ଆଉ ଦିନ କେଇଟା ପରେ ବିଶ୍ୱ ନିଅନ୍ତାଙ୍କ ରଥଯାତ୍ରା । ଏଥର ରଥଯାତ୍ରାକୁ ଦିବ୍ୟ ଓ ଭବ୍ୟ କରିବା ପାଇଁ ସମସ୍ତ ପ୍ରସ୍ତୁତି ଜୋର ସୋର୍ ରେ ଚାଲିଛି । ସବୁଠୁ ବେଶୀ ମନ ମୋହୁଛି ପାରମ୍ପରିକ ଝୋଟି ଚିତା । ଝୋଟି ଚିତାରେ ଝଟକୁଛି ବଡ ଦାଣ୍ଡ । ସେହିପରି ଗୁଣ୍ଡିଚା ମନ୍ଦିର ସମ୍ମୁଖ ମଧ୍ୟ ଝୋଟି ଚିତାରେ ଖୁବ ଆକର୍ଷଣୀୟ ଲାଗୁଛି ।

ଭାବର ଠାକୁର ସେ କାଳିଆ ସାଆନ୍ତ । ଭକ୍ତଙ୍କ ଭକ୍ତିରେ ସେ ବନ୍ଧା । ରତ୍ନବେଦୀ ଛାଡି ବାହୁଡି ଆସିବେ ଭକ୍ତଙ୍କ ପାଖକୁ । ଆଉ ତାଙ୍କର ସ୍ୱାଗତ ପାଇଁ ଏ ସାଜ ସଜ୍ଜା । ସମସ୍ତେ ଉତ୍ସାହିତ । ସମସ୍ତେ ପୁଲକିତ । ସମସ୍ତ ପ୍ରସ୍ତୁତି ଏବେ ଶେଷ ପର୍ଯ୍ୟାୟରେ ପହଞ୍ଚିଛି । ସିଂହଦ୍ୱାର ଚକଡାରେ ରଙ୍ଗ ବେରଙ୍ଗର ଆକର୍ଷଣୀୟ ଝୋଟି ଚିତା ଏବେ ସମସ୍ତଙ୍କ ମନ ମୋହୁଛି ।

ରଥରେ ମହାପ୍ରଭୁ ବିଜେ କରିବା ପୂର୍ବରୁ, ରଥ ଚାଲିବା ପରେ, ରଥ ଶ୍ରୀଗୁଣ୍ଡିଚା ମନ୍ଦିରରେ ପହଞ୍ଚିବା ପରେ ଶୋଧ ଓ ନିୟନ୍ତ୍ରିତ କରିବା ପାଇଁ ଗଠିତ ହୋଇଛି ସ୍ବତନ୍ତ୍ର ଟିମ୍ ।

ରଥ ଉପରେ ମୋବାଇଲ୍ ବାରଣ,ରଥକୁ ଶୋଧ ,ଅନଧିକୃତ ସେବକଙ୍କୁ ବାରଣ ଇତ୍ୟାଦିକୁ ନେଇ ସ୍ୱତନ୍ତ୍ର ଟିମ୍ କୁ ଦାୟିତ୍ଵ ଦିଆଯାଇଛି ।

ଅନଧିକୃତ ସେବକ ବା ଛଦ୍ମବେଶୀ ରଥରେ ଚଢିଲେ କାର୍ଯ୍ୟାନୁଷ୍ଠାନ ହେବ ଏବଂ ତୁରନ୍ତ କିପରି ରଥ ଶୋଧ କରାଯିବ । ରଥ ରେ କେତେ ସଂଖ୍ୟକ ସେବକ ଚଢ଼ିବେ,ସହାୟକ ମାନେ କେତେବେଳେ ଚଢ଼ି ପାରିବେ । ରଥରେ କେତେ ସଂଖ୍ୟକ ସେବକ ଚଢ଼ିବେ, ସହାୟକମାନେ କେତେବେଳେ ଚଢ଼ି ପାରିବେ ସେ ସମସ୍ତ କଥା ନେଇ ଆଲୋଚନା ହୋଇଛି ।

ରଥଯାତ୍ରା ପାଇଁ ଜେନେରାଲ ପୋଲିସ ବ୍ରିଫିଂ।ଡିଜି ପୋଲିସ ଙ୍କ ଅଧ୍ୟକ୍ଷତାରେ ପୁରୀ ପୌର ସଦନରେ ଅନୁଷ୍ଠିତ ହେଉଛି ଏହି ବ୍ରିଫି ବା ବ୍ୟବସ୍ଥାବଳୀ ସଂକ୍ଷିପ୍ତ ।

ସେପଟେ ରଥଯାତ୍ରା ପାଇଁ ମୁତୟନ ହେବେ ୧୦ ହଜାରରୁ ଉର୍ଦ୍ଧ୍ଵ ସୁରକ୍ଷାକର୍ମୀ । ସହରରେ ଆକ୍ଟିଭ ମୋଡରେ କାର୍ଯ୍ୟ କରିବେ ଆଣ୍ଟି ସାବୋଟେଜ୍ ଟିମ୍ । ସମସ୍ତ ଜାଗାରେ ମୁତୟନ ରହିବେ ଆଣ୍ଟି ଟେରୋରିଷ୍ଟ ଟିମ୍ । ଜଳ ସ୍ଥଳ ଆକାଶ ପଥରୁ ତୀକ୍ଷ୍ମ ନଜର ରହିବ । ମୁତୟନ ରହିବ ସ୍ପେଶିଆଲ tactical unit ର ବଜ୍ର ଗାଡ଼ି ରକ୍ଷକ ପ୍ଲସ । ସହର ଓ ସହର ବାହାରେ ଟ୍ରାଫିକ ମୋବିଲିଟି ପ୍ଲାନ୍ । ସହରରେ ୫୩ ଟି ଓ ସହର ବାହାରେ ରହିବ ୧୭ ଟି ଏଡ୍ ପୋଷ୍ଟ । ଇନ ସାଇଡ ଟ୍ରାଫିକକୁ ୪ ଟି ଭାଗରେ ବିଭକ୍ତ କରାଯିବା ସହ ୪୨ ସେକ୍ସନ ଫୋର୍ସ ମୁତୟନ ହେବ । କୁମ୍ଭାରପଡ଼ା, ମାଳତିପାଟପୁରରେ କାମ କରିବ ଦୁଇଟି ଟ୍ରାଫିକ କଣ୍ଟ୍ରୋଲ ରୁମ୍ ।

Argus News | argus news | Odisha Latest News, Breaking News, Trending News, Live TV