ଅର୍ଗସ ବ୍ୟୁରୋ: ଭାରତ-ଅଷ୍ଟ୍ରେଲିଆ ଚତୁର୍ଥ ଟେଷ୍ଟ ପୂର୍ବରୁ ଟିମ୍ ଇଣ୍ଡିଆକୁ ଲାଗିଛି ବଡ଼ ଝଟକା । ଅଭ୍ୟାସ ବେଳେ ଆହତ ହେଲେ ରୋହିତ ଶର୍ମା । ଅଧିନାୟକ ରୋହିତ ଶର୍ମା ମେଲବର୍ଣ୍ଣ ଟେଷ୍ଟରୁ ବାଦ୍ ପଡ଼ିବେ କି ? ଏହାକୁ ନେଇ ବଢିଲା ଦ୍ବନ୍ଦ । ଅଭ୍ୟାସ ସମୟରେ ରୋହିତଙ୍କ ବାମ ଆଣ୍ଠୁରେ ଆଘାତ ଲାଗିଛି । ରୋହିତଙ୍କୁ ଟିକେ ଚାଲିବାରେ ଅସୁବିଧା ହେଉଥିଲେ ମଧ୍ୟ ସେ ସୁସ୍ଥ ଅଛନ୍ତି । ବର୍ଡର-ଗାଭାସ୍କର ଟ୍ରଫି ଭାରତ ଓ ଅଷ୍ଟ୍ରେଲିଆ ମଧ୍ୟରେ ୫ ଟି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯାଉଛି ।

ଟେଷ୍ଟ ସିରିଜ୍ ଏବେ ୧-୧ ରେ ସମାନ ରହିଛି । ସିରିଜର ଚତୁର୍ଥ ଟେଷ୍ଟ ମ୍ୟାଚ୍ ଡିସେମ୍ବର ୨୬ରୁ ମେଲବର୍ଣ୍ଣ ରେ ଖେଳାଯିବ । ମେଲବର୍ଣ୍ଣ ଟେଷ୍ଟ ପାଇଁ ଭାରତୀୟ ଦଳ ଅଭ୍ୟାସରେ ଲାଗିଛି । ରବିବାର ଭାରତୀୟ ଖେଳାଳିମାନେ ଅଭ୍ୟାସ କରୁଥିବା ସମୟରେ ରୋହିତଙ୍କ ଆଣ୍ଠୁରେ ଆଘାତ ଲାଗିଥିଲା । ଭାରତୀୟ ଦଳର ବୋଲର ଦୟାନନ୍ଦ ଗରାଣୀ ଫିଙ୍ଗିଥିବା ବଲ୍ ରୋହିତଙ୍କ ବାମ ଆଣ୍ଠୁରେ ବାଜିଥିଲା । ରୋହିତଙ୍କୁ ଟିକେ ଚାଲିବାରେ ଅସୁବିଧା ହେଉଥିଲା । ତେବେ ରୋହିତ ଏବେ ସୁସ୍ଥ ଅଛନ୍ତି । ଯଦି ରୋହିତ ଦୁର୍ଭାଗ୍ୟବଶତଃ ମେଲବର୍ଣ୍ଣ ଟେଷ୍ଟରୁ ବାଦ୍ ପଡ଼ନ୍ତି । ତେବେ ଯଶପ୍ରୀତ ବୁମ୍ରା ଙ୍କୁ ଅଧିନାୟକ ଭାବେ ଦେଖିବାକୁ ମିଳିପାରେ !

ଅଧିକ ପଢ଼ନ୍ତୁ ଖେଳ ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more