ବିଜେଡି ଛାଡ଼ିଲେ ଦେବାଶିଷ ସାମନ୍ତରାୟ… ଦଳର ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା ଦେଇଛନ୍ତି ଦେବାଶିଷ ସାମନ୍ତରାୟ । କିଛି ସମୟ ଭିତରେ ରାଜ୍ୟସଭା ଅଧ୍ୟକ୍ଷ ସିପି ରାଧାକ୍ରିଷ୍ଣନଙ୍କୁ ଭେଟି ରାଜ୍ୟସଭା ସଭ୍ୟ ପଦରୁ ଦେବେ ଇସ୍ତଫା ଯାହା ସୂଚନା ରହିଛି । ପୂର୍ବରୁ ନବୀନଙ୍କ ଅତ୍ୟନ୍ତ ଘନିଷ୍ଠ ଥିବା ଦେବାଶିଷ ବିଭିନ୍ନ କାରଣରୁ ଝାଡ଼ିଛନ୍ତି ଅସନ୍ତୋଷ ଦେଖାଦେଇଥିଲା ।

ରାଜ୍ୟ ରାଜନୀତିରେ ବଡ଼ ହଲଚଲ । ରାଜ୍ୟସଭା ସାଂସଦ ପଦ ଓ ବିଜେଡିରୁ ଇସ୍ତଫା ଦେଲେ ଦେବାଶିଷ ସାମନ୍ତରାୟ । ଆଜି ସେ ରାଜ୍ୟସଭା ଅଧ୍ୟକ୍ଷ ସି.ପି. ରାଧାକ୍ରିଷ୍ଣନଙ୍କୁ ଭେଟି ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେଇଛନ୍ତି । ଏହାପୂର୍ବରୁ ସେ ବିଜେଡିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିଲେ । ସେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଆଜି ଇସ୍ତଫା ପତ୍ର ପଠାଇଥିଲେ ।

ଇସ୍ତଫା ଦେବା ଅବସରରେ ସେ କହିଛନ୍ତି ମୋର ମନେହେଉଛି ଦଳକୁ ଆଉ ମୋର ସେବାର ଆବଶ୍ୟକତା ନାହିଁ। ତେଣୁ ମୁଁ ଏହି ନିଷ୍ପତ୍ତି ନେଇଛି। ଦେବାଶିଷ ସାମନ୍ତରାୟ ୪ ଅପ୍ରେଲ ୨୦୨୪ରେ ବିଜେଡି ତରଫରୁ ରାଜ୍ୟସଭାକୁ ନିର୍ବାଚିତ ହୋଇଥିଲେ। ବିଜେଡିରୁ ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେବା ପରେ ସେ ରାଜ୍ୟସଭା ସାଂସଦ ପଦରୁ ମଧ୍ୟ ଇସ୍ତଫା ଦେଇଛନ୍ତି । ମମତା ମହାନ୍ତ ଏବଂ ସୁଜିତ କୁମାରଙ୍କ ପରେ ଦେବାଶିଷ ସାମନ୍ତରାୟ ହେଉଛନ୍ତି ବିଜେଡିର ତୃତୀୟ ରାଜ୍ୟସଭା ସାଂସଦ, ଯିଏ କାର୍ଯ୍ୟକାଳ ବାକି ଥାଇ ଦଳ ଓ ସାଂସଦ ପଦ ଛାଡ଼ିଛନ୍ତି ।

ବିଜେଡିକୁ ବାଏ ବାଏ କରିଛନ୍ତି ତିନି ଥର ବିଧାୟକ ହୋଇଥିବା ଦେବାଶିଷ ସାମନ୍ତରାୟ । ପୂର୍ବରୁ ନବୀନଙ୍କ ଅତ୍ୟନ୍ତ ଘନିଷ୍ଠ ଥିବା ଦେବାଶିଷ ବିଭିନ୍ନ କାରଣରୁ ଅସନ୍ତୋଷ ଝାଡ଼ିଛନ୍ତି । ବିଜେଡି ସୁପ୍ରିମୋଙ୍କଠାରୁ ତାଙ୍କର ଦୂରତା ବଢ଼ିବାରେ ଲାଗିଥିଲା । ଖାଲିସେତିକି ନୁହେଁ ଦେବାଶିଷଙ୍କ ଅନୁଗତମାନଙ୍କୁ ଦଳରେ ଗୁରୁତ୍ବ ଦିଆଯାଉନଥିଲା । ଏପରିକି ତାଙ୍କୁ ଦିଆଯାଇଥିବା ବରିଷ୍ଠ ଉପସଭାପତି ପଦରୁ ଅଗ୍ରାହ୍ୟ କରିଥିଲେ ଦେବାଶିଷ ।

ନବୀନ ପଟ୍ଟନାୟକଙ୍କ ଅତ୍ୟନ୍ତ ଘନିଷ୍ଠ ଥିଲେ ଦେବାଶିଷ । ସେ ହେଉଛନ୍ତି ବିଜେଡିର ପୁରୁଖା ନେତା । କିନ୍ତୁ ସେ ବିଭିନ୍ନ କାରଣରୁ ଦଳ ଉପରେ ଅସନ୍ତୁଷ୍ଟ ଥିଲେ । ଗତ କିଛି ମାସ ହେଲା ସେ ଦଳୀୟ ବ୍ୟାପାରରେ ମଧ୍ୟ ସାମିଲ ହେଉନଥିବା ଚର୍ଚ୍ଚା ହେଉଥିଲା । ଦଳ ନେଇ ସେ କୌଣସି ଟିପ୍ପଣୀ ମଧ୍ୟ ଦେଉନଥିଲେ । ଶ୍ରୀମୟୀ ମିଶ୍ର ସୋସିଆଲ ମିଡିଆରେ ଏନେଇ ପୂର୍ବରୁ ଇଙ୍ଗିତ କରିଥିଲେ । ପୁଣି ଗୋଟେ ୱିକେଟ୍ ପଡ଼ିବ ବୋଲି ଲେଖିଥିଲେ । ଏହାରି ଭିତରେ ଦେବାଶିଷ ଆଜି ଦଳ ଛାଡିଛନ୍ତି ।

ଇସ୍ତଫା ପତ୍ର ପଠାଇବା ପରେ ସୋସିଆଲ ମିଡିଆ ଏକ୍ସରେ ଦେବାଶିଷ ଲେଖିଛନ୍ତି, "ବିଜୁ ଜନତା ଦଳର ସଭାପତି ନବୀନ ପଟ୍ଟନାୟକଙ୍କୁ ମୋର ଇସ୍ତଫା ପତ୍ର । ଦଳ ପ୍ରତିଷ୍ଠା ହେବାଠୁଁ ଆଜି ଯାଏଁ ମୁଁ ମୋର ସେବା, ସଂଗଠନ ଓ ସମର୍ପଣ ନୀତିରେ କାର୍ଯ୍ୟ କରି ଆସିଛି । ଆଗକୁ ମଧ୍ୟ ଓଡିଶାବାସୀଙ୍କ ପାଇଁ ମୋର ସଂଘର୍ଷ ଜାରି ରଖିବି । ଜୟ ଜଗନ୍ନାଥ ।"

ବିଜୁ ଜନତା ଦଳର ମାନ୍ୟବର ସଭାପତି ଶ୍ରୀ @Naveen_Odisha ଙ୍କୁ ମୋର ଇସ୍ତଫା ପତ୍ର। ଦଳ ପ୍ରତିଷ୍ଠା ହେବାଠୁଁ ଆଜି ଯାଏଁ ମୁଁ ମୋର ସେବା, ସଂଗଠନ ଓ ସମର୍ପଣ ନୀତିରେ କାର୍ଯ୍ୟ କରି ଆସିଛି। ଆଗକୁ ମଧ୍ୟ ଓଡିଶାବାସୀଙ୍କ ପାଇଁ ମୋର ସଂଘର୍ଷ ଜାରି ରଖିବି। ଜୟ ଜଗନ୍ନାଥ 🙏 pic.twitter.com/Qfgy16PbLl

— Debashish Samantaray (@debashish_mla) May 25, 2026

ସଭାପତିଙ୍କୁ ପଠାଇଲେ ଇସ୍ତଫା ପତ୍ର ପଠାଇବା ପରେ ଦିଲ୍ଲୀରେ ଫୁଲ ଧରିବେ କି ଦେବାଶିଷ ? ମୁଖ୍ୟମନ୍ତ୍ରୀ ଦିଲ୍ଲୀ ଗସ୍ତ ପରେ ବଢିଲା ଚର୍ଚ୍ଚା । ଦିଲ୍ଲୀରେ କେନ୍ଦ୍ର ନେତୃତ୍ୱ ଏବଂ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ବିଜେପିରେ ଯୋଗ ଦେଇ ପାରନ୍ତି ଦେବାଶିଷ । ଗତ କାଲି ଶ୍ରମୟୀଙ୍କ ସୋସିଆଲ ମିଡ଼ିଆ ପୋଷ୍ଟ ସେ ଆଡକୁ ଇଙ୍ଗିତ କରିଥିଲା ।  ଆଜି ଦିଲ୍ଲୀରେ ଦେବାଶିଷ ବିଜେଡି ଛାଡ଼ିବା ପରେ ବିଜେପିରେ ମିଶିବା ନେଇ ଚର୍ଚ୍ଚା ବଢିଛି । 

ଗତ କିଛି ଦିନ ଧରି ଦଳର ସୁପ୍ରିମୋ ଏବଂ ନୀତି ନିଷ୍ପତ୍ତିକୁ ବିରୋଧ କରି ଆସୁଥିଲେ ଦେବାଶିଷ । ୱାକଫ ବିଲ ପରେ ଅସନ୍ତୋଷ ଆରମ୍ଭ ହୋଇଛି । ସଂତୃପ୍ତ ମିଶ୍ରଙ୍କୁ ରାଜ୍ୟସଭା ପଠାଇବା ତାଙ୍କ ଅସନ୍ତୋଷକୁ ତୀବ୍ର କରିଥିବା କୁହାଯାଉଛି । ୪   ଏପ୍ରିଲ ୨୦୨୪ ସାଧାରଣ ନିର୍ବାଚନ ପୂର୍ବରୁ ଦେବାଶିଷ ସମନ୍ତରାୟଙ୍କୁ ରାଜ୍ୟସଭା ପଠାଇ ଥିଲା ବିଜେଡି । ଏପ୍ରିଲ ୨୦୩୦ ପର୍ଯ୍ୟନ୍ତ ତାଙ୍କର କାର୍ଯ୍ୟକାଳ ରହିଛି ।