ଶ୍ରୀମୟୀଙ୍କ ଭଣ୍ଡ ସନ୍ନ୍ୟାସ ଉପାଖ୍ୟାନ ପରେ ମୁହଁ ଖୋଲୁଛନ୍ତି ଗୋଟିଏ ପରେ ଗୋଟିଏ ବିଜେଡି ନେତା । ପ୍ରଥମେ ମନ୍ମଥ ଆଉ ଏବେ ପ୍ରମିଳା ମଲ୍ଲିକ । ଶ୍ରୀମୟୀଙ୍କ ଭଣ୍ଡ ସନ୍ନ୍ୟସୀ ଉପାଖ୍ୟାନ ଉପରେ ଜବାବ ରଖିଲେ ବରିଷ୍ଠ ବିଜେଡି ବିଧାୟିକା ପ୍ରମିଳା ମଲ୍ଲିକ । ଆଗରୁ କେମିତି ସନ୍ତୁଷ୍ଟ ଥିଲେ ଏବେ କାହିଁକି ଅସନ୍ତୁଷ୍ଟ ହେଲେ ସେ କୁହନ୍ତୁ । କେତେବେଳେ ସନ୍ତୁଷ୍ଟ ଥିଲେ, କେମିତି ଅସନ୍ତୁଷ୍ଟ ହେଲେ ସବୁ କଥା ଖୋଲି କହିବାକୁ କହିଛନ୍ତି ପ୍ରମିଳା । ତେବେ ଦଳ ଭିତରେ ଯିଏ ବିଶୃଙ୍ଖଳା କରିବ, ସଭାପତି ଉପଯୁକ୍ତ କାର୍ଯ୍ୟାନୁଷ୍ଠାନ ନେବେ ବୋଲି ସଫା ସଫା କହିଦେଇଛନ୍ତି ପ୍ରମିଳା ମଲ୍ଲିକ ।

ସେପଟେ ନା ନ ନେଇ ଶ୍ରୀମୟୀଙ୍କୁ କଡା ଟାର୍ଗେଟ କରିଛନ୍ତି ବିଜେଡି ନେତା ମନ୍ମଥ ରାଉତରାୟ । ମଡର୍ଣ୍ଣ ଯୁଗର ମନ୍ଥରା ଏ ଭଳି ନେତ୍ରୀ । ଯେଉଁଠି ଯିବେ ଘର ଭାଙ୍ଗିବେ । ଭଦ୍ର ଶିକ୍ଷା ପାଇଥିଲେ ଏଭଳି ଭାଷା କୁହନ୍ତେ ନାହିଁ । ପୂର୍ବରୁ 4 ଟି ବିଭାଗର ବିଭିନ୍ନ ପଦବୀ ପାଇଛନ୍ତି । ରାଷ୍ଟ୍ରମନ୍ତ୍ରୀ ପାହ୍ୟାର ପଦବୀରେ ମଧ୍ୟ ରହିଛନ୍ତି । ଶଙ୍ଖ ଭବନରେ ଘଟିଥିବା କିଛି ଘଟଣାର କିଛି ଭିଡିଓ ଆମ ପାଖରେ ଅଛି । ସେହି ଭିଡିଓ ଛାଡିଲେ କେତେ ତଳ ସ୍ତରର ଏ ମହିଳା ସମସ୍ତେ ଜାଣିବେ । ଆଗରୁ ବିଜେଡି ଏହି ନେତ୍ରୀଙ୍କୁ ଖୁଆଇ ଦଉଥିଲା । ଏ ଭଳି ସ୍ୱାର୍ଥପର ନେତ୍ରୀଙ୍କୁ ଗଣମାଧ୍ୟମ ଅଧିକ ସମୟ ନ ଦେଉ ବୋଲି କହିଛନ୍ତି ମନ୍ମଥ ରାଉତରାୟ ।