି ଅଧିକ ଆସନ ଦେଇଥିଲେ। ୨୦୨୫ରେ ନୀତୀଶଙ୍କ ଦଳ ୮୫ ଆସନ ଜିତିଥିଲା। ବିଜେପି ୮୯ ଆସନ ଜିତିଥିଲା। ନୀତୀଶ ପୁଣି ଥରେ ମୁଖ୍ୟମନ୍ତ୍ରୀ ହୋଇଥିଲେ। ନିର୍ବାଚନ ସମୟରେ ତାଙ୍କ ପୁଅ ନିଶାନ୍ତ ଖବରରେ ଥିଲେ। ନିଶାନ୍ତଙ୍କୁ ରାଜ୍ୟ ସଭାକୁ ନିର୍ବାଚିତ କରାଯିବ ଏବଂ ତାଙ୍କୁ ଦଳୀୟ ସଂଗଠନରେ ଏକ ପ୍ରମୁଖ ଦାୟିତ୍ୱ ଦିଆଯିବ ବୋଲି କଳ୍ପନାଜଳ୍ପନା ଜୋର ଧରିଥିଲା। କିନ୍ତୁ ବର୍ତ୍ତମାନ ସମୀକରଣ ପରିବର୍ତ୍ତନ ହେଉଥିବା ପରି ମନେ ହେଉଛି।