ବିମାନବନ୍ଦରରୁ ବାହାରିଲା ମୋଦିଙ୍କ କାର୍‌କେଡ୍‌

ଭୁବନେଶ୍ୱରରେ ପହଞ୍ଚିସାରିଛନ୍ତି ପ୍ରଧାନମନ୍ତ୍ରୀ । ଏୟାରପୋର୍ଟରେ ପହଞ୍ଚିବା ପରେ ପ୍ରଧାନମନ୍ତ୍ରୀଙ୍କୁ ପାରମ୍ପରିକ ନୃତ୍ୟ ଗୀତ ସହ ଭବ୍ୟ ସ୍ୱାଗତ କରାଯାଇଛି । ଏୟାରପୋର୍ଟରୁ ଜନତା ମଇଦାନ ଅଭିମୁଖେ ବାହାରିଛି ମୋଦିଙ୍କ କାରକେଡ୍ । ପ୍ରଧାନମନ୍ତ୍ରୀଙ୍କର ଟିକିଏ ଝଲକ ଦେଖିବା ପାଇଁ ରାଜଧାନୀରେ ବିଶାଳ ଜନସମାବେଶ ଦେଖିବାକୁ ମିଳିଛି । କାରକେଡ୍ ରେ ଯିବା ସମୟରେ ପ୍ରଧାନମନ୍ତ୍ରୀ ମଧ୍ୟ ଲୋକଙ୍କୁ ହାତ ହଲାଇ ଅଭିବାଦନ ଜଣାଇଛନ୍ତି । ରାଜଧାନୀ ପୁରା ଗେରୁଆମୟ ହୋଇଯାଇଛି ।

19 ହଜାର କୋଟି ଟଙ୍କାର ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିବେ ପ୍ରଧାନମନ୍ତ୍ରୀ । 105ଟି ପ୍ରକଳ୍ପର ହେବ ଶିଳାନ୍ୟାସ ଓ ଉଦ୍ଘାଟନ । ଆୟୁଷ୍ମାନ ଭାରତ ବୟୋବନ୍ଦନ ଯୋଜନାରେ ବରିଷ୍ଠ ନାଗରିକଙ୍କୁ ବାଣ୍ଟିବେ ସ୍ବାସ୍ଥ୍ୟ କାର୍ଡ। ମୁଖ୍ୟମନ୍ତ୍ରୀ ଅନ୍ତଦ୍ୟୋୟ ଗୃହ ଯୋଜନାରେ ୫୦ ହଜାର ହିତାକାରୀଙ୍କୁ ଦେବେ କାର୍ଯ୍ୟାଦେଶ । ବର୍ଷକରେ ୧୭ ଲକ୍ଷ ଲକ୍ଷପତି ଦିଦି ସୃଷ୍ଟି କରିବାରେ ଓଡିଶା ସଫଳ ହୋଇଥିବାରୁ ରାଜ୍ୟର ଲକ୍ଷପତି ଦିଦିଙ୍କ ସହ ବି କଥା ହେବେ ପିଏମ ।

୧୨୩ କୋଟିର ଭଦ୍ରକ ଜିଲ୍ଲା କାରାଗାରର ଶିଳାନ୍ୟାସ କରିବେ । ୧୦୦ ଟି ଇ-ବସର ଶୁଭାରମ୍ଭ ବି କରିବେ । ଏହାସହ ବିଶେଷ ଭାବେ ବିଜେପି ସରକାରଙ୍କ ଭିଜନ ଓଡିଶା ୨୦୩୬ ଡକ୍ୟୁମେଣ୍ଟର ଲୋକାର୍ପଣ କରିବେ ପ୍ରଧାନମନ୍ତ୍ରୀ । ଯେଉଁଥିରେ ରହିଛି ୨୦୩୬ ସୁଦ୍ଧା ଓଡିଶାକୁ ବିକଶିତ କରିବାର ବ୍ଲୁ ପ୍ରିଣ୍ଟ ।