ଭଣ୍ଡ ସନ୍ନ୍ୟାସୀ ଉପାଖ୍ୟାନ ଉଠାଇ ପରୋକ୍ଷରେ ପାଣ୍ଡିଆନଙ୍କୁ ପୁଣି ଟାର୍ଗେଟ କଲେ ଶ୍ରୀମୟୀ । ପୂର୍ବରୁ ମହାଭାରତ ଏବେ ପ୍ରକାଶ ଝାଙ୍କ OTT ୱେବସିରିଜ ନେଇ ପରୋକ୍ଷରେ ପାଣ୍ଡିଆନଙ୍କ ମିଛ ସନ୍ନ୍ୟାସୀକୁ ନେଇ ଉଠାଇଲେ ପ୍ରଶ୍ନ । ପାଣ୍ଡିଆନଙ୍କ ମିଛ ସନ୍ୟାସ ଅଭିନୟ ନେଇ ପ୍ରଶ୍ନ ଉଠାଇଲେ କି ଶ୍ରୀମୟୀ । ଶ୍ରୀମୟୀ ଲେଖିଛନ୍ତି, ସମସ୍ତ ମୋହମାୟା ପ୍ରତି ଦୁର୍ବଳତା ନ ରଖିବା ବ୍ୟକ୍ତି ବିଶେଷକୁ ସମାଜ ସନ୍ୟାସୀ ରୂପେ ଗ୍ରହଣ କରେ । କିନ୍ତୁ ଏଥିରେ ସନ୍ଦେହ କିମ୍ୱା ବ୍ୟତିକ୍ରମ ହେଲେ ସମାଜ ଭଣ୍ଡ ସନ୍ନ୍ୟାସୀର ରୂପ ଦେବାକୁ ତିଳେ ମାତ୍ର ପଛଘୁଞ୍ଚା ଦେଇନାହିଁ ।

ଆହୁରି ପଢନ୍ତୁ ସୋସିଆଲ ମିଡ଼ିଆରେ ପୋଷ୍ଟ କରି ସବୁ ସାରିଦେଲେ ଶ୍ରୀମୟୀ

ଏଇ କିଛି ଦିନ ତଳେ ଗୋଟିଏ ଓଟିଟି ପ୍ଲାଟଫର୍ମରେ ବଲିଉଡର ପ୍ରତିଷ୍ଠିତ ନିର୍ଦ୍ଦେଶକ ପ୍ରକାଶ ଝାଙ୍କ ଓ୍ବେବ୍ ସିରିଜ୍ ଦେଖିଲି ଯାହାକି ସନ୍ନ୍ୟାସ ଓ ସନ୍ନ୍ୟାସୀ ଉପରେ ଆଧାରିତ ଥିଲା । ସେଥିରେ କଳାକାରମାନଙ୍କ ଅଭିନୟ ବେଶ୍ ହୃଦୟସ୍ପର୍ଶୀ ଓ ଯୁଗୋପଯୋଗୀ ଥିଲା । ବର୍ତମାନ ଆମ ସମାଜରେ ଏହିପରି ଆମେ ଅନେକ ଗୁଡ଼ିଏ ଘଟଣା ଶୁଣୁଛେ କିମ୍ୱା ଦେଖୁଛେ, ଯେଉଁମାନେ ସନ୍ନ୍ୟାସ କହି ସମସ୍ତ ସୁଖ ସ୍ବାଛନ୍ଦ୍ୟ ପ୍ରତି ଲାଳାୟିତ ରହୁଛନ୍ତି । ପର ମୁହୁର୍ତ୍ତରେ ଏକ ଭଣ୍ଡ ସନ୍ନ୍ୟାସର ଆଖ୍ୟାରେ ପରିଚୟ ପାଇ ଶିରୋନାମା ମଣ୍ଡନ କରୁଛନ୍ତି ।

କିଛି ସନ୍ନ୍ୟାସୀଙ୍କ ଭାଷାରେ 'ଜଗତ ପଛେ ନର୍କେ ପଡିଥାଉ, ମୋ ଜୀବନ ଉଦ୍ଧାର ହେଉ' । ଯେଉଁମାନେ ଜଗନ୍ନାଥଙ୍କ ନାଁ ନେଇ ଅନ୍ୟ ପାଇଁ ଗାତ ଖୋଳୁଛନ୍ତି, ସେମାନେ ନିଜେ ସେଇ ଗାତରେ ପଡୁଛନ୍ତି ବୋଲି ଲେଖିଛନ୍ତି ଶ୍ରୀମୟୀ । ତେବେ ଶ୍ରୀମୟୀଙ୍କ ତାଙ୍କ ପୋଷ୍ଟରେ ସ୍ପଷ୍ଟ ଭାବେ କାହା ନାଁ ନେଇନଥିଲେ ମଧ୍ୟ କାହାକୁ ଇଙ୍ଗିତ କରୁଛନ୍ତି ତାହା ବୁଝିଲା ଲୋକ ଠିକ୍ ବୁଝୁଛନ୍ତି ।

କିଛିଦିନ ତଳେ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ ଶ୍ରୀମୟୀ । ନବୀନଙ୍କୁ ଧୃତରାଷ୍ଟ୍ର ଓ ପାଣ୍ଡିଆନଙ୍କୁ ଦୁର୍ଯ୍ୟୋଧନର ଆଖ୍ୟା ଦେଇଥିଲେ । ଯାହା ବିଜେଡି ଅନ୍ତଃ କନ୍ଦଳକୁ ଜଳ ଜଳ କରି ପଦାରେ ପକାଇଥିଲା । ନବୀନଙ୍କୁ ଅଯୋଗ୍ୟ ରାଜାର ଆକ୍ଷା ଦେଇ ଲେଖିଥିଲେ ଇତିହାସ କେବେ ବି ଦେବନି କ୍ଷମା । ଏହାସହ ଭିଡିଓ ବାର୍ତ୍ତାରେ ବି ଜଗତେ ଜନେ ହସିବାର ରଖିଥିଲେ ଉଦାହରଣ । ନବୀନଙ୍କ ନୂଆ ମହିଳା ବ୍ରିଗେଡ଼ରେ ଥିବା ଶ୍ରୀମୟୀ ମିଶ୍ର ଦଳୀୟ କାର୍ଯ୍ୟକ୍ରମରୁ ଦୁରେଇ ରହି ବାରମ୍ବାର ସୋସିଆଲ ମିଡିଆରେ କରୁଥିବା ଏଭଳି ପୋଷ୍ଟ କୁ ନେଇ ଦୋହଲିବାରେ ଲାଗିଲାଣି ଶଙ୍ଖ ଶିବିର ।

Argus News | argus news | Odisha Latest News, Breaking News, Trending News, Live TV