ଅଳ୍ପକେ ବର୍ତ୍ତିଲେ ଯାତ୍ରୀ । ମରୁ ମରୁ ବଞ୍ଚିଗଲେ । ଟିକେ ଏପଟ ସେପଟ ହୋଇଥାନ୍ତା.. ପୁରା ସ୍କର୍ପିଓ ସହ ଭାସିଯାଇଥାନ୍ତେ । ଏମିତି କିଛି ଘଟଣା ଘଟିଛି ରବିବାର ଭସାଇ ସ୍ଥିତ କଲାମ୍ବ ବିଚ୍‌ରେ । ଏହି ବିଚ୍‌ ମୁମ୍ବାଇଠାରୁ ମାତ୍ର ୭୫ କିଲୋମିଟର ଦୂରରେ ରହିଛି । ଅନେକ ପର୍ଯ୍ୟଟକ ଏଠାକୁ ଆସନ୍ତି । ଏଠାରେ ବୁଲାବୁଲି କରନ୍ତି । ଏମିତି ବୁଲୁ ବୁଲୁ କିଛି ପର୍ଯ୍ୟଟକ ଆରବ ସାଗର ମଧ୍ୟକୁ ଗାଡ଼ି ସହ ଟାଣି ହୋଇଯାଇଥାନ୍ତେ । ହେଲେ ଭଗବାନଙ୍କ କୃପାରୁ ସେମାନେ ବଞ୍ଚିଯାଇଛନ୍ତି ।

ଏହି ଯାତ୍ରୀମାନେ ସମୂଦ୍ର କୂଳ ବେଳାଭୂମିରେ ଗାଡ଼ି ଚଲାଉ ଚଲାଉ ପାଣିର ଏତେ ନିକଟକୁ ଚାଲିଯାଇଥିଲେ ଯେ, ହଠାତ୍ ଯେତେବେଳେ ଏକ ବଡ଼ ଢେଉ ଆସିଲା ସେତେବେଳେ ଏମାନେ ଆଉ ଦୂରକୁ ଯାଇପାରିଲେନି । ପାଣିର ଶକ୍ତି ଏତେ ଅଧିକ ଥିଲା ଯେ, ଗାଡ଼ିକୁ କିଛିବାଟ ଭିତରକୁ ଟାଣି ନେଇଥିଲା । ହେଲେ ତାପରେ ଗାଡ଼ି ଡ୍ରାଇଭର ନିଜର ଉପସ୍ଥିତ ବୁଦ୍ଧି ପ୍ରୟୋଗ କରି ସେହି ବିପଦରୁ ସମସ୍ତଙ୍କୁ ବଞ୍ଚାଇଦେଇଥିଲେ ।

ଏହି ଘଟଣାର ଏକ ଭିଡିଓ ଭାଇରାଲ ହେଉଛି । ଯେଉଁଥିର ଜଣାପଡ଼ୁଛି ଧଳା ସ୍କର୍ପିଓଟି ସମ୍ପୂର୍ଣ୍ଣ ରୂପେ ଭାସିଯାଇଥିଲା । ହେଲେ ଅଳ୍ପକେ ବର୍ତ୍ତିଗଲା । ଲୋକମାନେ ସ୍କର୍ପିକୁ ଟାଣି ଟାଣି ପାଣିରୁ ବାହାର କରିବାକୁ ଚେଷ୍ଟା କରିଛନ୍ତି । ଦେଖିଲେ ଏମିତି ଲାଗୁଥିଲା ଯେମିତି, ସ୍ଥାନୀୟ ଲୋକ ଓ ସ୍କର୍ପିଓ ମଧ୍ୟରେ ରସି ଭିଡ଼ା ଭିଡ଼ିର ପ୍ରତିଯୋଗୀତା ଚାଲିଛି ।

ତେବେ ସବୁଠାରୁ ବଡ଼ କଥା ହେଲା, ଏହି ଦୁର୍ଘଟଣାରେ କାହାର କୌଣସି ପ୍ରକାର କ୍ଷତି ହୋଇନାହିଁ । ସ୍ଥାନୀୟ ଲୋକେ ଗାଡ଼ିକୁ ଟାଣି ଟାଣି କୂଳରେ ଲଗାଇଦେଇଛନ୍ତି ।

वसईत पर्यटकांची स्कॉर्पिओ समुद्राच्या पाण्यात मधोमध अडकली

वसई : सैरसपाट्यासाठी आलेल्या पर्यटकांची स्कॉर्पिओ कार थेट समुद्राच्या पाण्यात अडकण्याचा प्रकार घडला. अचानक आलेल्या भरतीमुळे ही कार समुद्राच्या मधोमध अडकली होती. मात्र, वेळेवर मदत मिळाल्याने सर्व पर्यटक थोडक्यात बचावले.… pic.twitter.com/67VJdpz5TE

— Policenama (@Policenama1) September 22, 2025