Rathayatra / ନେଦରଲ୍ୟାଣ୍ଡରେ ଐତିହାସିକ ରଥଯାତ୍ରା

ନେଦରଲ୍ୟାଣ୍ଡର “ବ୍ରହ୍ମର୍ଷି ଆଶ୍ରମ, କ୍ରିମ୍ପେନ୍ ଆନ୍ ଡେନ୍ ଆଇଜେଲ୍ ”ରେ OSCAN (ଓଡ଼ିଆ ସମାଜ) ଓ ଆଶ୍ରମର ମିଳିତ ଉଦ୍ୟମରେ ଶ୍ରୀଜଗନ୍ନାଥଙ୍କ ରଥଯାତ୍ରା ଭକ୍ତି ଓ ଉଲ୍ଲାସରେ ପାଳିତ ହେଲା।

ଡଚ୍ ଭୂମିରେ ପ୍ରଥମ ଥର ପାଇଁ ଚତୁର୍ଦ୍ଧା ମୂର୍ତି — ଶ୍ରୀଜଗନ୍ନାଥ, ବଳଭଦ୍ର, ଦେବୀ ସୁଭଦ୍ରା ଓ ସୁଦର୍ଶନ ରାଜରସ୍ତାକୁ ବିଜେ କଲେ। ୫୦୦ରୁ ଅଧିକ ଭକ୍ତ ମନ୍ଦିର ଓ ନଗର ଚତୁଃପାର୍ଶ୍ୱରେ *୪ କିଲୋମିଟର ପଦଯାତ୍ରା*ରେ ରଥ ଟାଣିଲେ। ଆକାଶ "ଜୟ ଜଗନ୍ନାଥ, ହରି ବୋଲ" ଧ୍ୱନିରେ ମୁଖରିତ ହେଲା।

ଦେବତାଙ୍କ ପାହଣ୍ଡି ବିଜେ ,ମଙ୍ଗଳାରତି, ଷୋଡ଼ଶୋପଚାର ପୂଜା, ସଙ୍କଳ୍ପ, ପୁଷ୍ପାଞ୍ଜଳି, ଛେରା ପହଁରା, ରଥ ଟାଣ, ମହାଆରତି, ଶାନ୍ତିପାଠ ଓ ବାହୁଡ଼ା ନୀଳାଦ୍ରି ବିଜେ ଆଦି ସମସ୍ତ ନୀତି ଭକ୍ତିଭାବରେ ପାଳିତ ହେଲା। ମନ୍ଦିରରେ ସବୁ ଭକ୍ତଙ୍କ ପାଇଁ ମହାପ୍ରସାଦ ପ୍ରସ୍ତୁତ ଓ ବିତରଣ କରାଗଲା।

ଏହି ଦିନର ସବୁଠାରୁ ବିଶେଷ ଥିଲା ଏହାର ଏକତା। ନେଦରଲ୍ୟାଣ୍ଡ ସହିତ ବେଲ୍‌ଜିୟମ ଓ ଲକ୍‌ଜେମ୍ବର୍ଗ*ରୁ ମଧ୍ୟ ଭକ୍ତମାନେ ଯୋଗ ଦେଇଥିଲେ। ଓଡ଼ିଆ, ଅଣ-ଓଡ଼ିଆ, ସୁରିନାମୀ ଓ ଡଚ୍ ମିତ୍ରମାନେ ଗୋଟିଏ ପରିବାର ଭଳି ଏକତ୍ର ହୋଇଥିଲେ। *ସ୍ଥାନୀୟ ଡଚ୍ ପ୍ରଶାସନ ରାଜରସ୍ତାରେ ରଥ ଟାଣିବା ପାଇଁ ଅନୁମତି ଦେଇ ହୃଦୟଙ୍ଗମ ସହଯୋଗ କରିଥିଲେ।

ସବୁଠାରୁ ହୃଦୟସ୍ପର୍ଶୀ ଦୃଶ୍ୟ ଥିଲା ଆମ ପିଲାମାନଙ୍କର, ଯେଉଁମାନେ ଗିନି ଓ ଶଙ୍ଖ ବଜାଇ, ନିଜ ହାତରେ ରଥ ଟାଣି, ସେବା ଓ ଭକ୍ତିର ମର୍ମ ଶିଖିଲେ। ଘରଠାରୁ ହଜାର ମାଇଲ୍ ଦୂରରେ ଥାଇ ଆମ ପିଲାମାନେ ଓଡ଼ିଆ ଜଗନ୍ନାଥ ସଂସ୍କୃତିକୁ ଆଗେଇ ନେଉଛନ୍ତି।

ସମଗ୍ର ଆୟୋଜନକୁ ସୁପରିଚାଳନା କରିବାରେ *ଓସକାନ ର ସଦସ୍ୟ ତଥା ସଭାପତି ଶାଶ୍ୱତ ପାଢୀ ଙ୍କ ସହ ଦୀପକ ପରିଡା , , ଲୋପାମୁଦ୍ରା ନାୟକ, ଅରୋସିଶ ମହାନ୍ତି , ସ୍ନେହାଶିଷ ରଥ, ଦେବଦତ୍ତ ଦାସ, ସବ୍ୟସାଚୀ ମହାପାତ୍ର, ବିକ୍ରମ ମହାନ୍ତି * ପ୍ରମୁଖ ମୁଖ୍ୟ ଭୂମିକା ଗ୍ରହଣ କରିଥିଲେ |

🙏 ବିଶ୍ୱର ସର୍ବତ୍ର ଥିବା ପ୍ରତ୍ୟେକ ଓଡ଼ିଆଙ୍କ ପାଇଁ ଗର୍ବର ଦିନ। 🇳🇱

ଜୟ ଜଗନ୍ନାଥ! ହରି ବୋଲ!

OSCAN Jagannath temple initiative, Netherlands