ବାଂଲାଦେଶକୁ ପରାସ୍ତ କରି ଏସିଆ କପ୍ ଟାଇଟଲ ଜିତିଲା ଟିମ୍ ଇଣ୍ଡିଆ

ଅର୍ଗସ ବ୍ୟୁରୋ:  ପରାଜୟର ପ୍ରତିଶୋଧ ନେଲା ଭାରତ । ବାଂଲାଦେଶକୁ ପରାସ୍ତ କରି ଏସିଆ କପ୍ ଟାଇଟଲ ଜିତିଲା ଟିମ୍ ଇଣ୍ଡିଆ । ମହିଳା ୧୯ ବର୍ଷରୁ କମ୍ ଏସିଆ କପ୍ ରେ ୪୧ ରନ୍ ରେ ବିଜୟୀ ହେଲା ଭାରତ । ଡିସେମ୍ବର ୨୨ ତାରିଖ ରବିବାର ମହିଳା ୧୯ ବର୍ଷରୁ କମ୍ ଏସିଆ କପର ଫାଇନାଲ ମ୍ୟାଚ୍ ଖେଳାଯାଇଥିଲା । ମାଲେସିଆର କୁଆଲାଲମ୍ପୁରରେ ଖେଳାଯାଇଥିବା ଏହି ମ୍ୟାଚ୍ ରେ ଉଭୟ ଦଳ ମୁହାଁମୁହିଁ ହୋଇଥିଲେ । ଏଥର ଟିମ୍ ଇଣ୍ଡିଆ ୪୧ ରନ୍ ରେ ବିଜୟୀ ହୋଇଛି ।

ଭାରତୀୟ ମହିଳା ଦଳ ପ୍ରଥମେ ବ୍ୟାଟିଂ କରି ୧୧୭ ରନ୍ କରିଥିଲା, ଯାହାର ଜବାବରେ ବାଂଲାଦେଶ ୭୬ ରନ୍ କରିଥିଲା । ତେବେ ନିକଟରେ ପୁରୁଷ ୧୯ ବର୍ଷରୁ କମ୍ ଏସିଆ କପ୍ ଖେଳାଯାଇଥିଲା, ଯେଉଁଥିରେ ବାଂଲାଦେଶ ଦଳ ଫାଇନାଲରେ ଟିମ୍ ଇଣ୍ଡିଆକୁ ପରାସ୍ତ କରିଥିଲା । ଏବେ ଏହି ପରାଜୟର ପ୍ରତିଶୋଧ ନେଇଛି ଭାରତୀୟ ମହିଳା ଦଳ ।

ଅଧିକ ପଢ଼ନ୍ତୁ ଖେଳ ଖବର: